వయసు పెరిగేకొద్దీ జుట్టు నెరవడం సాధారణమే. కానీ, నేటి కాలంలో చిన్నతనంలోనే జుట్టు తెల్లగా మారుతుంది. దీనికి చాలానే కారణాలు ఉన్నాయి. ఒత్తిడి పెరగడం, పోషకాహార లోపం, అన్హెల్దీ లైఫ్స్టైల్, కెమికల్ ప్రోడక్ట్స్ వాడడం ఇవన్నీ కూడా కారణాలే.
వీటి వల్ల జుట్టు త్వరగా తెల్లబడుతుంది. ఈ తెల్లబడిన జుట్టుని కవర్ చేయడానికి కెమికల్స్తో తయారైన కలర్స్ వంటివి వాడతారు. వీటి వల్ల ఇన్స్టంట్గా రిజల్ట్ ఉన్నప్పటికీ రెగ్యులర్గా వాడితే జుట్టు దెబ్బతింటుంది. అలా కాకుండా నేచురల్గానే తెల్ల జుట్టుని నల్లగా మార్చొచ్చు. అది కూడా ఇంట్లోనే. దీనికోసం ఓ ప్రత్యేకమైన నూనెని ఆయుర్వేద డాక్టర్ సలీమ్ జైడీ షేర్ చేసుకున్నారు.
నూనె తయారీకి కావాల్సిన పదార్థాలు
కప్పున్నర వర్జిన్ కొబ్బరినూనె
కప్పున్నర కరివేపాకులు
4 టేబుల్ స్పూన్ల మెంతులు
5 టేబుల్ స్పూన్ల ఉసిరి పొడి
ఎలా తయారుచేయాలంటే
ఓ పాన్లో నూనె వేసి వేడి చేయండి. కొద్దిగా గోరువెచ్చగా కాగానే కరివేపాకు, మెంతులు వేసి మరిగించండి. 5 నుంచి 10 నిమిషాల పాటు మరిగిన తర్వాత ఉసిరిపోడి వేయండి. 2 నిమిషాల పాటు మరగనివ్వండి. మరిగిన తర్వాత మంటని ఆర్పేయండి. తర్వాత నూనెని చల్లారనివ్వండి. చల్లారక ఓ గాజుసీసాలో నూనెని వడపోయండి. దీనిని మనం రెండు నుంచి మూడు నెలల వరకూ వాడుకోవచ్చు.
ఎలా వాడాలి
తయారుచేసిన నూనెని ఒక్కసారి బాటిల్ని షేక్ చేసి నూనెని తలకి అప్లై చేయాలి. రాత్రుళ్ళు అప్లై చేసి కొద్దిగా మసాజ్ చేసి మరుసటి రోజు ఉదయం మైల్డ్ షాంపూతో తలస్నానం చేయాలి. వారానికి 2 సార్లు చొప్పున 2 నుంచి 3 నెలల పాటు ఈ నూనెని రాస్తే మంచి రిజల్ట్స్ ఉంటాయి. ఈ నూనెని రాయడం వల్ల జుట్టు రాలడం తగ్గి నల్లగా ఒత్తుగా పెరుగుతుంది.
వర్జిన్ కొబ్బరినూనెలో
ఈ నూనెని కోల్డ్ ప్రెస్డ్ పద్ధతిలో తయారుచేసి తీస్తారు. ఈ నూనెలో ఎక్కువగా హెల్దీ ఫ్యాటీ యాసిడ్స్ ఉంటాయి. ఈ నూనెని వాడడం వల్ల జుట్టుకి కుదుళ్ళ నుంచి బలం అందుతుంది. కొబ్బరినూనెలోని ప్రోటీన్ జుట్టుని లోపలి నుండి బలంగా చేస్తుంది. దీంతోపాటు జుట్టు నల్లగా మారడానికి కూడా కొబ్బరినూనె హెల్ప్ చేస్తుంది.
కరివేపాకులో
కరివేపాకులో యాంటీ ఆక్సిడెంట్స్, న్యూట్రియెంట్స్ ఉంటాయి. బీటాకెరోటిన్, ప్రోటీన్స్లు ఉన్నాయి. వీటి వల్ల జుట్టు రంగు నల్లగా మారుతుంది. అంతేకాకుండా జుట్టు బలంగా మారి రాలడం తగ్గి ఒత్తుగా పెరుగుతుంది. ఈ ఆకులతో నూనె తయారుచేసి వాడొచ్చు. ప్యాక్లా కూడా చేయొచ్చు.
మెంతులు
మెంతుల్లో ఫోలిక్ యాసిడ్ ఉంటుంది. వీటితో పాటు విటమిన్ ఎ, కె, సిలు ఉంటాయి. ఇవన్నీ కూడా జుట్టుని లోపలి నుంచి బలంగా మార్చి హెయిర్ ఫోలికల్ష్ని స్టిమ్యులేట్ చేస్తాయి. అంతేకాకుండా, జుట్టుకి పోషకాలని అందించి జుట్టు రాలకుండా, పొడుగ్గా పెరిగేలా చేస్తాయి.
ఉసిరి
ఉసిరిలో విటమిన్ సి, యాంటీ ఆక్సిడెంట్స్ ఉంటాయి. వీటిని వాడడం వల్ల జుట్టు రాలడం తగ్గడమే కాకుండా జుట్టుని నల్లగా మార్చడంలో హెల్ప్ చేస్తాయి. అందుకే, చాలా హెయిర్ కేర్ ప్రోడక్ట్స్లో ఉసిరిని యాడ్ చేస్తుంటారు.
