వర్షా, చలికాలాలు వచ్చాయంటే ఎంతో ఆహ్లాదకరంగా ఉంటుంది. అయితే, చాలా మందికి ఈ రెండు సీజన్ల అంటే చాలా టెన్షనగా ఉంటుంది. ఎందుకంటే ఈ రెండు కాలాల్లో తేమ వాతావరణం ఉంటుంది. తేమ వాతావరణం కారణంగా.. ఎన్నో రకాల క్రిములు ఇంట్లోకి ప్రవేశిస్తాయి. ఈ క్రిములు అనేక వ్యాధులకు కారణమవుతాయి. అయితే, మరో టెన్షన్ కూడా ఉంది. ఇంట్లో ఉండే ప్రధాన సమస్యల్లో చెదలు పట్టడం కూడా ఉంది. మనం గమనించడం ఏ మాత్రం ఆలస్యమైనా.. అప్పటికే చెదలు ఇంటిని గుల్ల చేస్తాయి. వాస్తవానికి ఈ రెండు సీజనల్లో గాలిలో తేమ ఎక్కువగా ఉంటుంది. ఈ ఎఫెక్ట్‌తో చెద పురుగులు సంతానోత్పత్తిని ప్రారంభిస్తాయి. దీంతో.. చెద పురుగులు పుట్టలు గుట్టలుగా ఇంట్లో పేరుకుపోతాయి.
చెద పురుగులు ఇంట్లో చెరితే.. ఆ తర్వాతే జరిగే నష్టం చాలా ఎఫెక్ట్‌గా ఉంటుంది. చెదలు తిన్న చోట పగులు ఏర్పడతాయి. సాధారణంగా ఇంట్లో ఉన్న ఫర్నీఛర్‌కి చెదలు పడుతుంటాయి. చెక్కతో తయారుచేసిన కిటికీలు, తలుపులు, ఫర్నీచర్ చెదలు దెబ్బకి నాశనమవుతాయి. ఖరీదైన ఫర్నీచర్‌కి చెదలు పడితే.. నష్టం భారీగా ఉంటుంది. కానీ, ఈ సమస్యను వదిలించుకోవడానికి మనం చాలా కెమికల్ స్ప్రైలను వాడుతాం. అయితే, వాటిలో ఉండే రసాయనాల వల్ల మన ఆరోగ్యం దెబ్బ తింటుంది. అయితే, ఈ ఇబ్బందులు లేకుండా మన వంటగదిలో ఉంటే ఒక దానితో చెదలు పని పట్టొచ్చు. దాని దరిదాపుల్లోకి కూడా చెదలు రావు. ఇంతకీ ఆ వస్తువు ఏంటి అనుకుంటున్నారా..? మనం వంటల్లో వాడే లవంగమే చెదల పాలిట డేంజర్. లవంగాలతో చెదల్ని ఎలా తరిమికొట్టాలో ఇక్కడ తెలుసుకుందాం.
లవంగం చెద పురుగుల పని పడుతుంది..
లవంగంతో అనేక ఆరోగ్య ప్రయోజనాలు ఉన్నాయి. అయితే, ఇదే లవంగం ఇంట్లో చెదపురుగులకు సమర్థవంతమైన, సహజమైన నివారణగా పనిచేస్తుంది. చెదపురుగులను వదిలించుకోవడానికి లవంగాలను అనేక రకాలుగా ఉపయోగించవచ్చు. ఈ సహజ నివారణ ఫర్నిచర్ లేదా గోడల నుండి చెదపురుగులను తొలగించగలదు. అందుకోసం ముందుగా కొన్ని లవంగాల్ని తీసుకుని నీటిలో వేయాలి. ఆ తర్వాత ఈ మిశ్రమాన్ని బాగా మరిగించాలి. ఆ నీరు చల్లార్చి.. ఒక బాటిల్‌లో తీసుకుని… చెద పురులు ఉన్న చోట స్ప్రే చేయాలి. ఇలా తరుచు చేయడం వల్ల లవంగాల ఘాట వాసనకు చెద పురుగులు నాశనమవుతాయని నిపుణులు చెబుతున్నారు.
మీ ఇల్లు, ఫర్నిచర్‌ను చెదపురుగుల నుండి రక్షించుకోవడానికి మీరు లవంగాల పొడని కూడా వాడుకోవచ్చు. లవంగాల్ని మెత్తగా గ్రైండ్ చేసిన తర్వాత.. ఆ పొడని చెదపురుగులు ఉన్న చోట చల్లాలి. ఇంకేముందు లవంగాల పొడి ఘాట వాసనతో చెద పురుగులు చచ్చిపోతాయి.
ఇలా వాడితే..
లవంగాల పొడి కాకుండా, శత్రువుల వలె మీ ఇంటిపై దాడి చేసే చెదపురుగులను వదిలించుకోవడానికి లవంగాల ముక్కలను కూడా ఉపయోగించవచ్చు. దీని కోసం.. చెదపురుగులు ఎక్కడైతే ఉన్నాయో.. ఆ దిశల్లో కొన్ని లవంగాల ముక్కల్ని ఉంచాలి. అంతేకాకుండా తేమగా ఉన్న ప్రాంతాల్లో కూడా లవంగాల ముక్కల్ని ఉంచితే మంచిది. ఇలా చేయడం వల్ల ఫర్నీచర్ చెదపురుగుల్ని నుంచి రక్షించబడుతుంది.
లవంగాల నూనె..
మార్కెట్‌లో లవంగాల నూనె సులువుగా దొరుకుతుంది. దానిని నీటిలో కలిపి స్ప్రే బాటిల్‌లో వేసి చెదపురుగు సోకిన ప్రదేశాలలో చల్లుకోండి. ఫర్నిచర్, అల్మారాలు, గోడలు, ప్రమాదకర ప్రదేశాల్లో ఈ మిశ్రమాన్ని పిచికారీ చేయండి. ఇలా చేయడం వల్ల చెదపురుగుల్ని ఇంటి నుంచి తరిమికొట్టవచ్చు. చెదపురుగును నాశనం చేసే రసాయనాల వచ్చే ప్రమాదం కన్నా ఈ న్యాచురల్ పద్ధుతులు ఎంతో ఉత్తమం.
ఇతర సహజ చిట్కాలు..
లవంగాలు మాత్రమే కాకుండా చెద పురుగుల్ని తరిమికొట్టడానికి వేప నూనె కూడా ఉత్తమ ఎంపిక. వేప నూనెను ఒక బాటిల్‌లో తీసుకుని చెదలు ఉన్న చోట స్ప్రే చేసుకోవాలి. ఈ స్ప్రేని కిటికీలు, తలుపులు, ఫర్నీచర్ మీద పిచికారి చేయాలి. ఇలా చేయడం వల్ల చెదలు మాత్రమే కాకుండా ఇతర క్రిమి కిటీకాల బెడద కూడా తగ్గిపోతుంది. అంతేకాకుండా.. వెనిగర్ కీటకాలు, చెదపురుగుల్ని తరిమికొట్టడానికి బాగా సహాయపడుతుంది. వెనిగర్ వాసన చెద పురుగులకు ఎలెర్జీని కలిగిస్తుంది. వెనిగర్, నిమ్మ రసం మిశ్రమాన్ని కలిపి.. చెదలు ఉన్న చోటు పిచికారి చేస్తే.. ప్రభావంతంగా ఈ చిట్కా పనిచేస్తుంది.
గమనిక..
ఇది సోషల్ సమాచారం మాత్రమే. వివిధ రకాల అధ్యయనాల నుంచి సేకరించబడింది. ఈ చిట్కాలు పాటించేముందు సరైన నిపుణుల్ని సంప్రదించడం శ్రేయస్కరం.
