ఆంధ్రప్రదేశ్ ప్రభుత్వం యువతకు ఉద్యోగ అవకాశాలు కల్పించేందుకు “AP మెగా జాబ్ మేళా 2025” నిర్వహించనుంది. మే 3, 2025న నిడదవోలులోని ఎస్.వీడీ ప్రభుత్వ మహిళా డిగ్రీ కళాశాలలో ఈ జాబ్ మేళా జరుగుతుంది. 10వ తరగతి, ఇంటర్, ఐటీఐ, డిప్లొమా, డిగ్రీ, బీటెక్, పీజీ పాస్ అయినవారికి 1,302 ఖాళీలను భర్తీ చేయడానికి 45 ప్రైవేట్ కంపెనీలు ఈ కార్యక్రమంలో పాల్గొంటున్నాయి. జీతం ₹12,000 నుండి ₹40,000 వరకు ఉంటుంది.
పాల్గొనే కంపెనీలలో ఇసూజూ, ఎల్ & టీ కన్స్ట్రక్షన్, పానాసోనిక్, హెచ్డీఎఫ్సీ, అపోలో ఫార్మసీ, డెక్కన్ ఫైన్ కెమికల్స్ వంటి ప్రముఖ సంస్థలు ఉన్నాయి. ఆసక్తి ఉన్న 35 సంవత్సరాల లోపు యువత తమ బయోడేటా, విద్యా సర్టిఫికెట్లు, ఐడి ప్రూఫ్‌లు తీసుకుని మే 3రో ఉదయం 9 గంటలకు నిడదవోలులో హాజరు కావాలని రాష్ట్ర మంత్రి కందుల దుర్గేష్ అభ్యర్థన చేశారు.
ఈ మెగా జాబ్ మేళా ద్వారా నిరుద్యోగితను తగ్గించడం, యువతకు స్థిరమైన ఆదాయ వనరులను కల్పించడం ప్రభుత్వ లక్ష్యం. ఈ అవకాశాన్ని పూర్తిగా వినియోగించుకుని, అభ్యర్థులు తమ భవిష్యత్తును ప్రకాశవంతం చేసుకోవాలని మంత్రి గారు సూచించారు.
