ఇంట్లోని బాత్‌రూమ్స్, వాష్ బేసిన్, కిచెన్‌లోని సింక్ ఎప్పటికప్పుడు క్లీన్ చేసినప్పటికీ కొన్నిసార్లు అందులో నుంచి నీరు పోవు. దీనికి కారణం వాటిలోపల జిడ్డు, బ్యాక్టీరియా పేరుకుపోవడమే.
ఇలా నీరు నిల్చినప్పుడు ఎంత ఫోర్స్‌తో మనం నెట్టినా కూడా నీరు పోదు. అలాంటప్పుడు మన ఇంట్లోని ఉప్పునే డ్రెయిన్ క్లీనర్‌లా వాడొచ్చు. దీనిని ఉపయోగించిన డ్రెయిన్‌లోని జిడ్డుని బ్యాక్టీరియా, దుమ్ము ధూళి కణాలను దూరం చేయొచ్చు. అందుకోసం ఉప్పుని ఎలా వాడాలో తెలుసుకోండి.
కావాల్సిన పదార్థాలు
ఉప్పు
వేడి నీరు
ఏం చేయాలంటే
వంటల్లో వాడే ఉప్పు ఇంట్లో ఎన్నో పనులని చేస్తుంది. బాత్రూమ్, వాష్ బేసిన్, సింక్ ఎక్కడైనా నీరు నిల్చిపోతుంటే మన పనులకి ఆటంకంగా మారుతుంది. దీనికి చెక్ పెట్టేందుకు ముందుగా డ్రెయిన్ దగ్గర ఉప్పు ఎక్కువగా వేయండి. ఆ హోల్స్ నుంచి లోపలికి వెళ్లాలి. వేసిన తర్వాత కనీసం అరగంట అలానే ఉంచండి. తర్వాత వేడి వేడి నీటిని పోయండి. అంతే చాలా వరకూ సమస్య పరిష్కారమవుతుంది. డ్రెయిన్ చక్కగా క్లీన్ అయి నీరంతా వెళ్లిపోతుంది.
ఎలా పనిచేస్తుంది
ఉప్పు డ్రెయిన్ క్లీన్ చేసే పవర్‌ఫుల్ పదార్థమని చెప్పొచ్చు. ఉప్పు ద్రవత్వాన్ని పెంచుతుంది. అంతేకాకుండా, చెత్త, అవశేషాలను విచ్ఛిన్నం చేస్తుంది. ఆ తర్వాత మనం వేడి వేడి నీరు పోయగా అవన్నీ కిందికి వెళ్లిపోతాయి. ఈ నేచురల్ రెమిడీతో డ్రెయిన్ మొత్తం క్లీన్‌గా మారతుంది.
డ్రెయిన్ క్లీనింగ్ టిప్స్
సింక్, వాష్ బేసిన్‌లో నీరు నిల్చిపోవడానికి కారణం
బాత్‌రూమ్‌తో పోలిస్తే సింక్, వాష్ బేసిన్‌లో నీరు ఎక్కువగా నిలిచిపోతుంది. దీనికి కారణం బాత్‌రూమ్‌లో మనం వేడినీటిని వాడతాం. కానీ, వీటిలో వాడాం. దీంతో వ్యర్థాలన్నీ పేరుకుపోతాయి. అలా కాకుండా ఉండేందుకు కనీసం వారానికి ఓసారైనా ఉప్పు వేయకపోయినా పర్లేదు వేడినీటిని పోయండి. 15 రోజులకి ఓ సారి ఉప్పు వేసి వేడి నీటిని పోయండి. దీంతో నేచురల్‌గానే డ్రెయిన్ క్లియర్ అవుతుంది.
బాత్‌రూమ్‌లో నీరు నిల్చిపోవడానికి కారణం
మనం బాత్‌రూమ్‌ని రెగ్యులర్‌గానే క్లీన్ చేసినప్పటికీ బాత్‌రూమ్‌లో స్నానం చేస్తాం, ఇతర కార్యక్రమాలన్నీ చేస్తాం. కాబట్టి డ్రెయిన్ నుంచి నీరు త్వరగా వెళ్లదు. దీనికి కారణం మనం రెగ్యులర్‌గా వాటిని వాడినప్పుడు తలకి రాసిన నూనె, ఒంటినుండి వచ్చే జిడ్డు వంటివి డ్రెయిన్‌లో పేరుకుపోతాయి. దీంతో డ్రెయిన్ ఇరుగ్గా మారి నీరు నిలిచిపోతుంది. దీంతో ఎంత క్లీన్ చేసినా నీరు పోదు. అందుకే, నెలకి ఒకటి రెండుసార్లైనా ఇప్పుడు చెప్పిన టిప్‌ని ఫాలో అవ్వండి.
