కేంద్ర ప్రభుత్వం ఉద్యోగులకు మోడీ సర్కార్ గుడ్ న్యూస్ వినిపించేందుకు సిద్ధమవుతోంది. ఇందులో భాగంగా 8వ పే కమిషన్ త్వరలోనే ఏర్పాటు చేసేందుకు సన్నద్ధమవుతోంది.
ఎనిమిదో పే కమిషన్ ఏర్పాటు చేస్తామని ఇప్పటికే కేంద్ర ప్రభుత్వం జనవరి నెలలో ప్రకటించగా ప్రస్తుతం మే నెల ఎండింగ్ వచ్చేసింది అయితే, ఇంకా ఎనిమిదో పే కమిషన్ చైర్మన్ అలాగే సభ్యుల నియామకం అనేది ఇంకా జరగలేదు. అయితే అతి త్వరలోనే 8వ కమిషన్ చైర్మన్ అలాగే సభ్యుల నియామకం జరుగుతుందని, వార్తలు వస్తున్నాయి ముఖ్యంగా ఎనిమిదో పే కమిషన్ కు సంబంధించి ఇప్పటికే కేంద్ర ఆర్థిక శాఖలో నియామకాలు కోసం నోటిఫికేషన్ కూడా విడుదల అయిందని, ఎనిమిదవ పే కమిషన్ చైర్మన్ అలాగే సభ్యుల నియామకం అతి త్వరలోనే ఫైనల్ అవుతుందని వార్తలు వస్తున్నాయి. అయితే ఎనిమిదవ పే కమిషన్ అనేది త్వరలోనే చైర్మన్ నియామకంతో తన పనితీరు ప్రారంభిస్తుంది. ఒకవేళ ఇదే జరిగినట్లయితే, అతి త్వరలోనే ఎనిమిదో పే కమిషన్ అధ్యయనం ప్రారంభించి నూతన పే కమిషన్ సిఫార్సులు గడువు తేదీలోగా కేంద్ర ప్రభుత్వానికి అందజేసే అవకాశం ఉంటుంది. ఇదిలా ఉంటే ఏడో పే కమిషన్ సిఫార్సులు డిసెంబర్ 31, 2025 నాటికి ముగియనున్నాయి. ముఖ్యంగా నూతన 8వ పే కమిషన్ సిఫార్సులు జనవరి 1, 2026 నుంచి అమల్లోకి రానున్నాయి. అయితే ఒకవేళ నూతన పే కమిషన్ సిఫార్సులు ఆలస్యం అయినట్లయితే, అమలు తేదీ నుంచి ఎన్ని నెలలపాటు ఆలస్యం అవుతుందో అన్ని నెలలపాటు ఎరియర్స్ చెల్లించేందుకు కూడా సిద్ధమవుతుందని ఉద్యోగ సంఘాలు చెబుతున్నాయి. ఫిట్మెంట్ ఫ్యాక్టర్ విషయంలో ఉద్యోగులు డిమాండ్ చేస్తున్నప్పటికీ ఈసారి ఫిట్మెంట్ ఫ్యాక్టర్ 1.92 మాత్రమే ఉండే అవకాశం ఉందనే వార్తలు కూడా వస్తున్నాయి. ఒకవేళ ఫిట్మెంట్ ఫ్యాక్టర్ 1.92 ఉన్నట్లయితే మినిమం సాలరీ ఎంత పెరుగుతుందో చూద్దాం. లెవెల్ వన్ మినిమం శాలరీ 18,000 ఉన్న ఉద్యోగులకు 1.92 ఫిట్మెంట్ ఫ్యాక్టర్ అమలు చేసినట్లయితే వారి గ్రాస్ సాలరీ 34560 రూపాయలు అయ్యే అవకాశం ఉంది. అలాగే మాగ్జిమం లెవల్ ఏజీపీ 15 (HAG) ఉద్యోగులకు కనీస వేతనం రూ. 5,66,554 అయ్యే అవకాశం ఉంది. ఇదిలా ఉంటే నూతన పే కమిషన్ సిఫార్సుల విషయంలో ఉద్యోగ సంఘాలు ఫిట్మెంట్ ఫ్యాక్టర్ పెంచాలని డిమాండ్ చేస్తున్నాయి ఈసారి ఫిట్మెంట్ ఫ్యాక్టరీ కనీసం 2.83గా ఉండాలని ఉద్యోగ సంఘాలు డిమాండ్ చేస్తున్నాయి. గమనిక: 8వ పే కమిషన్ సిఫార్సులకు సంబంధించిన సమాచారం కోసం కేంద్ర ప్రభుత్వం విడుదల చేసిన గెజిట్ నోటిఫికేషన్ మాత్రమే ప్రామాణికంగా తీసుకోవాలి.
