తారక్‌ ఎలా ఉన్నారు? ఆయన పక్కన జాన్వీ ఎలా ఉన్నారు? వారిద్దరి మధ్య కెమిస్ట్రీ ఎలా ఉంది? ఇప్పుడు దేవర పాటను విన్న వారందరూ ఇదే డిస్కస్‌ చేసుకుంటున్నారు. మరికొందరు ఈ పాటను ఓ వైపు ఆస్వాదిస్తూనే… ఇంకెక్కడో విన్నట్టుందే అని ఆరా తీస్తున్నారు… ఇంతకీ మీరు పాటను విన్నారా? ఓ సారి వినేద్దాం రండి…
చుట్టమల్లే చుట్టేస్తోంది తుంటరి చూపూ అని హస్కీగా పాట మొదలవుతుంటే అందరి చూపూ జాన్వీ మీదే వాలిపోయింది. తారక్‌ – జాన్వీ ఆన్‌ స్క్రీన్‌ కెమిస్ట్రీ అదిరిందంటున్నారు ఫ్యాన్స్.
కొరటాల టేకింగ్‌కి కూడా మంచి మార్కులు పడుతున్నాయి. ఇంకెప్పుడు? ఇంకా ఎప్పుడూ అంటూ ప్రేక్షకులు పదే పదే అడిగితే ఊరించి ఊరించి విడుదల చేశారు ఈ పాటను.
చుట్టమల్లే సాంగ్‌ వినగానే కొందరు ఆస్వాదించినా, మరికొందరు మాత్రం ఈ ట్యూన్‌ ఎక్కడో విన్నట్టుందే అంటూ అనిరుద్‌ బాణీకి పోలికలు వెతకడం మొదలుపెట్టేశారు.
ఇప్పటిదాకా దేవర ప్రమోషనల్‌ కంటెంట్‌లో కనిపించిన తారక్‌కీ, ఈ పాటలో కనిపించిన తారక్‌కీ చాలా వేరియేషన్‌ ఉంది. లుక్స్ పరంగా తారక్‌కి వంద మార్కులు పడుతున్నాయి. డార్క్ షేడ్స్ మాత్రమే కాదు, రొమాంటిక్‌ సైడ్‌ కూడా మూవీలో ఉంటుందనే భరోసాను ఈ పాటతో కల్పించారు మేకర్స్.
