బిజినెస్ చేయడమే లక్ష్యంగా ఉన్నారా అయితే ఓ చక్కటి బిజినెస్ ప్లాన్ గురించి, ఇప్పుడు మనం తెలుసుకుందాం. . ఈ బిజినెస్ చేయడం ద్వారా మీరు ప్రతి నెల చక్కటి ఆదాయం పొందే అవకాశం ఉంటుంది.
ప్రస్తుతం ఈ బిజినెస్ మార్కెట్లో అంతా ప్రాచుర్యంలో లేకపోయినప్పటికీ, ఈ బిజినెస్ చేయడం వల్ల మీరు మంచి లాభం పొందే అవకాశం ఉంటుంది. భవిష్యత్తులో మంచి లాభాలు సైతం పొందవచ్చు. అలాంటి బిజినెస్ గురించి ఇప్పుడు మనం తెలుసుకుందాం. ప్రస్తుతం మనం డిస్కస్ చేసే బిజినెస్ పేరు డ్రై మటన్ బిజినెస్. అవును వీటిని వట్టి తునకలు అని కూడా పిలుస్తారు. నిజానికి వీటికి మార్కెట్లో మంచి డిమాండ్ ఉంది. విదేశాల్లో సైతం వీటిని తినేందుకు ఇష్టపడతారు. బిజినెస్ కోసం మీరు ప్రారంభ పెట్టుబడి కింద కనీసం రెండు లక్షల రూపాయలు పెట్టుబడి పెట్టాల్సి ఉంటుంది. ఇందులో భాగంగా ఏమేం కావాలి ఇప్పుడు మనం తెలుసుకుందాం.
>> సోలార్ డ్రైయర్ – ధర 40 వేల రూపాయలు
>> ప్యాకింగ్ మెషిన్ ధర – 10 వేల రూపాయలు
>> FSSAI, GST, బ్రాండింగ్, స్టిక్కర్
పైన పేర్కొన్నవి ఈ బిజినెస్ ప్రారంభించడానికి అత్యంత అవసరమైనవి అని చెప్పవచ్చు. డ్రై మటన్ బిజినెస్ కోసం సోలార్ డ్రైయర్ ద్వారా చేయడంతో మీరు తక్కువ సమయంలోనే మటన్ ఎండిపోయేలా చేయవచ్చు. అనంతరం వీటిని చిన్న ముక్కలుగా చేసుకొని విక్రయించడానికి సిద్ధంగా తయారవుతాయి. వీటిని పసుపు ఇతర ఫ్లేవర్లతో కూడా జోడించి విక్రయించవచ్చు. ఇప్పుడు ఈ బిజినెస్ కోసం ముందుగా మీరు మేకలను లేదా గొర్రెలను కొనుగోలు చేయాల్సి ఉంటుంది. అనంతరం వాటి నుంచి మాంసాన్ని సేకరించాలి.
ఈ సేకరించిన మాంసాన్ని సోలార్ డ్రైయర్ ద్వారా ఎండ పెట్టాల్సి ఉంటుంది. అనంతరం ఎండిన మాంసాన్ని చిన్న ముక్కలుగా కట్ చేసి ప్యాకింగ్ అనంతరం విక్రయించుకోవచ్చు. డ్రై మటన్ తినేందుకు చాలా మంది ఇష్టపడతారు. ఇక డ్రై మటన్ తయారీలో 1 కిలో మటన్ నుంచి 350-400 గ్రాములు డ్రై మటన్ లభిస్తుంది. మీరు పెద్ద ఎత్తున విక్రయించాల్సి వస్తుంది కనుక 200 కిలోల మటన్ నుంచి 75 కిలోల డ్రై మటన్ పొందవచ్చు. బహిరంగ మార్కెట్లో వీటి ధర ఒక కేజీ డ్రై మటన్ రూ. 3500 వరకూ ఉంటుంది. వీటిని 100 గ్రాములు, 200 గ్రాములు, 500 గ్రాములు, 750 గ్రాములు, 1 కేజీ ప్యాకెట్లుగా చేసుకొని విక్రయించవచ్చు.
