ఆంధ్రప్రదేశ్ ప్రభుత్వం రేషన్ పంపిణీలో అక్రమాలకు చెక్ పెట్టేందుకు స్మార్ట్ రేషన్ కార్డుల్ని పంపిణీ చేసిన సంగతి తెలిసిందే. రాష్ట్రవ్యాప్తంగా ఆయా రేషన్ షాపుల పరిధిలో స్మార్ట్ కార్డుల్ని పంపిణీ చేశారు.
రాష్ట్రవ్యాప్తంగా ఇప్పటికీ చాలామంది ఈ కార్డుల్ని తీసుకోలేదు.. అవి ఇంకా రేషన్ డీలర్ల దగ్గరే ఉన్నాయి. స్మార్ట్ రేషన్ కార్డుల్ని తీసుకెళ్లాలని పదే, పదే చెప్పినా చాలామంది తీసుకెళ్లలేదు. అయితే ఈ స్మార్ట్ కార్డుల్ని రేషన్ డీలర్లు తహసీల్దారు కార్యాలయాలకు పంపిస్తున్నారు.. ఒకవేళ ఎవరైనా కార్డు తీసుకోకపోతే తహసీల్దార్ కార్యాలయానికి వెళ్లి తీసుకోవచ్చని చెబుతున్నారు.
రాష్ట్ర ప్రభుత్వం రేషన్ పంపిణీలో అవకతవకలకు అవకాశం ఇవ్వకుండా.. పేదలకు రేషన్ సరుకుల్ని పారదర్శకంగా అందించేందుకు స్మార్ట్ రేషన్ కార్డుల్ని పంపిణీ చేసింది. దీని కోసం మరో రూల్ను కూడా తీసుకొచ్చింది.. రేషన్ కార్డు ఉన్న ప్రతి లబ్ధిదారు తప్పనిసరిగా ఈ-కేవైసీ చేయించుకోవాలని నిబంధనను అమలు చేస్తున్నారు. ఈ-కేవైసీ నిబంధనతో అక్రమాలకు తావు ఉండదంటున్నారు.. అనర్హుల్ని ఏరివేయొచ్చంటున్నారు. అయితే రేషన్కార్డులు ఉన్నవారు ఈ ఈకేవైసీ ప్రక్రియను చాలా సులభంగా పూర్తి చేయొచ్చు. కానీ ఆయా జిల్లాల్లో ఇప్పటికీ చాలామంది ఈ-కేవైసీ ప్రక్రియను పూర్తి చేయలేదు.. వారి వివరాలు నమోదు చేసుకోలేదు. దీంతో ప్రభుత్వం ఈ-కేవైసీ ప్రక్రియ పూర్తి చేయని వారి రేషన్ కార్డులు రద్దు చేసే దిశగా చర్యలు తీసుకుంటోంది.
రేషన్ కార్డులో సభ్యుల్లో చాలామంది ఈ-కేవైసీ పెండింగ్లో ఉంది.. పదే, పదే చెప్పినా ఆ ప్రక్రియను పూర్తి చేయలేదు. ఈ-కేవైసీ కోసం డీలరు దగ్గరకు వెళ్లి జస్ట్ ఈ-పోస్లో కార్డుదారులు ఒకసారి వేలిముద్ర వేస్తే సరిపోతుంది.. ఆ వెంటనే రేషన్ కార్డుకు సంబంధించిన ఈ-కేవైసీ ప్రక్రియ పూర్తి అవుతుంది. రేషన్ డీలర్ మాత్రమే కాదు రాష్ట్రవ్యాప్తంగా గ్రామ/ వార్డు సచివాలయాలలో కూడా ఈ-కేవైసీ చేయించుకోవచ్చు. అయినా సరే చాలామంది ఈ-కేవైసీ చేయించుకోవడం లేదు. అందుకే రేషన్ కార్డులకు సంబంధించి ఈకేవైసీ చేయించుకోని వారు అనర్హులా? వలస వెళ్లారా? మరణించారా? వంటి కారణాలపై ఆరా తీస్తోంది.
ఈకేవైసీ చేయించుకోని వారి వివరాలు సేకరిస్తోంది. ఈ సర్వే తర్వాత అనర్హుల గుర్తింపు, కార్డుల రద్దు చేసే అవకాశం ఉంది. అందుకే రేషన్ కార్డులోని సభ్యులు ఈ-కేవైసీ చేయించుకోకపోతే.. వెంటనే ఈ ప్రక్రియను పూర్తి చేసుకోవాలని అధికారులు సూచిస్తున్నారు. ఈ స్మార్ట్ రేషన్ కార్డుతో ఎన్నో ప్రయోజనాలు ఉన్నాయని ప్రభుత్వం చెబుతోంది. రేషన్కు సంబంధించి అక్రమాలకు తావు ఉండదు అంటున్నారు. త్వరలోనే ఈ స్మార్ట్ రేషన్ కార్డుల అంశం ఓ కొలిక్కి వచ్చే అవకాశం ఉందంటున్నారు.Smart ration cards
