హారర్ మూవీ లవర్స్ కోసం ఇప్పుడు ఓటీటీ మేకర్స్ ఎక్కువగా హారర్ థ్రిల్లర్ మూవీస్ తీసుకువస్తున్నారు. నిజానికి ఈ జానర్ కు ఉండే క్రేజ్ గురించి చెప్పక్కర్లేదు.
సస్పెన్స్ థ్రిల్లింగ్, మిస్టరీ చిత్రాలు చూసేందుకు జనాలు ఎక్కువగా ఆసక్తి చూపిస్తుంటారు. ఇటీవల కాలంలో మిస్టరీస్, ఊహించని ట్విస్టులతో సాగే సస్పెన్స్ మూవీస్ బాక్సాఫీస్ వద్ద సూపర్ హిట్ అయ్యాయి. నెల తిరక్కుండానే ఇటు ఓటీటీలోకి వచ్చేస్తున్నాయి. అందులో ఓ హారర్ థ్రిల్లర్ ఇప్పుడు అడియన్స్ ముందుకు వచ్చేస్తుంది. అదే ఏ క్లాసిక్ హారర్ స్టోరీ. 2021 జూలై 14న నేరుగా ఓటీటీలో విడుదలైన ఈ కు రాబర్డ్ డెఫియో, పాలో స్ట్రిప్పోలి ఇద్దరు దర్శకత్వం వహించారు.
నలుగురు ఫ్రెండ్స్ కారులో అడవిలో వెళ్తుండగా దారిలో ఓ చెట్టుకుని వారి కారు ఢీకొట్టి ప్రమాదం జరిగింది. ఆ పక్కనే వారికి ఒక ఇల్లు కనిపించడంతో అందులోకి వెళ్లిపోతారు. అక్కడ కళ్లు, చెవులు, నోరు లేని బొమ్మల ముందు కొందరు మనుషుల అవయాలు పెట్టి.. పూజలు చేసినట్లుగా కనిపిస్తాయి. బొమ్మలకు మనుషుల అవయవాలు పెట్టి పూజలు చేసి వారిని తిరిగి బతికించేందుకు చేసే పూజలు అని.. అందుకు మూల్యం చె్లలించుకోవాల్సి ఉంటుందని అక్కడ రాసి ఉంటుంది. అక్కడ కనిపిస్తున్న సీన్స్ చూసి ఆ నలుగురు వణికిపోతారు. ఆ తర్వాత వారిలో నుంచి ఒక్కొక్కరు మిస్ అవుతుంటారు.
ఆ నలుగురిని కొందరు ముసుగేసుకున్న వ్యక్తులు అతి కిరాతకంగా వెంటాడి చంపుతుంటారు. ఊహించని ట్విస్టులు.. వణుకుపుట్టించే సీన్స్.. ఆద్యంతం ఆసక్తిని కలిగించే ఈ హారర్ మూవీ ప్రస్తుతం నెట్ ఫ్లిక్స్ లో స్ట్రీమింగ్ అవుతుంది. ఇటాలియన్ తోపాటు మరికొన్ని విదేశీభాషల్లో అందుబాటులో ఉన్న ఈ చిత్రాన్ని సబ్ టైటిల్స్ తో చూడొచ్చు.
