వయసు పెరిగే కొద్దీ స్త్రీల శరీరంలో అనేక మార్పులు చోటుచేసుకుంటాయి. 30 ఏళ్ల వయస్సు దాటిన తర్వాత మహిళల జీవితంలో అనేక మార్పులు సంభవిస్తాయి. ఉద్యోగం.. కుటుంబ బాధ్యతలు.. ఇలా ఎన్నో సమస్యలతో పోరాడాల్సి ఉంటుంది.. ఇలాంటి పరిస్థితుల్లో మానసికంగా, శారీరకంగా దృఢంగా ఉండేందుకు ఆరోగ్యకరమైన ఆహారం తీసుకోవడం చాలా ముఖ్యం. 30 ఏళ్లు దాటిన ప్రతి స్త్రీ ఆహారంలో తప్పనిసరిగా మార్పులు చేసుకోవాలి. ఇప్పటి వరకూ ఎలాంటి ఆహారం తీసుకున్నా ఇకపై తృణధాన్యాలు, వోట్స్, బ్రౌన్ రైస్, క్వినోవా వంటి వాటిని మీ ఆహారంలో చేర్చుకోవాలి. ఇవి ఫైబర్ కు అద్భుతమైన మూలాలు.. ఈ ఆహారాలు శరీరానికి శక్తిని అందిస్తాయి.. అంతేకాకుండా బరువు నిర్వహణలో సహాయపడతాయి. పెరుగు ప్రోటీన్, ప్రోబయోటిక్స్‌కు అద్భుతమైన మూలం.. ఇది జీర్ణవ్యవస్థను ఆరోగ్యంగా ఉంచడంలో సహాయపడుతుంది.
