రాష్ట్రంలో ఖరీఫ్ సీజన్లో రాయలసీమ పరిధిలోని 5 జిల్లాల్లో 54 మండలాల్లో కరువు పరిస్థితులు నెలకొన్నట్లు ప్రభుత్వం ప్రకటించిందని విపత్తుల నిర్వహణ సంస్థ మేనేజింగ్ డైరెక్టర్ రోణంకి కూర్మనాథ్ తెలిపారు.
నైరుతి ఋతుపవనాలు సీజన్లో (జూన్ -సెప్టెంబర్) రాష్ట్ర సాధారణ వర్షపాతం 574.7మిమీ ఉండగా 681.6మిమీ వర్షపాతం నమోదైందన్నారు. అయినప్పటికి కొన్ని మండలాల్లో సాధారణం కంటే తక్కువ వర్షపాతం, డ్రై స్పెల్ నమోదైందన్నారు.
కేంద్ర వ్యవసాయ శాఖ కరువు మాన్యువల్ ప్రకారం రెండు మ్యాన్డేటరీ సూచికలు ( వర్షపాతం, డ్రై స్పెల్), నాలుగు ఇంపాక్ట్ సూచికలు ( వ్యవసాయ క్రాప్ ఏరియా, రిమోట్ సెన్సింగ్, సాయిల్ మోయిస్చర్, హైడ్రాలజీ), క్షేత్రస్థాయిలో వాస్తవాలతో కూడిన జిల్లా కలెక్టర్ నివేదిక (పంట నష్టం 33%…. అంతకంటే ఎక్కువ) నియమాల ప్రకారం… ఖరీఫ్-2024లో 27 మండలాల్లో తీవ్ర కరువు, 27 మండలాల్లో మధ్యస్థ కరువు ప్రకటించినట్లు తెలిపారు.
కర్నూలు -2, అనంతపురం-7, శ్రీసత్యసాయి-10, అన్నమయ్య-19, చిత్తూరు-16 మండలాల్లో కరువు ప్రకంటించడం జరిగిందన్నారు. క్రింది మండలాలు కరువు మండలాలుగా ప్రకటించినట్లు విపత్తుల నిర్వహణ సంస్థ ఎండి రోణంకి కూర్మనాథ్ వివరించారు.
1. కర్నూలు(02) :- కౌతాళం, పెద్దకడుబూరు (02 మధ్యస్థ కరువు మండలాలు)
2. అనంతపురం(07) :- నార్పల, అనంతపురం(02 తీవ్ర), విడపనకల్లు, యాడికి,గార్లెదిన్నె,బీకే సముద్రం,రాప్తాడు ( 05 మధ్యస్థ కరువు మండలాలు)
3. శ్రీసత్యసాయి(10) :- తాడిమర్రి, ముదిగుబ్బ, తలుపుల(3 తీవ్ర), కనగానిపల్లి, ధర్మవరం, నంబులపూలకుంట, గాండ్లపెంట, బుక్కపట్నం, రామగిరి, పరిగి ( 07 మధ్యస్థ కరువు మండలాలు)
4. అన్నమయ్య (19):- గాలివీడు,చిన్నమండె, సంబేపల్లి,టి.సుందరపల్లె,రాయచోటి,లక్కిరెడ్డిపల్లె, రామాపురం, వీరబల్లె, తంబళ్లపల్లె, గుర్రంకొండ, కలకాడ, పీలేరు,కలికిరి, వాల్మీకిపురం,కురబలకోట, పెద్ద తిప్పసముద్రం, బి.కొత్తకోట, మదనపల్లె, నిమ్మనపల్లె( 19 తీవ్ర కరువు మండలాలు)
5. చిత్తూరు(16) :- పెనుమూరు,యాదమరి, గుడిపాల(3 తీవ్ర), శ్రీరంగరాజపురం, చిత్తూరు, శాంతిపురం, రొంపిచర్ల, పూతలపట్టు, సోమల, పుంగనూరు, పలమనేరు, బైరెడ్డిపల్లి, వెంకటగిరికోట, గుడుపల్లె, కుప్పం, రామకుప్పం( 13 మధ్యస్థ కరువు మండలాలు)
