బిర్యానీ, మసాలా వంటకాల్లో ఉపయోగించే దినుసుల్లో దాల్చిన చెక్క కూడా ఒకటి. సుగంధ ద్రవ్యాల్లో ఇది కూడా ఒకటి. దాల్చిన చెక్కతో రుచికరమైన ఆహారమే కాకుండా..
ఎన్నో అనారోగ్య సమస్యలకు, కిచెన్ హ్యాక్స్‌ కింద కూడా ఉపయోగించుకోవచ్చు. దాల్చిన చెక్కలో ఎన్నో ఔషధ గుణాలు ఉన్నాయి. వీటితో చాలా రకాల అనారోగ్య సమస్యలను తగ్గించుకోవచ్చు.
దాల్చిన చెక్క పొడిని గోరు వెచ్చటి నీటిలో కలిపి తాగడం వల్ల వాతం వ్యాధులను తగ్గించుకోవచ్చు. ఈ నీటిని తాగడం వల్ల కడుపులో ఉండే వాతం తగ్గుతుంది. దాల్చి చెక్క రసాన్ని లేదా పొడిని ప్రతి రోజూ చిటికెడు తీసుకున్నా శరీరంలో చేరిన నీరు తొలగి పోతుంది
దాల్చిన చెక్కతో మైగ్రేన్ తల నొప్పిని కూడా తగ్గించుకోవచ్చు. చిన్న దాల్చిన చెక్క ముక్కను నోట్లో పెట్టుకుని చప్పరిస్తూ ఉంటే.. స్వర పేటిక వాపు, గొంతు బొంగురు పోవడం వంటి సమస్యలను కూడా దాల్చిన చెక్కతో తగ్గించుకోవచ్చు. పీరియడ్స్ సమయంలో ఆడువారిలో వచ్చే సమస్యల్ని కూడా కంట్రోల్ అవుతాయి.
దాల్చిన చెక్క పొడి, గంధం పొడి, గులాబీ నీటిలో కలిపి ముఖానికి రాసుకోవడం వల్ల.. చర్మంపై ముడతలు, మచ్చలు తగ్గి, రంగు పెరుగుతుంది. దాల్చిన చెక్క పొడిలో నిమ్మరసం కూడా కలిపి ఫేస్ ప్యాక్‌లా వేసుకుంటే.. మొటిమలు, బ్లాక్ హెడ్స్ తొలగుతాయి.
దాల్చిన చెక్కను తీసుకోవడం వల్ల రక్త హీనత సమస్య నుంచి కూడా బయట పడొచ్చు. జీర్ణ వ్యవస్థ, దంతాలు, నోటి ఆరోగ్యం మెరుగు పడుతుంది. దాల్చిన చెక్క ఆయిల్‌ను కళ్లపై మూసి రాయడం వల్ల కళ్ల నొప్పులు, వాపు తగ్గుతాయి.
