ప్రకాశం జిల్లాలో స్త్రీ, శిశు సంక్షేమ శాఖలో కాంట్రాక్టు ఉద్యోగాల భ‌ర్తీకి నోటిఫికేషన్ జారీ అయింది. అర్హత కలిగిన అభ్యర్థులు అక్టోబర్ 21వ తేదీలోపు అప్లికేషన్లు పంపాల్సి ఉంటుంది. ఈ నోటిఫికేషన్ లో భాగంగా మొత్తం ఎనిమిది పోస్టులను భర్తీ చేయనున్నారు.
ప్రకాశం జిల్లా ప‌రిధిలోని మ‌హిళా అభివృద్ధి, శిశు సంక్షేమ, సాధికార‌త అధికారి కార్యాల‌యం, ఐసీడీఎస్ ప్రాజెక్ట్ కార్యాల‌యాల్లో ఖాళీగా ఉద్యోగాల భ‌ర్తీకి దరఖాస్తులు ఆహ్వానిస్తున్నారు. ద‌ర‌ఖాస్తు దాఖ‌లు చేసేందుకు అక్టోబర్ 21 ఆఖ‌రు తేదీ. ఆస‌క్తి గ‌ల వారు నిర్ణీత స‌మ‌యంలో ద‌ర‌ఖాస్తు దాఖ‌లు చేసుకోవాల‌ని జిల్లా అధికారులు ఓ ప్రకటనలో కోరారు.
ప్రకాశం జిల్లా స్త్రీ, శిశు సంక్షేమ శాఖ ప‌రిధిలోని ఖాళీగా ఉన్నఎనిమిది ఉద్యోగాల‌కు అర్హులైన అభ్యర్థులు ద‌ర‌ఖాస్తు చేసుకోవాలి. శాఖలో ఖాళీగా ఉన్న పోస్టులను కాంట్రాక్టు ప‌ద్ద‌తిలో భర్తీ చేస్తున్నామ‌ని తెలిపారు. ప‌నితీరు ఆధారంగా వారి స‌ర్వీసును కొన‌సాగిస్తామ‌ని పేర్కొన్నారు.
ఇందులో అర్హులైన అభ్య‌ర్థుల‌కు మాత్ర‌మే ఇంట‌ర్వ్యూల‌కు పిలుస్తారు. ఇంట‌ర్వ్యూలు నిర్వ‌హించి నియామ‌కం జ‌రుపుతారు. ఈ ఉద్యోగాల‌కు ఎటువంటి రాత ప‌రీక్ష ఉండ‌దు. అయితే ఆఫీసు అసిస్టెంట్ ఉద్యోగానికి మాత్రం కంప్యూట‌ర్ ప‌రీక్ష నిర్వ‌హించి ప్ర‌తిభ ఆధారంగా నియామం చేస్తారు.
ఆస‌క్తి గ‌ల అభ్యర్థులు ద‌ర‌ఖాస్తును అధికారిక వెబ్‌సైట్ డైరెక్ట్ లింక్ https://cdn.s3waas.gov.in/s3f3f27a324736617f20abbf2ffd806f6d/uploads/2024/10/2024100935.pdf ను క్లిక్ చేస్తే ఓపెన్ అవుతుంది. దీన్ని డౌన్‌లోడ్ చేసుకొని, పూర్తి చేయాలి. అనంత‌రం సంబంధిత స‌ర్టిఫికేట్ల‌ను జ‌త‌చేసి, అక్టోబర్ 21 సాయంత్రం 5 గంట‌ల లోపు ప్రకాశం జిల్లా మ‌హిళ, శిశు సంక్షేమ, సాధికారిత అధికారిణి కార్యాల‌యం, ఒంగోలులో అంద‌జేయాలి.
పోస్టుల వివరాలు…
మొత్తం 8 పోస్టులను భర్తీ చేస్తున్నారు. సైకో సోష‌ల్ కౌన్సిల‌ర్-1, కేస్ వర్కర్-1, పారా మెడిక‌ల్ ప‌ర్స‌న‌ల్-1, ఆఫీస్ అసిస్టెంట్ (కంప్యూట‌ర్ పరిజ్ఞానం)-1, సెక్యూరిటీ గార్డ్ లేదా నైట్ గార్డ్-1, మ‌ల్టీ ప‌ర్ప‌స్ స్టాప్‌-3 పోస్టులు భర్తీ చేస్తున్నారు. నెలకు సైకో సోష‌ల్ కౌన్సిల‌ర్‌కు రూ.20,000, కేస్ వ‌ర్క‌ర్‌కు రూ.19,500, పారా మెడిక‌ల్ ప‌ర్స‌న‌ల్‌కి రూ.19,000, ఆఫీస్ అసిస్టెంట్‌కు రూ. 19,000, సెక్యూరిటీ గార్డ్ లేదా నైట్ గార్డ్‌కు రూ.15,000, మ‌ల్టీప‌ర్ప‌స్ స్టాప్‌కు రూ.13,000 వేత‌నం ఉంటుంది. ద‌ర‌ఖాస్తు దాఖ‌లు చేసే అభ్య‌ర్థుల వ‌యో ప‌రిమితి 2024 జులై 1 నాటికి 25 నుండి 42 ఏళ్ల మధ్య ఉండాలి. ప్రభుత్వ నిబంధనల ప్రకారం వయస్సులో సడలింపు కూడా వర్తిస్తుంది.
సైకో కౌన్సెల‌ర్ (మ‌హిళ-1) : సోష‌ల్ కౌన్సెల‌ర్‌కు వేత‌నం నెలకు రూ.20,000 ఉంటుంది. 25 ఏళ్ల నుంచి 42 ఏళ్ల మధ్య ఉండాలి. సైకాల‌జీ, న్యూరోసైన్స్ లో ప్రొఫెస‌న‌ల్ డిగ్రీ, డిప్లొమా చేసి ఉండాలి. మూడేళ్ల అనుభవం ఉండాలి. ప్రభుత్వ, ప్రైవేట్ హెల్త్ ప్రాజెక్టుల్లో మూడేళ్ల అనుభవం ఉండాలి.
కేస్ వర్కర్ (1) : కేస్ వర్కర్ వేత‌నం నెలకు రూ.19,500 ఉంటుంది. వ‌యోప‌రిమితి 25 ఏళ్ల నుంచి 42 ఏళ్ల మధ్య ఉండాలి. లా, సోష‌ల్ వ‌ర్క్‌, సోషియాల‌జీ, సైకాల‌జీ, సోష‌ల్ సైన్స్‌లో డిగ్రీ చేయాలి. క‌నీసం మూడేళ్ల అనుభవం ఉండాలి.
పారా మెడిక‌ల్ ప‌ర్స‌న‌ల్ (మ‌హిళ-1) : పారా మెడిక‌ల్ ప‌ర్స‌న‌ల్‌కు వేత‌నం నెలకు రూ.19,000 ఉంటుంది. 25 ఏళ్ల నుంచి 42 ఏళ్ల మధ్య ఉండాలి. పారా మెడిక‌ల్‌లో ప్రొఫెస‌న‌ల్ డిగ్రీ, డిప్లొమా చేసి ఉండాలి. మూడేళ్ల అనుభవం ఉండాలి. ప్రభుత్వ, ప్రైవేట్ హెల్త్ ప్రాజెక్టుల్లో మూడేళ్ల అనుభవం ఉండాలి.
ఆఫీస్ అసిస్టెంట్ (మ‌హిళ-1) : ఆఫీస్ అసిస్టెంట్‌కు నెలకు వేత‌నం రూ.19,000 ఉంటుంది. 25 ఏళ్ల నుంచి 42 ఏళ్ల మధ్య ఉండాలి. దీనికి అర్హత డిగ్రీ పూర్తి చేసి ఉండాలి. లేదంటే కంప్యూట‌ర్ సైన్స్‌, ఐటీల్లో డిప్లొమా పూర్తి చేసి ఉండాలి. డేటా మేనేజ్‌మెంట్‌లో మూడేళ్ల అనుభవం ఉండాలి.
సెక్యూరిటీ, నైట్ గార్డులు (మ‌హిళ-1) : సెక్యూరిటీ, నైట్ గార్డుల వేత‌నం నెలకు రూ.15,000 ఉంటుంది. 25 ఏళ్ల నుంచి 42 ఏళ్ల మధ్య ఉండాలి. సెక్యూరిటీగా రెండేళ్ల అనుభవం ఉండాలి.
మ‌ల్టీ ప‌ర్ప‌స్ స్టాఫ్ (మ‌హిళ-3) : మ‌ల్టీ ప‌ర్ప‌స్ స్టాఫ్‌కు నెలకు వేత‌నం రూ.13,000 ఉంటుంది. 25 ఏళ్ల నుంచి 42 ఏళ్ల మధ్య ఉండాలి. హైస్కూల్ పాస్ ఉండాలి. పరిజ్ఞానం, అనుభవం ఉండాలి.
