ఉద్యోగం కోసం చూస్తున్న వారికి ఇండో-టిబెటన్ బోర్డర్ పోలీస్ ఫోర్స్ (ITBP) గుడ్ న్యూస్ చెప్పింది. ఎడ్యుకేషన్ క్వాలిఫికేషన్‌తో పాటు స్పోర్ట్స్ ఆడే వారి కోసం జాబ్ నోటిఫికేషన్ విడుదల చేసింది.
స్పోర్ట్స్ కోటాలో కానిస్టేబుల్ (జనరల్ డ్యూటీ) గ్రూప్-సి పోస్టుల భర్తీకి ఐటీబీపీ దరఖాస్తులను స్వీకరిస్తోంది. ఈ రిక్రూట్‌మెంట్ ద్వారా మొత్తం 133 పోస్టులను భర్తీచేయనున్నారు. అర్హులైన పురుష, మహిళా అభ్యర్థులు అప్లై చేసుకోవచ్చు.
ఇందు కోసం అర్హులైన అభ్యర్థులు గుర్తింపు పొందిన బోర్డు నుంచి పదో తరగతి పూర్తి చేసి ఉండాలి. మినిమం ఏజ్‌ 18 సంవత్సరాలు, మాగ్జిమం 23 సంవత్సరాలు కలిగి ఉండాలని రిక్రూట్‌మెంట్ నోటిఫికేషన్‌లో పేర్కొంది. ప్రభుత్వ నిబంధనల ప్రకారం SC/ST/OBC, ఇతర వర్గాలకు వయోపరిమితిలో సడలింపు ఉంటుంది. జాతీయ లేదా అంతర్జాతీయ స్థాయిలో పతకాలు గెలుచిన అభ్యర్థులు అర్హులు.
రిక్రూట్‌మెంట్ ప్రాసెస్‌లో స్పోర్ట్స్ ట్రయల్, ఫిజికల్ స్టాండర్డ్స్ టెస్ట్ (PST), డాక్యుమెంట్ వెరిఫికేషన్, మెడికల్ ఎగ్జామినేషన్ ద్వారా ఎంపిక చేస్తారు. ఎంపికైన అభ్యర్థుల ప్రాథమిక జీతం రూ.21,700 నుంచి రూ.69,100 మధ్య ఉంటుంది. ఈ ఉద్యోగాలకు అప్లై చేసుకోవడానికి ఏప్రిల్ 2వ తేదీ వరకు అవకాశం ఉంది.
అప్లై చేయడానికి అధికారిక వెబ్‌సైట్‌ను (https://recruitment.itbpolice.nic.in) సందర్శించండి.
స్పోర్ట్స్ విభాగాలు: వెయిట్‌లిఫ్టింగ్‌ (Weight Lifting), టైక్వాండో (Taikwando), సైక్లింగ్‌ (Cycling), యోగాసన (Yoga), పెన్కాక్‌ సిలాట్‌ (Pencak Sellat), బాస్కెట్‌బాల్‌ (Basket Ball), ఆర్చరి (Archery), ఫుడ్‌బాల్‌ (FootBall), గుర్రపు స్వారీ (Horse Riding), కాయాకింగ్‌ (Kiaking), అథ్లెటిక్‌ (Athletics), స్విమ్మింగ్‌ (Swimming), షూటింగ్‌ (Shooting), బాక్సింగ్‌ (Boxing), రోయింగ్‌ (Rowing), వాలీబాల్‌ (WolleyBall), జూడో (Judo), రెజ్లింగ్‌ (Wrestling), జిమ్నాస్టిక్స్‌ (Gymnastics), కబడ్డి (Kabaddi), ఐస్‌ హాకీ (Ice Hockey), హాకీ (Hockey), హ్యాండ్‌బాల్‌ (HandBall), ఐస్‌ స్కీయింగ్‌ (Ice Skweeing), పవర్‌ లిఫ్టింగ్‌ (Power Lifting), ఖోఖో (Khokho) ఉన్నాయి.
పోస్టులు – 133 (పురుషులు- 70,మహిళలు- 63)
దరఖాస్తు ప్రారంభం: 04.03.2025.
దరఖాస్తుకు చివరి తేదీ: 02.04.2025.
