చాణక్య నీతి ప్రకారం, ఒక వ్యక్తి ప్రవర్తన అతని వ్యక్తిత్వానికి గుర్తింపునిస్తుంది. మనిషి ప్రవర్తన ఆధారంగా మంచి చెడులను అనుభవించాల్సి ఉంటుంది. మీరు కూడా మీ జీవితాన్ని ఆనందంగా మార్చుకోవాలనుకుంటే ఆచార్య చాణక్యుడు చెప్పిన కొన్ని ముఖ్యమైన నియమాలను ఖచ్చితంగా పాటించండి

విజయం సాధించాలనే అహంకారం లేదా తన దగ్గర డబ్బు ఎక్కువ అనే అహంభావం ఉన్న వారి వద్ద లక్ష్మీదేవి ఉండదు. చాణక్యుడి ప్రకారం డబ్బు ఉందనే అహంకారం మీలో ఉంటే.. మీ తెలివితేటలు భ్రష్టు పట్టడానికి ఎక్కువ సమయం పట్టదు. డబ్బు తెచ్చిన అహంకారంతో ఉన్నవారు ఆ డబ్బుని పోగొట్టుకుని పేదవారు కావచ్చు.

స్నేహితుల మీద కోపం తెచ్చుకోకండి: స్నేహంబంధం జీవితంలో చాలా ప్రత్యేకమైనది. సరదాగా, సంతోషంగా ఉండడమే కాదు.. మీ రహస్యాలను పంచుకోవడం వరకు.. మీ స్నేహితులు మీకు అడుగడుగునా మద్దతు ఇస్తారు. స్నేహితులపై కోపం తెచ్చుకోవడం వల్ల మీరు వారిని శాశ్వతంగా కోల్పోవచ్చు. దీనితో.. విశ్వాసం కలిగిన మంచి వ్యక్తి.. విశ్వసనీయ సంబంధం ముగుస్తుంది.

ఆధునిక కాలంలో నేటి యువత తమ వృద్ధ తల్లిదండ్రుల గురించి తరచుగా సిగ్గుపడుతున్నారు. కాలక్రమేణా.. ప్రతి ఒక్కరి శరీరంలో వృద్ధాప్యం ప్రారంభమవుతుంది. అటువంటి పరిస్థితిలో మీరు కూడా ఇదొక రోజు వృద్ధులు అవుతారు. అందుకే మీ పేరెంట్స్‌ని చూసి సిగ్గుపడడం కానీ.. వారిని మార్చుకోవాలని కానీ ఎప్పుడూ ప్రయత్నించకండి. తల్లిదండ్రులను ఎప్పుడూ గౌరవించండి.

Chanakya Niti in Telugu: ఎదుటివారిని ఎలా కంట్రోల్ చేయాలో చాణక్యుడు తన నీతి శాస్త్రంలో పొందుపరిచారు. ఇతరుల స్వభావాన్ని బట్టి.. మనం మాట్లాడాల్సి ఉంటుంది. మనం చెప్పిన మాట వారు వినాలంటే ఏం చేయాలో ఇక్కడ తెలుసుకోండి.

Chanakya Niti in Telugu: ఇతరులను ఆకట్టుకునేలా మాట్లాడటం ఒక కళ. ఎదుటివారు మన మాట వినేలా ఒప్పించడం అందరికీ సాధ్యమయ్యేది కాదు. తమ మాటతీరు ఆకట్టుకునే నేర్పు కొందరిలోనే ఉంటుంది. భారతీయ పురాతన తత్వవేత్త ఆచార్య చాణక్యుడికి ఎవరినైనా తన మాట`వినేలా చేసే శక్తి ఉంది. ఎదుటివారిని అలవోకగా తన నియంత్రణలోకి తెచ్చుకునే సామర్థ్యం ఆయనకు ఉంది. ఆయన బోధనలు, సూక్తులు నేటి యువతకు మార్గం దర్శకంగా నిలుస్తున్నాయి. ఆచార్య చాణక్యుడు ఎలాంటి వ్యక్తినైనా ఆకట్టునేలా ఎలా మాట్లాడలో తన నీతిశాస్త్రంలో వివరించారు. మీరు కూడా మీ మాటను ఇతరుల వినేలా.. మీ నియంత్రణలో ఉండాలని కోరుకుంటున్నారా..? అయితే చాణిక్యుని నీతిశాస్త్రంలోని విషయాలను తెలుసుకోండి. ఈ పద్ధతులను అనుసరించి.. ఎదుటివారిని ఆకట్టుకోండి.

ఎదుటివారితో మాట్లాడుతుంటే.. వారు ఎలాంటి వారో క్షణాల్లోనే తెలుసుకోవచ్చు. వ్యక్తి స్వభావాన్ని బట్టి మనం మాట్లాడాలి. అందరికీ ఒకే రీతిలో ఆకట్టుకోలేం. ఇతరులకు మనం ఏ విషయం అయినా చెప్పే ముందు పూర్తి సమాచారం అందించాలి. మనం ఎన్ని చెప్పినా.. కొంతమంది తాము పట్టిన కుందేలుకు మూడే కాళ్లు అన్నట్లు ఇతరులు చెప్పిన మాటలు పట్టించుకోరు. అలాంటి వారి ధోరణిని మార్చాలంటే.. మనకు ముందు విషయ పరిజ్ఞానం ఉండాలి.

అత్యాశ గల వ్యక్తులతో ఇలా..

ముల్లును ముల్లుతోనే తీయాలని అంటారు. అత్యాశ గల వ్యక్తికి ఏదైనా ఆశ చూపితినే లొంగుతారు. వారు మాటలకు అస్సలు పడిపోరు. అంటే డబ్బు లేదంటే వారు కోరుకున్నది ఇచ్చినప్పుడే మీ చెప్పిన విషయాలను అంగీకరిస్తారు.

తెలివి తక్కువ వారితో..

తెలివి తక్కువ వ్యక్తులను ఒప్పించాలంటే.. వారి మనస్తత్వానికి తగిన విధంగా వ్యవహరించాలి. వారికి నచ్చిన పనిని మీరు చేస్తే.. వాళ్లకు ఎంతో ఆనందాన్ని కలిగిస్తుంది. అప్పుడే మీ మీద నమ్మకం ఏర్పడుతుంది. అప్పుడు మీరు చెప్పినదల్లా చేస్తారు.

తెలివైన వ్యక్తులతో ఇలా..

తెలివైన వ్యక్తులతో జాగ్రత్తగా ఉండాలి. వారితో మీరు తెలివిగానే మాట్లాడాలి. తెలివితో మీరు చెప్పే విషయాలను వారు అంగీకరిస్తారు. అతి తెలివి ప్రదర్శించకుండా.. వాళ్లకు నిజాలే చెప్పాలి. మీకు కూడా అన్ని విషయాల గురించి తెలియకపోతే.. వారు ఎట్టి పరిస్థితుల్లోనూ మీ మాట వినరు. మిమ్మల్ని చులకనగా కూడా చూస్తారు.

గర్విష్ఠులతో ఇలా..

అహంకారం ఉన్న వ్యక్తులను ఒప్పించడానికి ముందు మీ గర్వం పక్కనపెట్టాల్సి ఉంటుంది. వారిని మీ నియంత్రణలోకి తెచ్చుకోవాలంటే.. వాళ్లను గౌరవించాలి. వారికి నమస్కరించి.. కాస్త పొగడాలి. వారిని పొగడ్తలతో ముంచేస్తూ.. తల వంచినట్లు ప్రవర్తించాలి. ఇలా చేస్తే వాళ్లే వాళ్లకు తెలియకుండా మీ మాటలకు బానిసలుగా మారిపోతారని చాణక్య నీతి చెబుతోంది. అహంకారులు సాధారణంగా ఎవరి మాట వినరు. తమ ఎంచుకురన్న మార్గమే కరెక్ట్ అని అనుకుంటూ ఉంటారు. అందుకే వారికి ఇచ్చే విలువను వారి ఇచ్చి.. మీ వ్యవహరాలను చక్కదిద్దుకోవచ్చు.

చాణక్య నీతి: ఆచార్య చాణక్యుడు మంచి వ్యూహకర్త, ఆర్థికవేత్త. అంతే కాదు.. నిజ జీవితంలో ఎలా వ్యవహరించాలో వివరిస్తూ చాలా పుస్తకాలను రచించారు. అతను చెప్పిన నీతి వ్యాఖ్యల కారణంగా ఆయనకు కౌటిల్యుడు అని పేరు వచ్చింది. చాణక్యుడు రచించిన నీతిశాస్త్రం చాణక్య నీతి పేరుతో ప్రసిద్ధి చెందింది. ఈ గ్రంధంలో అనేక అంశాలను ఆచార్యుడు ప్రస్తావించారు. ఆయన రాసిన చాణక్య నీతి ఇప్పటికీ ప్రజలకు సరైన మార్గాన్ని చూపిస్తుంది. అయితే జీవితంలో విజయం సాధించాలంటే ఆచార్య చాణక్య 4 మార్గాలను సూచించారు. వాటి గురించి తెలుసుకుందాం.

1. మతం మార్గం విజయాన్ని సాధించడానికి అధర్మ మార్గాన్ని ఎప్పటికీ ఎంచుకోరాదని ఆచార్య చాణక్య సూచించారు. అటువంటి విజయం ఎంత త్వరగా వస్తుందో అంతే త్వరగా వెళ్లిపోతుందని చెప్పారు. మతం మార్గం కొంచెం కష్టమైనది కావొచ్చు కానీ అది మీ కీర్తిని చాలా దూరం తీసుకువెళుతుంది.

2. క్రమశిక్షణ అవసరం క్రమశిక్షణ లేని వ్యక్తులు జీవితంలో చాలా కష్టాలను ఎదుర్కోవాల్సి వస్తుందని ఆచార్య చెప్పారు. విజయం సాధించాలనుకుంటే ప్రతి ఒక్క నిమిషాన్ని సద్వినియోగం చేసుకోవాలన్నారు. సమయాన్ని అస్సలు వృథా చేయరాదన్నారు. క్రమశిక్షణ లేకుంటే జీవితంలో విజయం సాధించడం అసాధ్యమన్నారు.

3. ఓటమికి భయపడవద్దు.. ఒక వ్యక్తి లక్ష్యాన్ని సాధించే క్రమంలో చాలాసార్లు ఓటమిని ఎదుర్కోవలసి వస్తుంది కానీ దాని గురించి ఎప్పుడు భయపడవద్దని ఆచార్య చాణక్య సూచించారు. ఓడిపోవడం కూడా మీ అభ్యాస ప్రక్రియలో ఒక భాగమని చెప్పారు. జీవితంలో సరైన లక్ష్యాన్ని నిర్దేశించుకోవాలి దానికోసం నిత్యం కష్టపడాలని తెలిపారు.

4. సోమరితనం విడనాడాలి సోమరితనం ఉన్న వ్యక్తి పనిని పలుమార్లు వాయిదా వేస్తాడు. కానీ అది సరైన పద్దతి కాదని ఆచార్య చాణక్య సూచించారు. మీరు జీవితంలో విజయం సాధించాలంటే సోమరితనం విడనాడాలని చెప్పారు. సోమరితనం వల్ల ఒక వ్యక్తి ఎప్పుడు విజయం సాధించలేడని తెలిపాడు. అంతేకాదు సోమరితనాన్ని అతి పెద్ద శత్రువుగా భావించారు.