నిరుద్యోగులకు రైల్వే శాఖ భారీ శుభవార్త అందించింది. భారత ప్రభుత్వ రైల్వే మంత్రిత్వ శాఖ ఆధ్వర్యంలోని దేశ వ్యాప్తంగా ఉన్న అన్ని రైల్వే జోన్లలో 11,558 ఖాళీల భర్తీ రైల్వే రిక్రూట్‌మెంట్ బోర్డు (RRB) నోటిఫికేషన్‌ విడుదల చేసింది.
ఈ నోటిఫికేషన్‌ కింద నాన్-టెక్నికల్ పాపులర్ కేటగిరీలో గ్రాడ్యుయేట్/ అండర్ గ్రాడ్యుయేట్‌లకు సంబంధించి ఉద్యోగాలను భర్తీ చేయనున్నారు. మొత్తం పోస్టుల్లో 8,113 గ్రాడ్యుయేట్ స్థాయి పోస్టులు, 3,445 అండర్ గ్రాడ్యుయేట్ పోస్టులు ఉన్నాయి. అహ్మదాబాద్, అజ్‌మేర్, బెంగళూరు, భోపాల్, భువనేశ్వర్, బిలాస్‌పూర్, చండీగఢ్, చెన్నై, గువాహటి, గోరఖ్‌పుర్, జమ్ము & శ్రీనగర్, కోల్‌కతా, మాల్దా, ముంబయి, ముజఫర్‌పూర్, పట్నా, ప్రయాగ్‌రాజ్, రాంచీ, సికింద్రాబాద్, సిలిగురి, తిరువనంతపురం రీజియన్లలో ఈ పోస్టులను భర్తీ చేస్తారు.
గ్రాడ్యుయేట్ కేటగిరీలో చీఫ్ కమర్షియల్ కమ్ టికెట్ సూపర్‌వైజర్, స్టేషన్ మాస్టర్, గూడ్స్ ట్రైన్ మేనేజర్, జూనియర్ అకౌంట్ అసిస్టెంట్ కమ్ టైపిస్ట్, సీనియర్ క్లర్క్ కమ్ టైపిస్ట్ పోస్టులను, అండర్ గ్రాడ్యుయేట్ కేటగిరీలో కమర్షియల్ కమ్ టికెట్ క్లర్క్, అకౌంట్ క్లర్క్, ట్రైన్స్ క్లర్క్, జూనియర్ క్లర్క్ కమ్ టైపిస్ట్ పోస్టులను భర్తీ చేయనున్నారు. గ్రాడ్యుయేట్ పోస్టులకు సంబంధిత విభాగంలో బ్యాచిలర్స్ డిగ్రీ ఉండాలి. 01-01-2025 నాటికి 18 నుంచి 36 ఏళ్ల మధ్య ఉండాలి. ఎస్సీ, ఎస్టీ, దివ్యాంగ అభ్యర్థులకు సడలింపు ఉంటుంది. ఎంపికైన వారికి నెలకు రూ.29,200 నుంచి రూ.35,400 వరకు జీతంగా చెల్లిస్తారు. అండర్ గ్రాడ్యుయేట్ పోస్టులకు ఇంటర్‌లో ఉత్తీర్ణత పొంది ఉండాలి. వయోపరిమితి 01-01-2025 నాటికి 18 నుంచి 33 ఏళ్ల మధ్య ఉండాలి. ఎస్సీ, ఎస్టీ, దివ్యాంగ అభ్యర్థులకు సడలింపు ఉంటుంది.
ఎంపికైన వారికి నెలకు రూ.19,900 నుంచి రూ.21,700 వరకు జీతంగా చెల్లిస్తారు. ఈ మేరకు ఆర్‌ఆర్‌బీ షార్ట్‌ నోటిఫికేషన్‌ను విడుదల చేసింది. సెప్టెంబర్ 14వ తేదీన పూర్తి వివరాలతో వివరణాత్మక నోటిఫికేషన్‌ విడుదలకానుంది. ఆన్లైన్ దరఖాస్తు ప్రక్రియ గ్రాడ్యుయేట్ స్థాయి పోస్టులకు సెప్టెంబర్ 14న ప్రారంభమై.. అక్టోబర్ 13వ తేదీతో ముగుస్తుంది. ఇక అండర్ గ్రాడ్యుయేట్ స్థాయి పోస్టులకి సెప్టెంబర్ 21 నుంచి దరఖాస్తు ప్రక్రియ ప్రారంభంకానుంది. అక్టోబర్ 20వ తేదీతో ముగుస్తుంది. దరఖాస్తు రుసుము కింద జనరల్, ఈడబ్ల్యూఎస్‌, ఓబీసీ కేటగిరీ అభ్యర్థులకు రూ.500. ఎస్సీ, ఎస్టీ, ఈఎస్‌ఎం, ఈబీసీ, దివ్యాంగులు, మహిళా అభ్యర్థులకు రూ.250 చెల్లించాలి. కంప్యూటర్‌ బేస్డ్‌ టెస్ట్ (టైర్-1, టైర్-2), స్కిల్ టెస్ట్, డాక్యుమెంట్ వెరిఫికేషన్, మెడికల్ ఎగ్జామినేషన్ ఆధారంగా తుది ఎంపిక ఉంటుంది.
గ్రాడ్యుయేట్ పోస్టుల వివరాలు
కమర్షియల్ కమ్ టికెట్ సూపర్‌వైజర్ పోస్టులు: 1,736
స్టేషన్ మాస్టర్ పోస్టులు: 994
గూడ్స్ రైలు మేనేజర్ పోస్టులు: 3,144
జూనియర్ అకౌంట్ అసిస్టెంట్ కమ్ టైపిస్ట్ పోస్టులు: 1,507
సీనియర్ క్లర్క్ కమ్ టైపిస్ట్ పోస్టులు: 732
అండర్ గ్రాడ్యుయేట్ పోస్టుల వివరాలు
కమర్షియల్ కమ్ టికెట్ క్లర్క్ పోస్టులు: 2,022
అకౌంట్స్ క్లర్క్ కమ్ టైపిస్ట్ పోస్టులు: 361
జూనియర్ క్లర్క్ కమ్ టైపిస్ట్ పోస్టులు: 990
ట్రైన్స్ క్లర్క్ పోస్టులు: 72
ముఖ్యమైన తేదీలు…
గ్రాడ్యుయేట్ పోస్టులకు ఆన్లైన్ దరఖాస్తులకు ప్రారంభ తేదీ: సెప్టెంబర్ 14, 2024.
గ్రాడ్యుయేట్ పోస్టులకు ఆన్లైన్ దరఖాస్తుకు చివరి తేదీ: అక్టోబర్ 13, 2024.
అండర్ గ్రాడ్యుయేట్ పోస్టులకు ఆన్లైన్ దరఖాస్తులు ప్రారంభ తేదీ: సెప్టెంబర్ 21, 2024.
అండర్ గ్రాడ్యుయేట్ పోస్టులకు ఆన్లైన్ దరఖాస్తుకు చివరి తేదీ: అక్టోబర్ 20, 2024.
