గూగుల్ మ్యాప్స్ యాప్ని వినియోగదారులకు మరింత యూజర్ ఫ్రెండ్లీగా మార్చే ప్రయత్నంలో గూగుల్ ప్రత్యేకంగా భారత మార్కెట్ కోసం అనేక కొత్త ఫీచర్లను ప్రకటించింది. ఈ యాప్ ఇప్పుడు ఆర్టిఫీషియల్ ఇంటెలిజెన్స్, స్థానిక భాగస్వామ్యంతో నడుస్తుందని, ఇది భారతీయ వినియోగదారుల మొబిలిటీ అవసరాలను తీర్చడానికి అనేక ఇన్నోవేషన్స్ని చేర్చడానికి అనుమతిస్తుందని టెక్ దిగ్గజం తెలిపింది. ఈ నావిగేషన్ యాప్లో ఇరుకైన రోడ్లు, ఫ్లైఓవర్లు, ఈవీ ఛార్జింగ్ లొకేటర్లు వంటి సమాచారాన్ని ప్రదర్శించనున్నారు. ఓఎన్డీసీ, నమ్మ యాత్ర సహకారంతో మెట్రో ట్రిప్లను కూడా వినియోగదారులు బుక్ చేసుకోవచ్చు. గూగుల్ మ్యాప్స్ కొత్త ఫీచర్స్ వివరాలు..
గూగుల్ మ్యాప్స్: ఇరుకైన రోడ్ అలర్ట్..
కొత్త గూగుల్ మ్యాప్స్ యాప్ ఇరుకైన లేదా రద్దీగా ఉండే రోడ్ల గురించి నాలుగు చక్రాల వాహనదారులను అప్రమత్తం చేయగలదు. దీని కోసం ప్రత్యేకంగా ఏఐ మోడల్ను అభివృద్ధి చేసింది. ఇందులో ఉపగ్రహ చిత్రాలు, స్ట్రీట్ వ్యూ, రహదారి రకాలు, భవనాల మధ్య దూరం, పేవ్డ్ సెక్షన్లు సహా మరెన్నో ఉన్నాయి.
ప్రయాణ సమయంలో గణనీయమైన జాప్యం లేకుండా ఇరుకైన రహదారులను నివారించడానికి నాలుగు చక్రాల వాహనాలకు సహాయపడటానికి ప్రస్తుత ఏఐ రూటింగ్ అల్గారిథమ్లను మెరుగుపరచడానికి ఈ అదనపు సమాచారం సహాయపడుతుందని కంపెనీ తెలిపింది. ఈ చర్య ఇరుకైన రహదారుల రద్దీని తగ్గించడానికి సహాయపడుతుంది. ఇది ద్విచక్ర వాహనదారులు, పాదచారులు, ఇతర ప్రయాణీకులకు కేటాయించడం జరుగుతుంది.
హైదరాబాద్, బెంగళూరు, చెన్నై, కోయంబత్తూర్, ఇండోర్, భోపాల్, భువనేశ్వర్, గౌహతి నగరాల్లో ఆండ్రాయిడ్ డివైస్లలో మాత్రమే గూగుల్ ఈ కొత్త ఫీచర్ను అందుబాటులోకి తెచ్చింది గూగుల్ మ్యాప్స్. రానున్న నెలల్లో ఐఓఎస్ డివైజ్లతో పాటు మరిన్ని నగరాల్లోనూ దీన్ని తీసుకురానుంది.
గూగుల్ మ్యాప్స్: ఫ్లైఓవర్ అలర్ట్
ఇప్పుడు గూగుల్ మ్యాప్స్లో ఫ్లైఓవర్ల విషయంలో ఇబ్బందులు ఉన్నాయి. అవి సరిగ్గా కనిపించవు లేదా ఫ్లైఓవర్లు ఉన్నాయా లేదా అనేది చివరి నిమిషం వరకు తెలియదు. యూజర్ల చిరకాల కోరిక అయిన గూగుల్ మ్యాప్స్ ఎట్టకేలకు ఫ్లైఓవర్లను చూపించి, ముందుగానే సిద్ధమయ్యేందుకు యూజర్లకు సహాయపడుతుంది. అవసరమైనప్పుడు ఒకదాన్ని నివారించడానికి ఇది వినియోగదారులకు సహాయపడుతుంది. మ్యాప్ మై ఇండియాకు చెందిన మ్యాప్స్ యాప్లో విజువల్ రిఫరెన్స్ తో ఫ్లైఓవర్ ఫీచర్ ను కొంతకాలంగా ప్రదర్శిస్తుండటం గమనార్హం.
ఫోర్ వీలర్, టూ వీలర్ యాక్టివ్ నావిగేషన్ కోసం గూగుల్ భారతదేశంలోని 40 నగరాల్లో ఫ్లైఓవర్ అలర్ట్ను అమలు చేస్తోంది. ఆండ్రాయిడ్ డివైజ్లు, ఆండ్రాయిడ్ ఆటో రెండింటిలోనూ ఈ అప్డేట్ అందుబాటులో ఉంటుంది. త్వరలో ఐఓఎస్ డివైజ్లు, యాపిల్ కార్ ప్లేలో కూడా అందుబాటులో ఉంటుందని కంపెనీ తెలిపింది.
గూగుల్ మ్యాప్స్: ఈవీ ఛార్జింగ్ స్టేషన్లు..
ఎలక్ట్రిక్ వాహన వినియోగదారులకు మరింత సౌకర్యవంతంగా ఉండటానికి భారతదేశంలో గూగుల్ మ్యాప్స్, గూగుల్ సెర్చ్ రెండింటిలో ఈవీ ఛార్జింగ్ లొకేటర్లను కూడా విడుదల చేస్తోంది. ఎలక్ట్రిక్ పే, ఏథర్, కజామ్, స్టాటిక్ వంటి భారతదేశంలోని ఈవీ ఛార్జింగ్ ప్రొవైడర్లతో కలిసి 8,000 ఛార్జింగ్ స్టేషన్లను జోడించింది.
ఎలక్ట్రిక్ ఫోర్ వీలర్స్, టూ వీలర్స్ రెండింటికీ ప్లగ్ టైప్స్, రియల్ టైమ్ లభ్యత వంటి సమగ్ర సమాచారాన్ని ఈ యాప్ ద్వారా తెలుసుకోవచ్చు. వినియోగదారులు నిర్దిష్ట ఛార్జర్ రకాలను ఫిల్టర్ చేయవచ్చు, ప్రదేశానికి చేరుకునే ముందు స్టేషన్ తెరిచి ఉందో లేదో తనిఖీ చేయవచ్చు. ద్విచక్ర వాహనాల కోసం ఈవీ ఛార్జింగ్ స్టేషన్ల ఫీచర్ అనేది గూగుల్ మ్యాప్లో రావడం ప్రపంచంలోనే మొదటిది. భారతదేశం దీనిని పొందిన మొదటి దేశం.
