గొంతులో కఫం సమస్యకు తక్షణ ఉపశమనం.. సులభమైన ఇంటి చిట్కాలు మీకోసం

అలెర్జీలు, ధూమపానం, వాతావరణ కాలుష్యం కూడా కఫం ఉత్పత్తికి కారణం కావచ్చు. కఫాన్ని తగ్గించడానికి ఇంటి నివారణలు, ఆవిరి పట్టడం, డాక్టర్ సలహా తీసుకోవడం వంటి పద్ధతులు ఉన్నాయి. రుతువులు మారినప్పుడు గొంతులో కఫం పేరుకుపోవడం చాలా సాధారణ సమస్య. కానీ ఇది సరైన సమయంలో పరిష్కరించబడకపోతే దగ్గు, గొంతు నొప్పి, శ్వాస తీసుకోవడంలో ఇబ్బందులకు దారితీస్తుంది. ఈ సమస్య నుంచి తక్షణ, సురక్షితమైన ఉపశమనం కోసం కొన్ని సులభమైన ఇంటి చిట్కాలను అనుసరించవచ్చు. ఈ చిట్కాలు కఫాన్ని తొలగించడమే కాకుండా గొంతు నొప్పిని, వాపును తగ్గిస్తాయి. గొంతులో కఫం ఎలాంటి సమస్యలకు దారి తీసుకుందో కొన్ని విషయాలు ఈ ఆర్టికల్లో తెలుసుకుందాం.

ఉపశమనం కోసం ఇంటి చిట్కాలు:

అల్లంలో ఉండే యాంటీ-ఇన్ఫ్లమేటరీ గుణాలు గొంతు వాపును తగ్గిస్తాయి. తేనె గొంతులో కఫాన్ని తొలగించడానికి సహాయపడుతుంది. ఒక చెంచా అల్లం రసం, ఒక చెంచా తేనె కలిపి రోజుకు రెండుసార్లు తీసుకోవడం వలన ఉపశమనం లభిస్తుంది. అంతేకాకుండ ఒక చిటికెడు ఉప్పును గోరువెచ్చని నీటిలో కలిపి పుక్కిలించడం వలన గొంతు నొప్పి మరియు కఫం రెండింటి నుండి ఉపశమనం లభిస్తుంది. ఇది కఫాన్ని వదులు చేసి.. బ్యాక్టీరియాను తొలగించడానికి సహాయపడుతుంది. వేడి నీటిలో పుదీనా లేదా వాము ఆకులను వేసి, 5 నిమిషాల పాటు ఆవిరి పట్టడం వలన గొంతు మరియు ముక్కులో పేరుకుపోయిన కఫం కరిగిపోతుంది. దీని వల్ల శ్వాస తీసుకోవడం సులభం అవుతుంది.

ఈ సమస్య తగ్గాలంటే పసుపులో ఉండే యాంటీసెప్టిక్ మరియు యాంటీవైరల్ గుణాలు గొంతు ఇన్ఫెక్షన్ మరియు కఫాన్ని తగ్గించడంలో సహాయపడతాయి. రాత్రి నిద్రపోయే ముందు గోరువెచ్చని పాలలో అర చెంచా పసుపు కలిపి తాగితే మంచి ఫలితం ఉంటుంది. తులసి మరియు అల్లం రెండూ గొంతుకు ఔషధంగా పనిచేస్తాయి. తులసి ఆకులు, అల్లం కలిపి నీటిలో మరిగించి, ఆ తర్వాత గోరువెచ్చగా ఉన్నప్పుడు తాగితే కఫం త్వరగా తొలగిపోతుంది. నిమ్మకాయలో ఉండే విటమిన్ సి రోగనిరోధక శక్తిని పెంచుతుంది మరియు గొంతులో పేరుకుపోయిన కఫాన్ని తొలగించడంలో సహాయపడుతుంది. ఉదయం ఖాళీ కడుపుతో గోరు వెచ్చని నీటిలో నిమ్మరసం మరియు కొద్దిగా తేనె కలిపి తాగాలి. ఈ సులభమైన చిట్కాలతో గొంతులోని కఫం నుంచి త్వరగా, సురక్షితంగా ఉపశమనం పొందవచ్చు. అయితే సమస్య ఎక్కువైతే వైద్యుడిని సంప్రదించడం మంచిదని నిపుణులు చెబుతున్నారు.