చూడగానే అందంగా కనిపించాలని ప్రతి ఒక్కరూ అనుకుంటారు. కొంతమందికి ముఖం అందంగానే నిగనిగలాడుతూ ఉంటుంది. కానీ, మెడ, కాళ్ళు, చేతులు నల్లగా మారతాయి. వీటికి చాలానే కారణాలు ఉంటాయి. ఎండలో తిరగడం, సరైన కేర్ తీసుకోకపోవడం ఇలాంటివి ఉంటాయి. వీటన్నింటికి చెక్ పెట్టేందుకు కొన్ని టిప్స్ ఫాలో అవ్వొచ్చొని నిపుణులు చెబుతున్నారు. అవేంటో తెలుసుకోండి.
ఎక్స్‌ఫోలియేషన్..
రెగ్యులర్‌గా ఎక్స్‌ఫోలియేట్ చేయడం మంచిది. దీని వల్ల మెలనిన్ పెరగకుండా ఉంటుంది. మెలనిన్ కారణంగా పిగ్మంటేషన్, నల్ల మచ్చలు ఉంటాయి. అందుకే, ఎక్స్‌ఫోలియేషన్ చేయాలి. దీనికోసం ఇంట్లోనే ఏం చేయొచ్చొంటే ఓట్స్, పెరుగు సమాన భాగాల్లా తీసుకోవాలి. దీనిని నానబెట్టుకుని నల్ల భాగంపై అప్లై చేసి రుద్దాలి. ఇలా చేయడం వల్ల పెరుగులోని లాక్టిక్ యాసిడ్ స్కిన్‌ని బ్రైట్‌గా చేస్తుంది. నలుపుని దూరం చేస్తుంది. కాబట్టి, రెగ్యులర్‌గా ఎక్స్‌ఫోలియేషన్ చేయండి.
ఆపిల్ సైడర్ వెనిగర్..
ఆపిల్ సైడర్ వెనిగర్ కూడా చర్మాన్ని మెరిపించడంలో హెల్ప్ చేస్తుంది. దీనికోసం కొద్దిగా ఆపిల్ సైడర్ వెనిగర్ తీసుకుని అందులో నీరు కలపాలి. తర్వాత దీనిని నల్లదనం ఉన్న చోట అప్లై చేసి కాసేపు ఉంచి ఆ తర్వాత నీటితో క్లీన్ చేయాలి. దీని వల్ల నలుపు చాలా వరకూ తగ్గుతుంది. తెల్లగా మారతారు.
నిమ్మ..
నిమ్మలో నేచురల్ బ్లీచింగ్ గుణాలు ఉన్నాయి. ఇవి స్కిన్‌ని బ్రైట్‌గా చేస్తాయి. దీని వల్ల స్కిన్ మెరుస్తుంది. అందుకోసం కొద్దిగా నిమ్మరసం తీసుకుని అందులో కొద్దిగా నీరు కలిపి నలుపు ఉన్నచోట అప్లై చేయండి. అది ఆరిపోయేంత వరకూ అలానే ఉండి తర్వాత నీటితో క్లీన్ చేయండి. ఇలా చేయడం వల్ల నలుపుదనం తగ్గుతుంది.
అలోవెరా..
అలోవెరాలోని గుణాలు చర్మ సమస్యలకి చక్కని హెల్ప్ చేస్తుంది. ఇది చర్మ సమస్యల్ని దూరం చేసి మెరిసేలా చేస్తుంది. అందుకోసం అలోవెరా జెల్ తీసుకుని సమస్య ఉన్న చోట అప్లై చేయాలి. దీనిని రాత్రంతా కూడా ఉంచుకోవచ్చు. ఆ తర్వాత ఉదయాన్నే క్లీన్ చేసుకోండి. దీని వల్ల పిగ్మంటేషన్, మచ్చలు తగ్గుతాయి.
దీంతో పాటు..
చర్మం నల్లగా మారడానికి మనం చేసే కొన్ని తప్పులు కారణమవ్వొచ్చు. కాబట్టి, ఆ సమస్యని దూరం చేసేందుకు కొన్ని జాగ్రత్తలు తీసుకోవాలి. అవి
రెగ్యులర్‌గా సన్‌స్క్రీన్ లోషన్ రాయాలి. ఎస్‌పీఎఫ్ 30 అంతకంటే ఎక్కువది రాయండి.
టైట్ బట్టలు వేయొద్దు. దీని వల్ల బాడీలో టెంపరేచర్ పెరిగి స్కిన్ నల్లగా మారతుంది.
కెమికల్స్ ఉండే బ్యూటీ ప్రోడక్ట్స్ ఎక్కువ వాడొద్దు.
గమనిక:నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. అందం, ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.
