ప్రస్తుతంపెళ్లిళ్ల సీజన్ నడుస్తోంది. ఇందులో ప్రజలు విభిన్నంగా స్టైలిష్‌గా కనిపించడానికి చాలా ముందుగానే సన్నాహాలు చేస్తుంటారు. ఈ వేసవి కాలంలో మెరిసే చర్మాన్ని పొందడానికి చాలా మంది బ్యూటీ పార్లర్లకు వెళ్లి వేల రూపాయలు ఖర్చు చేస్తున్నారు. కానీ, ఒక్కోసారి ఇలా చేసినా మనకు కావాల్సినంత గ్లో రాదు.ఐతే చర్మ సంరక్షణ గురించి ప్రతి ఒక్కరూ తెలుసుకోవాల్సిన అంశాలున్నాయి. అవేంటంటే..?
చర్మ సంరక్షణ విషయంలో సీటీఎమ్ అనేది ట్రెండ్‌లో ఉంది. పెళ్లికి కొన్ని రోజుల ముందు ఈ రొటీన్‌ని ఫాలో అవడం మొదలుపెడితే.. కొన్ని రోజుల్లోనే ఫలితం కచ్చితంగా వస్తుంది. సీటీఎమ్ తో ఎలాంటి ప్రయోజనాలు పొందవచ్చు.
అనేది ఇప్పుడు తెలుసుకుందాం..
సీటీఎమ్ అంటే ఏమిటి.. ?
సీటీఎమ్ అంటే క్లెన్సింగ్, టోనింగ్ అండ్ మాయిశ్చరైజింగ్ అని అర్థం. చర్మాన్ని రోజువారీగా శుభ్రపరచడం, తేమను నిర్వహించడం చాలా ముఖ్యం. మీరు సీటీఎమ్ ని అనుసరించకపోతే, చర్మంలో అనేక రకాల సమస్యలు కనిపిస్తాయి.
CTM ఎలా చేయాలి..?
CTM కింద, మీరు మొదట చర్మాన్ని శుభ్రపరచాలి. వెంటనే మాయిశ్చరైజర్‌ను అప్లై చేయాలి. దీనితో పాటు, రాత్రిపూట CTM దినచర్యను అనుసరించాలి. రాత్రిపూట ఇది మరింత ప్రయోజనకరంగా ఉంటుంది. ఇందుకోసం రాత్రి పడుకునే ముందు ఫేస్ వాష్‌తో చర్మాన్ని శుభ్రపరుచుకుని, ఆ తర్వాత ఇంట్లోనే టోనర్‌తో టోనింగ్ చేయాలి. మీ చర్మ రకాన్ని బట్టి CTMలో ఉపయోగించే ఉత్పత్తులను కొనుగోలు చేయండి.
CTM ప్రయోజనాలు..
మీరు ప్రతిరోజూ CTM చేస్తే, మీ చర్మంపై మృతకణాలు పేరుకుపోవు. శుభ్రపరచడం వల్ల చర్మం చాలా శుభ్రంగా మారుతుంది. మీరు మీ చర్మాన్ని మెరిసేలా చేయాలనుకుంటే, CTM రొటీన్‌ను అనుసరించండి. CTMలో మాయిశ్చరైజర్‌ను అప్లై చేయడం వల్ల చర్మం హైడ్రేట్‌గా ఉంటుంది. దీని వల్ల చర్మానికి సంబంధించిన అనేక సమస్యలు దూరమవుతాయి.
