తాజా కూరగాయలు శరీరానికి ఎంతో మంచివని పోషకాహార నిపుణులు చెబుతున్నారు. కూరగాయల్లో ముఖ్యంగా బెండకాయ చాలా మంచిదట. బెండకాయ తింటే మధుమేహం అదుపులో ఉండ‌టంతో పాటు ఇతర అనేక ఆరోగ్య ప్రయోజ‌నాలు అందుతాయని నిపుణులు చెబుతున్నారు. పోష‌కాల‌తో నిండిఉండే బెండ కాయ‌లో ఫైబర్, విటమిన్లు, మిన‌ర‌ల్స్‌, యాంటీఆక్సిడెంట్లు పుష్కలంగా లభిస్తాయి. మరిన్ని ప్రయోజనాలేంటో ఇక్కడ తెలుసుకుందాం..
బెండకాయలలో విటమిన్ A, C, K, B6 వంటి ముఖ్యమైన విటమిన్లు, ఖనిజాలు, పుష్కలంగా లభిస్తాయి. బెండకాయలలోని పీచు LDL చెడు కొలెస్ట్రాల్ స్థాయిలను తగ్గించడంలో సహాయపడుతుంది. ఇది గుండె జబ్బుల ప్రమాదాన్ని తగ్గిస్తుంది. బెండకాయలలోని పీచు రక్తంలో చక్కెర స్థాయిలను నియంత్రించడంలో సహాయపడుతుంది, ఇది డయాబెటిస్ నివారణకు మంచిది.
బెండకాయలలో ఫైబర్ పుష్కలంగా ఉంది. దీంతో మలబద్ధకం, అజీర్ణం వంటి సమస్యలను నివారిస్తుంది. బెండకాయలలోని యాంటీఆక్సిడెంట్లు కణాలను ఫ్రీ రాడికల్స్ నుండి నష్టం నుండి రక్షించడంలో సహాయపడతాయి, ఇది క్యాన్సర్ ప్రమాదాన్ని తగ్గిస్తుంది. చాలా మంది అనేక కారణాలతో జీర్ణ సమస్యలతో బాధపడతారు.
బెండకాయలలో కేలరీలు తక్కువగా మరియు పీచు ఎక్కువగా ఉండటం వల్ల బరువు తగ్గడానికి సహాయపడుతుంది. బెండకాయలలో విటమిన్ K, మెగ్నీషియం ఎముకల ఆరోగ్యానికి మంచివి. బెండకాయలలో ఫోలేట్ అనేది గర్భవతి మహిళలకు చాలా అవసరమైన పోషకం, ఇది పిండ నాశనాల ప్రమాదాన్ని తగ్గిస్తుంది.
షుగర్ ఉన్నవారు ఈ బెండకాయల్ని తింటే చాలా మంచిది. కాబట్టి, రెగ్యులర్‌గా తినడం మంచిది. అలాగే, బెండకాయల్లో అధిక మొత్తంలో విటమిన్ ఎ ఎక్కువగా ఉంటుంది. ఇది మీ కంటి ఆరోగ్యాన్ని కాపాడడంలో హెల్ప్ చేస్తుంది. కాబట్టి, రెగ్యులర్‌గా తినడం అలవాటు చేసుకోండి.
బెండకాయలో విటమిన్ కె ఎముకల ఆరోగ్యానికి చాలా మంచిది. బోలు ఎముకల సమస్య రాకుండా ఉంటుంది. బెండకాయలు తింటే ఆరోగ్యానికే కాదు. అందానికి కూడా మంచిది. వీటిని తింటే కొల్లాజెన్ ఉత్పత్తి పెరుగుతుంది. ఇది జుట్టు పెరుగుదలకి, జుట్టు ఆరోగ్యానికి చాలా మంచిది. అందుకే, హ్యాపీగా తినొచ్చు.
