ఎండుద్రాక్ష ఫైబర్‌కు గొప్ప మూలంగా చెబుతారు. ఎండుద్రాక్షణలో ఐరన్‌, పొటాషియం వంటి ముఖ్యమైన ఖనిజాలు లభిస్తాయి. ఎండుద్రాక్షలో యాంటీ ఇన్ఫ్లమేటరీ లక్షణాలు కూడా ఉన్నాయి. ఇవి జీర్ణాశయంలోని బ్యాక్టీరియాను సమతుల్యం చేయడంలో సహాయపడతాయి.
పాలలో నానబెట్టిన ఎండుద్రాక్ష తినడం వల్ల శరీరానికి కావాల్సిన ఎక్కువ శక్తి లభిస్తుంది. ఎండు ద్రాక్షను పాలలో నానబెట్టి తాగడం వల్ల శరీరంలోని క్యాన్సర్ కణాలు పూర్తిగా నశిస్తాయి. పాలు, ఎండుద్రాక్షలో కాల్షియం పుష్కలంగా లభిస్తుంది. ఇది ఎముకలను బలపరుస్తుంది.
పాలలో నానబెట్టిన ఎండు ద్రాక్షను రోజూ రాత్రి తింటే పురుషుల్లో స్పెర్మ్ కౌంట్ పెరుగుతుందని ఆరోగ్య నిపుణులు అంటున్నారు. ఎండుద్రాక్షను తీసుకోవడం వల్ల పురుషుల ఆరోగ్యం మెరుగుపడుతుంది. ఎండుద్రాక్షను నీటిలో నానబెట్టి ఖాళీ కడుపుతో తినవచ్చు.
ఎండుద్రాక్షను పాలలో మరిగించి తింటే శరీరానికి మేలు జరుగుతుంది. దీని కోసం 8 నుంచి 10 ఎండుద్రాక్షలను తీసుకొని ఒక గ్లాసు పాలలో వేసి బాగా మరిగించాలి. ఈ పాలు చిక్కగా అయ్యాక చల్లార్చి తినాలి. రాత్రిపూట తినడం వల్ల మరింత ప్రయోజనం లభిస్తుంది. అందుకే నిద్రపోయే ముందు తింటే మంచిది.
పాలలో నానబెట్టిన ఎండుద్రాక్ష తినడం వల్ల జీర్ణక్రియ ఆరోగ్యంగా ఉంటుంది. జీవక్రియ కూడా పెరుగుతుంది. ఇది బరువు తగ్గడంలో సహాయపడుతుంది. రక్తహీనత ఉన్నవారు రోజూ పాలలో నానబెట్టిన ఎండుద్రాక్ష తినాలి. ఇలా ఎండుద్రాక్షను పాలలో నానబెట్టి తినడం వల్ల ప్రయోజనాలు చాలా రెట్లు పెరుగుతాయి. హిమోగ్లోబిన్ పరిమాణం పెరిగి శరీరంలోని బలహీనత తొలగిపోతుంది.
