ఆరోగ్యంపై పెరిగిన శ్రద్ధ, సోషల్ మీడియాలో ప్రచారంతో అనేకమంది తమ వంటగదిలోని పదార్థాలను మారుస్తున్నారు. ఈ క్రమంలో సాధారణ టేబుల్ సాల్ట్కు బదులుగా హిమాలయన్ పింక్ సాల్ట్, సీ సాల్ట్ వాడకం ఇటీవల ఒక ఫ్యాషన్గా మారింది.
అయితే, ఆరోగ్యకరమైనదనే అపోహతో వాడుతున్న ఈ ఉప్పు.. తీవ్రమైన ఆరోగ్య ముప్పుకు దారితీస్తోందని దేశవ్యాప్తంగా వైద్య నిపుణులు హెచ్చరిస్తున్నారు. దశాబ్దాల క్రితం మన దేశం విజయవంతంగా ఎదుర్కొన్న అయోడిన్ లోపం సమస్య, మళ్లీ ఇప్పుడు తిరగబెట్టడానికి ఈ పింక్ సాల్ట్ వాడకమే ఒక ప్రధాన కారణంగా వారు అభిప్రాయపడుతున్నారు.శరీరంలో థైరాయిడ్ హార్మోన్ల ఉత్పత్తికి అయోడిన్ అత్యంత కీలకం. ఈ హార్మోన్లు జీవక్రియను నియంత్రించడంలో, శారీరక ఎదుగుదలలో ప్రధాన పాత్ర పోషిస్తాయి.
ముఖ్యంగా గర్భిణులకు, కడుపులో పెరుగుతున్న శిశువు మెదడు అభివృద్ధికి అయోడిన్ చాలా అవసరం. సాధారణ టేబుల్ సాల్ట్లో ప్రభుత్వం నిర్దేశించిన మోతాదులో అయోడిన్ను ప్రత్యేకంగా కలుపుతారు. కానీ, సహజసిద్ధంగా లభించే పింక్ సాల్ట్, సీ సాల్ట్లలో ఈ పోషకం నామమాత్రంగానే ఉంటుంది. ఇది శరీర రోజువారీ అవసరాలకు ఏమాత్రం సరిపోదని నిపుణులు స్పష్టం భారత ప్రభుత్వం 1960ల నుంచి ‘జాతీయ గాయిటర్ నియంత్రణ కార్యక్రమం’ కింద ఉప్పును అయోడైజ్ చేయడాన్ని ప్రోత్సహిస్తోంది.
ఈ కార్యక్రమం వల్ల కొన్ని దశాబ్దాలుగా గాయిటర్ థైరాయిడ్ గ్రంథి వాపు, బుద్ధిమాంద్యం వంటి అయోడిన్ లోప సంబంధిత వ్యాధులు గణనీయంగా తగ్గాయి. కానీ, ఇటీవల ఆరోగ్య స్పృహ పేరుతో చాలామంది అయోడైజ్డ్ ఉప్పును పక్కనపెట్టి పింక్ సాల్ట్కు మారుతుండటంతో ఈ సమస్య మళ్లీ మొదటికొస్తోందని వైద్యులు ఆందోళన వ్యక్తం చేస్తున్నారు.ప్రపంచ ఆరోగ్య సంస్థ సైతం అయోడిన్ ప్రాముఖ్యతను పదేపదే నొక్కి చెబుతోంది. కేవలం ఫ్యాషన్ను, అశాస్త్రీయ ప్రచారాలను నమ్మి పింక్ సాల్ట్ను వాడటం ఆరోగ్యానికి హానికరమని నిపుణులు స్పష్టం చేస్తున్నారు. ప్రతి ఒక్కరూ తప్పనిసరిగా అయోడైజ్డ్ ఉప్పునే తమ వంటల్లో వినియోగించాలని గట్టిగా సూచిస్తున్నారు. అయోడిన్ లోపాన్ని నిర్లక్ష్యం చేస్తే దీర్ఘకాలంలో థైరాయిడ్ సమస్యలు, ఊబకాయం, పిల్లల్లో మానసిక ఎదుగుదల లోపించడం వంటి తీవ్ర పరిణామాలకు దారితీయవచ్చని హెచ్చరిస్తున్నారు.
