కేంద్రంలోని మోదీ ప్రభుత్వం పెద్ద మొత్తంలో ఎలక్ట్రిక్ వాహనాల పైన ప్రోత్సాహకాలు అందిస్తోంది. తాజాగా బడ్జెట్లో సైతం ఎలక్ట్రిక్ వాహనాలలో ఉపయోగించే బ్యాటరీల పైన ప్రోత్సాహకాలతో పాటు దిగుమతి సుంకం తగ్గించింది.
2030 సంవత్సరం నాటికి దేశంలో పెద్ద ఎత్తున ఎలక్ట్రిక్ కార్లు, బైకులు రోడ్లను ఆక్రమించనున్నాయి. అయితే ఎలక్ట్రిక్ వాహనాలు ఇప్పటికే మార్కెట్లో పెద్ద ఎత్తున అమ్ముడు అవుతున్నప్పటికీ, వీటిని నడిపేందుకు అతిపెద్ద చాలెంజ్ ఏదైనా ఉందంటే, అది ఎలక్ట్రిక్ ఛార్జింగ్ స్టేషన్స్ కొరత అని చెప్పవచ్చు . సాధారణంగా ఎలక్ట్రిక్ కార్లు లేదా బైకులను ఇంటి వద్ద రాత్రంతా చార్జింగ్ పెట్టవచ్చు. కానీ రోజంతా ఔట్ స్టేషన్ లో దూరప్రాంతాలకు ప్రయాణించే సమయంలో చార్జింగ్ స్టేషన్ అనేవి తప్పనిసరి. అయితే ఈ ఛార్జింగ్ స్టేషన్ల కొరత ప్రస్తుతం దేశవ్యాప్తంగా ఉంది. ముఖ్యంగా ఎలక్ట్రిక్ వాహనాల్లో దూరప్రాంతాలకు వెళుతున్నప్పుడు చార్జింగ్ స్టేషన్ ల కొరత వల్ల మీరు వెళ్లే ప్రయాణంలో చార్జింగ్ కోసం ప్రత్యేకంగా మరో గంట లేక రెండు గంటల సమయం వెచ్చించాల్సి ఉంటుంది.
ఎందుకంటే చార్జింగ్ స్టేషన్లో కొరత వల్ల కార్లు లైన్లో నిలబడాల్సిన పరిస్థితి ఏర్పడింది. దీన్నే మీరు ఒక వ్యాపార అవకాశం గా మార్చుకునే వీలుంది. ఎలాగైతే హైవేలపైన పెట్రోల్ బంకులకు డిమాండ్ ఉందో అదే విధంగా భవిష్యత్తులో ఎలక్ట్రిక్ వెహికల్ ఛార్జింగ్ స్టేషన్లకు కూడా అంతే డిమాండ్ ఉండే అవకాశం ఉంది. అయితే ఎలక్ట్రిక్ వెహికల్ ఛార్జింగ్ స్టేషన్ ఏర్పాటు అనేది ఎంతో సులభం. . చాలా తక్కువ ఖర్చుతో కూడుకున్నదని చెప్పవచ్చు. దీనివల్ల మీకు స్థిరమైన ఆదాయం కూడా లభిస్తుంది. . పెట్రోల్ బంకు ఏర్పాటుతో పోల్చి చూస్తే ఎలక్ట్రిక్ వెహికల్ ఛార్జింగ్ స్టేషన్లో నిర్వహణ ఖర్చు చాలా తక్కువ. ఎలక్ట్రిక్ వెహికల్ ఛార్జింగ్ అందించే కంపెనీలు ఏమేం ఉన్నాయో ఇప్పుడు మనం తెలుసుకుందాం అలాగే వీటికి కావలసిన పెట్టుబడి ఎంతో కూడా చూద్దాం. ప్రస్తుతం మార్కెట్లో అందుబాటులో ఉన్న టాప్ టెన్ ఎలక్ట్రిక్ వెహికిల్ చార్జింగ్ స్టేషన్ ఫ్రాంచైజీ అందించే సంస్థలు ఇవే..
1. Tata Power – పెట్టుబడి రూ.30-40 లక్షలు
2. Charzer – పెట్టుబడి రూ. 5-6 లక్షలు.
3. Delta Electronics India – రూ. 5-10 లక్షలు
4. Fortum India – పెట్టుబడి రూ. 8-10 లక్షలు
5. Charz Up – పెట్టుబడి రూ. 10-15 లక్షలు
6. Mass Tech – పెట్టుబడి రూ. 8-15 లక్షలు
7. Exicom – పెట్టుబడి రూ. 10-15 లక్షలు
8. Okaya – పెట్టుబడి రూ. 15-20 లక్షలు
9. ABB India – పెట్టుబడి రూ. 8-15 లక్షలు
10. Alpha EV – పెట్టుబడి రూ. 10-15 లక్షలు
Disclaimer: పై కథనం సమాచారం కోసం మాత్రమే , ఏ విధంగానూ పెట్టుబడి లేదా వ్యాపార సలహాగా భావించండి.
