దేశంలో కానీ, విదేశాల్లో కానీ, అత్యంత డిమాండ్ ఉన్న కోర్సుల్లో బి.టెక్ ఒకటి. బీటెక్ చేయాలంటే మ్యాథ్ స్ట్రీమ్‌తో 12వ తరగతి ఉత్తీర్ణులై ఉండాలి. దీని తరువాత, JEE పరీక్ష రాసి మీరు భారతదేశంలోని టాప్ ఇంజనీరింగ్ కళాశాలల్లో ప్రవేశం పొందవచ్చు.
B.Tech కొన్ని బ్రాంచ్‌లలో డిగ్రీ చేస్తే మీకు 10-15 లక్షల రూపాయల ప్రారంభ ప్యాకేజీని సులభంగా అందే అవకాశం ఉంది. మరి ఈ రోజుల్లో ఏ బీటెక్ కోర్సులకు డిమాండ్ ఉందో చూద్దామా..
టెక్నాలజీ ప్రతిరోజూ అప్‌డేట్ అవుతోంది. కెరీర్‌లో వృద్ధిని సాధించడానికి, సాంకేతికత (హై పేయింగ్ ఇంజినీరింగ్ జాబ్స్)తో పాటు మిమ్మల్ని మీరు అప్ డేట్ చేసుకోవడం చాలా ముఖ్యం. మీరు భారతదేశంలో లేదా విదేశాలలో పని చేయాలనుకున్నా, మెషిన్ లెర్నింగ్, ఆర్టిఫిషియల్ ఇంటెలిజెన్స్, సైబర్ సెక్యూరిటీ, డేటా సైన్స్, అనలిటిక్స్, క్లౌడ్ కంప్యూటింగ్, ఫుల్ స్టాక్ వంటి రంగాలలో B.Tech చేయడం ద్వారా మీరు మీ ఉద్యోగాన్ని రాబోయే సంవత్సరాల్లో సురక్షితంగా ఉంచుకోవచ్చు.
AI & MLలో Btech: ఆర్టిఫిషియల్ ఇంటెలిజెన్స్, మెషిన్ లెర్నింగ్‌లో BTech..
రాబోయే కొద్ది సంవత్సరాలలో ప్రపంచం చాలా వేగంగా మారబోతోంది. వైద్య చికిత్సతో సహా చాలా పనులకు పూర్తిగా ఆటోమేటెడ్ సిస్టమ్స్ ఉపయోగించబడతాయి. ఇటువంటి వ్యవస్థలను విద్యార్థుల విద్యకు కూడా ఉపయోగించుకునే అవకాశం ఉంది. ఇలాంటి పరిస్థితుల్లో ఆర్టిఫిషియల్ ఇంటెలిజెన్స్, మెషిన్ లెర్నింగ్‌లో బి.టెక్ చేయడం ద్వారా ఉద్యోగం, వృత్తిని ఎక్కువ కాలం సురక్షితంగా ఉంచవచ్చు. AI, ML ఇంజనీర్ ప్రారంభ వేతనం సంవత్సరానికి రూ. 10 లక్షలు (AI ఇంజనీర్ జీతం).
B.Tech in Data Science and Analytics:
వ్యాపారం చిన్న స్థాయి లేదా పెద్ద స్థాయి అయినా, దాని వృద్ధికి డేటా సైన్స్ చాలా ముఖ్యమైనది. డేటా సైన్స్, అనలిటిక్స్‌లో B.Tech చేయడం ద్వారా, మీరు 9 లక్షల రూపాయల వరకు (డేటా సైంటిస్ట్ జీతం) ప్రారంభ ప్యాకేజీని సులభంగా పొందవచ్చు. డేటా సైన్స్ నైపుణ్యాలు కూడా కాలానుగుణంగా మారుతూ ఉంటాయి.
Cyber Securityలో బీటెక్:
బీటెక్ అనేది కంప్యూటర్ సైన్స్, ఇంజినీరింగ్‌లో 4 సంవత్సరాల గ్రాడ్యుయేట్ స్థాయి కోర్సు. సైబర్ సెక్యూరిటీ బి.టెక్ కోర్సులో, కంప్యూటర్ నెట్‌వర్క్‌లు, సిస్టమ్‌లను సురక్షితంగా ఉంచడానికి అవసరమైన నైపుణ్యాలను నేర్పిస్తారు. ఈ కోర్సు ద్వారా విద్యార్థులు సైబర్ సెక్యూరిటీకి సంబంధించిన అనేక విషయాలపై అవగాహన పొందుతారు. ఈ రోజుల్లో సైబర్ దాడులు, డిజిటల్ మోసాల కేసులు పెరిగాయి. కాబట్టి ఈ కోర్సుకు రాబోయే చాలా సంవత్సరాల్లో భారీ డిమాండ్ ఉంటుంది. సైబర్ సెక్యూరిటీ ఇంజనీర్ ప్రారంభ ప్యాకేజీ సంవత్సరానికి రూ. 10-15 లక్షలు.
Cloud Computingలో బీటెక్:
క్లౌడ్ కంప్యూటింగ్‌లో బీటెక్ అనేది కంప్యూటర్ సైన్స్ అండ్ ఇంజినీరింగ్ (సీఎస్‌ఈ)లో 4 సంవత్సరాల గ్రాడ్యుయేషన్ కోర్సు. ఈ బీటెక్ కోర్సులో క్లౌడ్ కంప్యూటింగ్‌కు సంబంధించిన మెళకువలు, సాంకేతికతలను బోధిస్తారు. క్లౌడ్ కంప్యూటింగ్ కోర్సులో B.Tech డిగ్రీ తీసుకోవడం ద్వారా, సంవత్సరానికి 7-10 లక్షల ప్యాకేజీతో (క్లౌడ్ కంప్యూటర్ ఇంజనీర్ జీతం) ప్రారంభ ఉద్యోగం పొందవచ్చు. ఇందులో అనుభవం ఉంటే, మీ ప్యాకేజీ సంవత్సరానికి రూ. 15-25 లక్షలకు చేరుకుంటుంది.
ఫుల్ స్టాక్ డెవలప్‌మెంట్‌లో బీటెక్:
ఫుల్ స్టాక్ డెవలప్‌మెంట్‌లో బీటెక్ అనేది కంప్యూటర్ సైన్స్, ఇంజినీరింగ్‌లో అప్‌డేట్ చేయబడిన కోర్సు. ఈ బీటెక్ కోర్సులో ఫుల్ స్టాక్ డెవలప్‌మెంట్‌కు సంబంధించిన పరిజ్ఞానం, నైపుణ్యాలను బోధిస్తారు. బీటెక్‌లో ఫుల్ స్టాక్ డెవలప్‌మెంట్ కోర్సులో ప్రోగ్రామింగ్, డేటాబేస్‌లు, అల్గారిథమ్స్ వంటి కంప్యూటర్ సైన్స్ సబ్జెక్టులను బోధిస్తారు. ఫ్రెషర్ అయినా ఫుల్ స్టాక్ డెవలప్‌మెంట్ ఇంజనీర్ జీతం 10 లక్షల వరకు ఉంటుంది. అదే సమయంలో, 5-8 సంవత్సరాల అనుభవం ఉన్న ఇంజనీర్లు రూ. 24 లక్షల వరకు సంపాదించవచ్చు.
