కొన్ని పరిశోధనల ప్రకారం, గుండె పోటు ఎక్కువగా సోమవారం వచ్చే ప్రమాదం ఉంది. గణాంకాల ప్రకారం, గుండె సంబంధిత సమస్యలు ఉన్నవారు ఎక్కువగా సోమవారమే చనిపోతున్నారు.
అయితే ప్రపంచ వ్యాప్తంగా సంభవించే మరణాల్లో 32 శాతం, వారంలో మొదటి పనిదినం అయినటువంటి సోమవారం నాడే జరుగుతున్నాయి. కాబట్టి సోమవారం విషయంలో జాగ్రత్త వహించాలని చెబుతున్నారు ఆరోగ్య నిపుణులు.
సోమవారమే ఎందుకు ?
వారంలో మొదటి పని దినం , సోమవారం రోజే చాలా మంది హార్ట్ ఎటాక్తో చాలా మంది చనిపోతున్నారు, దీనికి పలు కారణాలు ఉన్నాయి.
గుండె కొట్టుకునే వేగంలో మార్పు
మీ గుండె కొట్టుకునే వేగం, నిద్ర మేల్కొనే సమయం గుండె జబ్బులతో సంభవించే మరణాలకు కారణమవుతుంది. గుండె కొట్టుకునే వేగం హార్మోన్లపై ప్రభావం చూపుతుంది, ఇవి గుండె పోటుకు కారణం కావచ్చు.
ఒత్తిడి
ఒత్తిడి వలన గుండె పోటు వచ్చే అవకాశం ఎక్కువగా ఉంటుంది. సోమవారం ఆఫీసు లేదా పనికి వెళ్లాలనే ఆలోచన చాలామందిలో గుండెపోటు రావడానికి కారణం కావచ్చు.
మద్యపానం
చాలా మందికి వారాంతంలో పార్టీలు, స్నేహితులతో కలిసి మద్యం సేవించే అలవాటు ఉంటుంది, దీని వలన రక్త ప్రవాహంలో ఫ్యాట్ లెవల్స్ పెరుగుతాయి, ఫలితంగా రక్తపోటు కూడా పెరుగుతుంది, గుండె సంబంధిత సమస్యలు రావచ్చు.
డైట్
శాచురేటెడ్ ఫ్యాట్, షుగర్, ప్రాసెస్డ్ ఫుడ్స్ మరియు ట్రాన్స్ ఫ్యాట్స్, సాల్ట్ అధికంగా ఉండే డైట్ వలన హార్ట్ ఎటాక్ వచ్చే ప్రమాదం ఉంది. వీకెండ్లో స్నేహితులు మరియు కుటుంబ సభ్యులతో చేసుకునే పార్టీల వలన కూడా సోమవారం అంటే భయం కలుగుతుంది.
ప్రయాణం
సాధారణంగా సోమవారం రోజున ఆఫీసుకు చేరుకునే దారిలో ట్రాఫిక్ ఎక్కువగా ఉంటుంది. త్వరగా ఆఫీసుకు చేరుకోవాలనే ప్రయత్నంలో గాలి కాలుష్యం, ఫిజికల్ యాక్టివిటీ, స్ట్రెస్కు లోనవుతారు. దీని వలన గుండె సంబంధిత జబ్బులు వచ్చే ప్రమాదం ఉంది.
అయితే గుండెపోటుతో సంభవించే మరణాలు కేవలం సోమవారం మాత్రమే కాదు డిసెంబర్ నెలలో కూడా నమోదవుతున్నాయి. ది అమెరికన్ హార్ట్ అసోసియేషన్ ప్రకారం, సంవత్సరంలో మిగతా రోజులతో పోల్చి చూస్తే, డిసెంబర్ చివరి వారంలో కూడా గుండె సంబంధిత సమస్యలతో ఎక్కువ మంది చనిపోతున్నారు. ఆరోగ్య నిపుణుల ప్రకారం, డైలీ రొటీన్లో మార్పులు , నిద్ర, వ్యాయామం, డైట్ వంటి విషయాల్లో అకస్మాత్తుగా చోటుచేసుకునే మార్పుల వలన గుండె సంబంధిత సమస్యలు వస్తున్నాయి.
గుండె పోటు వచ్చినప్పుడు కనిపించే లక్షణాలు ఇవే!
- గుండె పోటు వచ్చినప్పుడు కనిపించే కొన్ని సాధారణ లక్షణాలు…
- ఛాతిలో నొప్పి మరియు ఛాతిలో ఒత్తిడిగా అనిపించడం
- వాంతులు, తలతిరగటం
- అసౌకర్యంగా అనిపించడం
- వెన్ను, మెడ మరియు దవడ భాగంలో నొప్పి
- బలహీనంగా అనిపించడం
- శ్వాస తీసుకోవడంలో ఇబ్బంది
