వేసవి కాలంలో ఇళ్లలో ఏసీ, ఫ్యాన్లు, కూలర్లు ఎక్కువగా వాడతారు. కూలర్లు, ఏసీ లతో పోలిస్తే ఫ్యాన్ తక్కువ ధరకే లభిస్తుంది. అంతేకాకుండా, ఇది విద్యుత్తును కూడా తక్కువగా వినియోగిస్తుంది.
అయితే, ఇళ్లలో ఏసీ లేదా కూలర్లు ఉన్నవారు కూడా ఫ్యాన్లను ఉపయోగిస్తారు. వేసవిలో ఫ్యాన్లు పగలు, రాత్రి నడుస్తాయి. అయితే, వేడి కారణంగా ఫ్యాన్కు మంటలు అంటుకుంటాయేమోనని చాలా మంది భయపడుతున్నారు. ఎందుకంటే, ఎక్కువసేపు వాడటం వల్ల అది వేడెక్కుతుంది. కొన్నిసార్లు వేడి కారణంగా ఫ్యాన్ నుండి మంటలు రావడంతో పాటు అది చెడిపోయే ప్రమాదం ఉంది. కాబట్టి, సీలింగ్ ఫ్యాన్ను ఎంతసేపు వాడుకోవాలో ఇప్పుడు తెలుసుకుందాం..
ఫ్యాన్ ని 24/7 వాడుకోవచ్చు?
చాలా బ్రాండెడ్ లేదా నాణ్యమైన సీలింగ్ ఫ్యాన్లు ఎటువంటి ఇబ్బంది లేకుండా 24/7 ఆన్లో ఉంచవచ్చు. మీరు రోజంతా మీ సీలింగ్ ఫ్యాన్ను ఆన్లో ఉంచితే ఎలాంటి ఇబ్బంది ఉండదు. టెన్షన్ లేకుండా ప్రశాంతంగా నిద్రపోవచ్చు. మీరు గమనించాల్సిన విషయం ఏమిటంటే కేవలం కరెంటు బిల్ మాత్రమే కొద్దిగా పెరుగుతుంది. మీ మోడల్ను బట్టి, సీలింగ్ ఫ్యాన్ వాటేజ్ 12W నుండి 100+W వరకు ఉంటుంది.
సాధారణంగా మీరు ఎటువంటి చింత లేకుండా పగలు, రాత్రి నిరంతరం ఫ్యాన్ను వాడుకోవచ్చు. ఎందుకంటే సీలింగ్ ఫ్యాన్లు గంటల తరబడి పనిచేసేలా రూపొందించబడ్డాయి. చాలా బ్రాండెడ్ లేదా నాణ్యమైన సీలింగ్ ఫ్యాన్లు ఎటువంటి ఇబ్బంది లేకుండా 24/7 పనిచేసేలా రూపొందించారు. కానీ, ఎలక్ట్రానిక్ వస్తువుకు కాబట్టి ఎప్పటికప్పుడు దానికి కొంత విశ్రాంతి ఇవ్వడం మంచిది. సీలింగ్ ఫ్యాన్కు కూడా అప్పుడప్పుడు విశ్రాంతి ఇవ్వాలి. సౌకర్యం, భద్రత మధ్య సరైన సమతుల్యతను కాపాడుకోవడం చాలా ముఖ్యం. సీలింగ్ ఫ్యాన్ను ఎక్కువసేపు ఉపయోగించడానికి, దాని సామర్థ్యాన్ని కొనసాగించడానికి, మీరు బ్లేడ్లను ఎప్పటికప్పుడు శుభ్రం చేయాలి. అలాగే ఫ్యాన్ సమతుల్యంగా ఉండేలా చూసుకోండి. ఇది కాకుండా, ఫ్యాన్ నుండి ఏదైనా శబ్దం వస్తే వెంటనే దానిని ఎలక్ట్రీషియన్కు చూపించండి.
అదేవిధంగా, ఫ్యాన్ను ఎక్కువగా వాడకూడదని కూడా గుర్తుంచుకోండి. రాత్రింబవళ్లు ఫ్యాన్ వాడటం వల్ల అది పాడైపోయే అవకాశాలు పెరుగుతాయి. కాబట్టి, అవసరం లేనప్పుడు ఫ్యాన్ను విశ్రాంతి తీసుకోనివ్వండి.
