బిగ్‏బాస్ విజేతగా కళ్యాణ్ పడాల.. ప్రైజ్ మనీతోపాటు ఎంత పారితోషికం తీసుకున్నాడో తెలుసా

టైటిల్ విన్నర్ గా సామాన్యుడు కప్పు అందుకున్నాడు. వేలాది మందిని దాటుకుని 15 మందిలో ఒకడిగా అగ్నిపరీక్షలోకి అడుగుపెట్టాడు. తన ఆట తీరుతో అడియన్స్ మెప్పు పొంది ఫస్ట్ కామనర్ గా హౌస్ లోకి అడుగుపెట్టాడు. కానీ మొదటి మూడు వారాలు ఆట పక్కన పెట్టి.. జనాలకే విసుగు పుట్టించాడు. కానీ నాలుగో వారం నుంచి వ్యూహం మార్చి ఒక్కసారిగా తన ఆట తీరుతో కట్టిపడేశాడు. రోజు రోజుకీ ఆట తీరు మార్చుకుని తన మాటలతో అడియన్స్ హృదయాలు గెలుచుకున్నాడు. అంతేకాదు..ప్రతి టాస్కులో అదరగొట్టాడు.. తన మాటలతో జెన్యూన్ ప్లేయర్ గా నిలిచి.. మొదటి నుంచి విన్నర్ రేసులో దూసుకుపోతున్న తనూజకే గట్టిపోటీ ఇచ్చాడు.

బిగ్ బాస్ హౌస్ తోపాటు అడియన్స్ మనసు గెలుచుకున్న కళ్యాణ్ విజేతగా నిలిచి ట్రోఫీని అందుకున్నాడు. ఇక కళ్యాణ్ బిగ్ బాస్ విన్నర్ ప్రైజ్ మనీతోపాటు రెమ్యునరేషన్ వివరాలు తెలుసుకుందాం. తెలుగు బిగ్ బాస్ విన్నర్ కు 50 లక్షల ప్రైజ్ మనీ.. అందులో డీమాన్ పవన్ రూ.15 లక్షలు తీసుకుని హౌస్ నుంచి బయటకు వచ్చేసాడు. దీంతో ప్రైజ్ మనీ 35 లక్షలకు తగ్గిపోయింది. అలాగే కళ్యాణ్ వారానికి రూ.2 లక్షల వరకు తీసుకున్నట్లు టాక్. దీంతో మొత్తం 15 వారాలకు గానూ రూ. 30 లక్షల పారితోషికం తీసుకున్నట్లు టాక్. ప్రైజ్ మనీ 35 లక్షలు, రెమ్యునరేషన్ 30 లక్షలు కలిపి 65 లక్షల వరకూ కళ్యాణ్ పడాల అందుకున్నట్లు టాక్. వీటితోపాటు బిగ్ బాస్ టైటిల్ విన్నర్ కు మారుతీ సుజూకీ కారు బహుమతిగా ప్రకటించారు.

ఏపీలోని విజయనగరానికి చెందిన కళ్యాణ్ పడాల… కష్టపడి చదివి ఆర్మీలో ఉద్యోగం సంపాదించాడు. మూడేళ్లు సైనికుడిగా సేవలు అందించాడు. కానీ చిన్నప్పటి నుంచి నటనపై ఉన్న ఆసక్తి.. ఇష్టం.. అతడిని బిగ్ బాస్ వైపు అడుగులు వేసేలా చేసింది. వేలాది మందిని దాటుకుని అగ్నిపరీక్షలో అడుగుపెట్టి ఫస్ట్ కామనర్ గా హౌస్ లోకి ఎంట్రీ ఇచ్చాడు. ఇప్పుడు బిగ్ బాస్ విజేతగా నిలిచాడు.