తిరుమలలో మరోసారి చిరుతలు కలకలం రేపాయి. తాజాగా, అలిపిరి నడకమార్గంలో రెండు చిరుతలు కనిపించాయి. వాటిని చూసిన భక్తులు భయంతో గట్టిగా కేకలు వేశారు. ఆ శబ్ధానికి రెండు చిరుతలు అడవిలోకి పారిపోయాయి. దీంతో అంతా ఊపిరి పీల్చుకున్నారు. అలిపిరి నడక మార్గంలో మరోసారి చిరుతలు కనిపించడంతో భయాందోళనకు గురవుతున్నారు భక్తులు.

అయితే, చిరుతల విషయం తెలుసుకున్న భద్రతా సిబ్బంది అప్రమత్తమయ్యారు. టీటీడీ విజిలెన్స్ సిబ్బంది స్పాట్ కు చేరుకుని పరిశీలించారు. అవి వెళ్లిన మార్గంలో.. వాటి జాడలను గుర్తించే పనిలో ఉన్నారు ఫారెస్ట్ సిబ్బంది. చిరుతల సంచారం దృష్ట్యా భక్తులను కొండపైకి గుంపులు గుంపులుగా పంపిస్తున్నారు. నడకదారి భక్తులకు ఎటువంటి అపాయం తలెత్తకుండా అటవీశాఖ అధికారులు అప్రమత్తమై చిరుత కోసం గాలింపు చర్యలు చేపట్టారు.

ఇదిలాఉంటే.. కొద్దిరోజుల క్రితం తిరుమలకు వెళ్లే రెండో ఘాట్ రోడ్డులో ఓ చిరుత కనిపించింది. తెల్లవారుజామున భక్తుల కారుకు చిరుత అడ్డొచ్చింది. కారు సీసీటీవీ కెమెరాలో చిరుత పులి దృశ్యాలు రికార్డయ్యాయి. చిరుతను చూసిన వారు ఒక్కసారిగా ఉలిక్కి పడ్డారు. చిరుత రోడ్డు దాటి వెళ్లిపోవడంతో కారులో వెళ్తున్న వారు ఊపిరి పీల్చుకున్నారు.

గతంలో తిరుమల కాలినడక మార్గంలో ఓ చిన్నారిని పొట్టనపెడ్డుకుంది చిరుత. లక్షిత అనే ఆరేళ్ల బాలికపై దాడి చేసి అడవిలోకి లాక్కెళ్లి చంపేసింది. చిరుతకు బలైపోయిన చిన్నారిలా మరొకరి ప్రాణాలకు బలికాక ముందే అధికారులు తగిన జాగ్రత్తలు తీసుకోవాలని భక్తులు కోరుతున్నారు.

ఏపీలో ఎన్నికల పోలింగ్‌ రోజు, ఆ తర్వాత జరిగిన హింసపై సిట్‌ తన ప్రాథమిక నివేదికను డీజీపీ హరీశ్‌ కుమార్‌ గుప్తాకు అందించింది. ఈ నివేదికను సిట్‌ చీఫ్‌ వినీత్‌ బ్రిజ్‌లాల్‌ డీజీపీకి అందజేశారు. మూడు జిల్లాల్లో రెండు రోజుల పాటు పర్యటించిన ఈ బృందం.. నిన్న అర్ధరాత్రి వరకు ప్రత్యేక దర్యాప్తు కొనసాగించింది. పల్నాడు, తిరుపతి, అనంతపురం జిల్లాల్లో 33 హింసాత్మక ఘటనలు జరిగినట్లు ప్రత్యేక దర్యాప్తు బృందం (సిట్‌) అధికారులు గుర్తించారు. ఈ దమనకాండపై రెండు రోజులపాటు విచారణ జరిన సిట్‌.. అల్లర్లు జరిగిన ప్రాంతాలకు వెళ్లి పరిశీలించి విచారణ జరిపింది.

రాష్ట్రంలో హింసాత్మక ఘటనలపై సిట్‌ ఇచ్చిన 150 పేజీల నివేదికలో పలు కీలకాంశాలను పొందుపరిచింది. ఈ ఘటనలపై నమోదైన ఎఫ్‌ఐఆర్‌లతో పాటు స్థానికులు, పోలీసులను విచారించి.. మూడు జిల్లాల్లో దాదాపు 33 హింసాత్మక ఘటనలు జరిగినట్లు తేల్చింది. ఎఫ్‌ఐఆర్‌లో కొత్త సెక్షన్లు చేర్చే అంశంపైనా సిఫారసు చేసినట్లు తెలుస్తోంది. కొత్తగా ఎఫ్‌ఐఆర్‌లు నమోదు చేయాలా? వద్దా అనే అంశంపైనా నిర్ణయం తీసుకొనే అవకాశం ఉంది. హింస జరుగుతుందని తెలిసీ కొందరు ఉద్దేశపూర్వకంగానే నిర్లక్ష్యంగా వ్యవహరించినట్లుగా సిట్‌ నిర్థరించింది. స్థానిక నేతలతో కుమ్మక్కైన పోలీసులు హింస జరుగుతున్నా.. మిన్నకుండిపోయారని ఈ నివేదికలో పేర్కొన్నట్లు తెలుస్తోంది. ఈ వ్యవహారంలో కొందరు పోలీస్‌ అధికారులపైనా కేసులు నమోదు చేసే అవకాశం కనబడుతోంది. ఈ ఘటనల్లో ఉపయోగించిన రాళ్లు, కర్రలు, రాడ్లు వంటి సామగ్రికి సంబంధించిన ఆధారాలూ సేకరించిన సిట్‌.. ఈ ఘటనలతో సంబంధం ఉన్న పలువురు రాజకీయ నేతల్ని సైతం అరెస్టు చేసే అవకాశం ఉన్నట్లు సమాచారం. జూన్‌ 4న జరిగే ఓట్ల లెక్కింపు సందర్భంగా తీసుకోవాల్సిన భద్రతాపరమైన చర్యలపైనా కొన్ని సిఫారసులు చేసినట్లు తెలుస్తోంది. ఈ నివేదికను డీజీపీ.. కేంద్ర ఎన్నికల సంఘం, రాష్ట్ర ఎన్నికల ప్రధానాధికారికి ప్రభుత్వం ద్వారా అందించనున్నారు. ఈ ఘటనలపై పూర్తి నివేదికను ఇచ్చేందుకు మరికొంత సమయం కావాలని సిట్‌ కోరే అవకాశం ఉంది.

ఆంధ్రప్రదేశ్‌లోని గుడివాడ నియోజకవర్గానికి ఒక ప్రత్యేకత ఉంది. ఈ నియోజకవర్గంలో తెలుగుదేశం పార్టీ స్థాపకుడు ఎన్‌టి రామారావు గెలిచారు. కొడాలి శ్రీ వెంకటేశ్వరావు (నాని) నాలుగు సార్లు వరుసగా గుడివాడ నుంచి గెలిచారు.

రెండు సార్లు టీడీపీ నుంచి రెండు సార్లు వైఎస్సార్‌సీపీ నుంచి గెలిచి వైఎస్సార్‌ సీపీ ప్రభుత్వంలో నాని మంత్రిగా రెండున్నర ఏళ్లు పనిచేశారు. గత ఎన్నికల్లో 18,969 ఓట్ల మెజారిటీ వచ్చింది. 2024 ఎన్నికల్లో నాని గెలుపు ఓటములపై పందేలు కూడా జరుగుతున్నాయి. నాని గెలిచే అవకాశాలు చాలా తక్కువనే ప్రచారం సాగుతోంది.

ఓటు కొనుగోలుకు మూడువేలుఒక్కో ఓటు కొనుగోలుకు మూడు వేల వంతున కొడాలి నాని డబ్బలు పంపిణీ చేశారు. నియోజకవర్గంలో 2,04,271య ఓట్లు ఉన్నాయి. ఇందులో లక్షన్నర ఓట్లు నాని కొనుగోలు చేసినట్లు ఆయన సన్నిహితులు చెబుతున్నారు. నియోజకవర్గంలో గుడివాడ టౌన్, రూరల్, నందివాడ, గుడ్లవల్లేరు మండలాలు ఉన్నాయి. ఈ మండలాల్లో గుడివాడ టౌన్, గుడ్లవల్లేరు మినహాయిస్తే నందివాడ, గుడివాడ రూరల్‌ మండలాల్లో నానికి మెజారిటీ వస్తుందనే ప్రచారం సాగుతోంది. గుడ్లవల్లేరులో తెలుగుదేశం పార్టీకే మెజారిటీ వస్తుందని, గుడివాడ పట్టణంలో నానికి మెజారిటీ వచ్చే అవకాశాలు లేవని సమాచారం. నాని వర్గీయులు డబ్బలు పంచడంలో ముందున్నా గుడివాడ పట్టణంలోని 10,11,12 వార్డుల్లో నాని నుంచి డబ్బలు ఓటర్లకు అందలేదు. ఈ మూడు వార్డుల్లో పంచేందుకు డబ్బులు తీసుకున్న వారు స్వాహా చేశారు. చివరకు ఎన్నికల రోజు డబ్బులు ఇవ్వలేదని తేలింది. ఈ వార్డలకు చెందిన ముగ్గురు వ్యక్తలు ప్రస్తుతం పరారీలో ఉన్నారు. నానికి కనిపిస్తే సమస్యలు వస్తాయని భావించిన వీరు పట్టణం వదిలి వెళ్లారు. వీరు తెలుగుదేశం పార్టీ వారి వద్ద కూడా డబ్బులు తీసుకని వైఎస్సార్‌సీపీ డబ్బులు పంచకుండా ఆగారా? నాని డబ్బులు స్వాహా చేసి మిన్నకున్నారా అనేది తేలాల్సి ఉంది. గుడివాడ పట్టణంలో వైఎస్సార్‌సీపీకి ఓట్లు తగ్గే అవకాశం ఉందని సమాచారం.తెలుగుదేశం పార్టీ అభ్యర్థి వెనిగండ్ల రాము ముందుగా రెండున్నర వేలు ఓటుకు చొప్పున పంపిణీ చేశారు. నాని ఓటుకు మూడు వేలు ఇచ్చారని తెలియగానే మిగిలిన ఐదు వందలు కూడా ముందుగా డబ్బులు తీసుకున్న ఓటర్లకు చేర్చారు. రాము వైపు నుంచి ఓటర్లకు పంచిన ప్రతి రూపాయి ఓటరుకు చేరింది. నాని నుంచి పంపిణీ చేసిన డబ్బులు ఎక్కువ మంది ఓటర్లకు చేరలేదు. ఇరవై ఏళ్ల అనుభవం ఉన్న నాని ఎందుకు బోల్తా పడ్డారనేదానిపై చర్చ సాగుతూనే ఉంది. రాముకు గుడివాడ పట్టణంలో మెజారిటీ వచ్చే అవకాశాలు కనిపిస్తున్నాయని స్థానికులు చెబుతున్నారు. నియోజకవర్గంలో ఎస్సీల ఓట్లు సుమారు 50వేలకు పైగానే ఉన్నాయి. ఇందులో మాలలు ఎక్కువగా ఉన్నారు. మాదిగలు కూడా తెలుగుదేశం పార్టీకి పూర్తి స్థాయిలో వేశారని చెప్పలేము. మొత్తం ఓట్లలో పోలయిన ఓట్లు 1,68,537 ఓట్లు. ఇవే కాకుండా 3066 పోస్టల్‌ బ్యాలెట్‌ ఓట్లు, 160 హోం ఓట్లు కాగా మొత్తం 1,71,763 ఓట్లు పోలయ్యాయి. మొత్తం మీద 84.09 శాతం పోల్‌ కావడంతో ఏ పార్టీకి ఎక్కువ ఓట్లు పడ్డాయో ఎవ్వరూ చెప్పలేని పరిస్థితులు ఏర్పడ్డాయని స్థానికులు చెబుతున్నారు.అభ్యర్థులు ఇద్దరూ అందుబాటులో ఉండేవారు కాదుకొడాలి నాని, వెనిగండ్ల రాములు నిత్యం ప్రజలకు అందుబాటులో ఉండే వారు కాదు. గెలవగానే నాని నియోజకవర్గంలో ఉండటం కంటే వేరే ప్రాంతాల్లో ఉండటానికే ఎక్కువ ప్రాధాన్యత ఇస్తున్నారు. నెలకోసారి కూడా నియోజకవర్గంలో కనిపించని పరిస్థితులు ఉన్నాయి. ఎన్నికలకు నెల రోజుల ముందు నుంచి ఎవరికి ఏ అవసరాలు ఉన్నాయో తెలుసుకుని వారికి ఆర్థిక సాయం చేసే కార్యక్రమాలకు శ్రీకారం చుడుతారు. రాము పరిస్థితి కూడా ఇదే. ఈయన మొదటి సారిగా రాజకీయాల్లోకి దిగినా గుడివాడలో ఎప్పుడూ ఉండలేదు. విదేశాల్లో వ్యాపారాలు ఉన్నందున నెలకోసారి కూడా గుడివాడలో కనిపిస్తాడో లేదో ననే అనుమానాలు ఓటర్లలో ఉన్నాయి.వ్యక్తులను చూసా.. పార్టీలను చూసా…2024 ఎన్నికల్లో గుడివాడలో పోటీ చేసిన అభ్యర్థులను చూసి ఓటర్లు ఓట్లు వేశారా? పార్టీలను చూసి ఓట్లు వేశారా? అనే అంశంపై ఎక్కువ చర్చ జరుగుతోంది. ప్రధానంగా వైఎస్సార్‌ కాంగ్రెస్‌ పార్టీని, పార్టీ అధ్యక్షుడు జగన్‌ మోహన్‌రెడ్డిని చూసి మాత్రమే ఓటర్లు ఓటు వేశారని పలువురు ఓటర్లు చెప్పారు. అయితే తెలుగుదేశం పార్టీ నుంచి పోటీ చేస్తున్న రామును చూసి మాత్రమే ఓట్లు వేస్తున్నామని, టీడీపీని చూసి కాదని పలువురు ఓటర్లు చెప్పడం విశేషం.