మరో బాంబు పేల్చిన ట్రంప్.. టాలీవుడ్‌కు బిగ్‌షాక్..! విదేశీ సినిమాలపై 100 శాతం సుంకాలు..

భారత్‌పై తీవ్ర ఒత్తిడి తీసుకువస్తున్నారు. ఈ క్రమంలోనే మరో బాంబు పేల్చారు. అమెరికా వెలుపల నిర్మించే సినిమాలపై 100 శాతం సుంకాలు విధించనున్నట్లు ట్రంప్ ప్రకటించారు. ఈ మేరకు తన సొంత సోషల్ మీడియా ట్రూత్ యాప్‌లో పోస్టు పెట్టారు.

“యునైటెడ్ స్టేట్స్ ఆఫ్ అమెరికా నుంచి మా సినిమా నిర్మాణ వ్యాపారాన్ని విదేశాలు దొంగిలించాయి. ఒక బాలుడి వద్ద నుంచి మిఠాయిని దొంగిలించినట్లే దొంగిలించాయి. బలహీనమైన, అసమర్థ గవర్నర్‌ ఉన్న కారణంగా ముఖ్యంగా కాలిఫోర్నియా రాష్ట్రం తీవ్రంగా దెబ్బతింది. అందుకే సుదీర్ఘ కాలంగా.. ఎప్పటికీ అంతం కాని సమస్యను పరిష్కరించడానికి.. దేశం వెలుపల నిర్మించేఅన్ని సినిమాలపై 100% టారిఫ్స్ విధిస్తాను” అని ట్రంప్ పోస్టులో రాసుకొచ్చారు.

భారతీయ సినిమాపై ప్రభావం ఎంత?

ట్రంప్ తాజా నిర్ణయం వల్ల భారతీయ సినిమా పరిశ్రమపై కూడా ప్రభావం పడుతుందని విశ్లేషకులు అంటున్నారు. అంతేకాకుండా భారతీయ సినిమాలకు అమెరికా మార్కెట్ చాలా కీలకం. పరిశ్రమ వర్గాల ప్రకారం.. ఇండియన్ సినిమాలకు ఓవర్సీస్ కలెక్షన్లలో దాదాపు 30 నుంచి 40 శాతం అమెరికా నుంచే వస్తున్నాయి. 2024లో భారతీయ సినిమాలు అమెరికా బాక్సాఫీసు వద్ద దాదాపు 160 నుంచి 170 మిలియన్ డాలర్లు వసూలు చేశాయి.టాలీవుడ్‌కు బిగ్‌షాక్!

ముఖ్యంగా తెలుగు సినిమాలకు.. ఏపీ, తెలంగాణ తర్వాత రెండో అతిపెద్ద మార్కెట్ అమెరికానే. టాలీవుడ్ పెద్ద సినిమాల మొత్తం బాక్సాఫీస్ కలెక్షన్లలో దాదాపు 25 శాతం అమెరికా నుంచే వస్తున్నాయి. ఇలాంటి తెలుగు సినిమాలు.. అమెరికాలో 700 నుంచి 800 లొకేషన్లలో రిలీజ్ అవుతున్నాయి. ఇటీవల విడుదలనైన ఓజీ మూవీ కూడా అమెరికాలో భారీ కలెక్షన్లు సాధించింది.అమెరికాలో అత్యధిక వసూళ్లు సాధించిన సినిమాలు..

• బాహుబలి-2 (22 మిలియన్ డాలర్లు)
• కల్కి (18.5 మిలియన్ డాలర్లు)
• పఠాన్ (17.49 మిలియన్ డాలర్లు)
• ఆర్ఆర్ఆర్ (15.34 మిలియన్ డాలర్లు)
• పుష్ప-2 (15 మిలియన్ డాలర్లు)

ట్రంప్ ప్రకటించిన సుంకాలు అమలైతే టికెట్ ధరలు, డిస్ట్రిబ్యూషన్ ఖర్చులు రెట్టింపయ్యే అవకాశం ఉంది. ఇదే జరిగితే భారతీయ సినిమాలకు గొడ్డలిపెట్టులా పరిణమిస్తుంది. ఇప్పటికే చిన్న, మిడ్ బడ్జెట్ సినిమాలు మార్జిన్లు అంతంతమాత్రంగానే ఉన్నాయి. దీనిపై భవిష్యత్తులో ఏం జరుగుతుందో వేచి చూడాల