నిజానికి ఇది చెవిని రక్షించే ఒక సహజమైన ఏజెంట్. ఇది ధూళి, బ్యాక్టీరియా లోపలికి వెళ్లకుండా అడ్డుకుంటుంది.
మనం మాట్లాడినప్పుడు లేదా దవడను కదిలించినప్పుడు, ఈ వ్యాక్స్ దానంతట అదే బయటకు వస్తుంది. కానీ కొంతమందిలో ఇది గట్టిపడి చెవిలో భారంగా అనిపించడం, నొప్పి, దురద, వినికిడి తగ్గడం లేదా తల తిరగడం వంటి సమస్యలకు దారితీస్తుంది. అటువంటప్పుడు వెంటనే ఈఎన్టీ (ENT) డాక్టర్ను సంప్రదించాలి.
చెవిని ఎలా శుభ్రం చేసుకోవాలి? చాలామంది ఇయర్ బడ్స్, పిన్నులు లేదా అగ్గిపుల్లలు వాడుతుంటారు. కొందరు వేడి నూనెను చెవిలో వేస్తారు. కానీ ఇవన్నీ ప్రమాదకరమని డాక్టర్ దివ్య బదనిడియూర్ చెబుతున్నారు.
ఇంట్లో పాటించాల్సిన జాగ్రత్తలు:
- చెవి లోపల ఎటువంటి వస్తువులను పెట్టకండి.
- కేవలం తడి గుడ్డతో చెవి బయటి భాగాన్ని మాత్రమే తుడుచుకోండి.
- ఇయర్ బడ్స్ వాడినా, అవి లోపలికి వెళ్లకుండా కేవలం బయటి వైపు మాత్రమే వాడాలి.
ఏం చేయకూడదు?
- ఇయర్ బడ్స్ లోపలికి నెట్టడం వల్ల వ్యాక్స్ మరింత లోపలికి వెళ్లి వినికిడి దెబ్బతింటుంది.
- పదునైన వస్తువుల వల్ల చెవి కర్ణభేరి (Eardrum) పగిలిపోయే ప్రమాదం ఉంది.
- ‘ఇయర్ క్యాండ్లింగ్’ వంటి పద్ధతులు వాడకండి, దీనివల్ల చెవి కాలిపోయే అవకాశం ఉంది.
- సొంతంగా నీటితో చెవిని కడగకండి, ఇది ఇన్ఫెక్షన్కు దారితీస్తుంది.
గులిమి మెత్తబడటానికి: మెడికల్ షాపుల్లో దొరికే ‘ఇయర్ వ్యాక్స్ సాఫ్టనర్ డ్రాప్స్’ వాడవచ్చు. కొన్ని రోజుల పాటు ఇవి వాడిన తర్వాత, డాక్టర్ దగ్గరకు వెళ్లి సురక్షితంగా క్లీన్ చేయించుకోవాలి. డాక్టర్లు మైక్రోస్కోప్ లేదా సక్షన్ (Suction) పద్ధతిలో దీనిని తొలగిస్తారు.
