ఈ రోజుల్లో ఉద్యోగాలు పొందాలంటే విద్యార్హతలతో పాటు స్కిల్స్ కూడా ఉండితీరాల్సిందే. ప్రభుత్వ, ప్రైవేట్ రంగాల్లో ఉద్యాగాలు పొందాలంటే కనీసం టెన్త్, ఇంటర్, డిగ్రీ, పీజీ ఉండాల్సిందే. అయితే మీరు ఎనిమిదో తరగతితో చదువు ఆపేసినా బాధపడాల్సిన పనిలేదు. ఎనిమిదో తరగతితో కూడా ప్రభుత్వ ఉద్యోగాలు పొందే అవకాశం ఉంది. ఇండియన్ నేవీ అలాంటి వారికి ఉద్యోగ అవకాశాలను కల్పిస్తోంది. భారత త్రివిధ దళాల్లో ఒకటైనా ఇండియన్ నేవీ నిరుద్యోగులకు గుడ్ న్యూస్ అందించింది. నేవీలో ఖాళీగా ఉన్న పలు ఉద్యోగాల భర్తీకి నోటిఫికేషన్ ను రిలీజ్ చేసింది.
నేవల్ డాక్‌యార్డ్‌ ముంబైలో వివిధ ట్రేడ్ లలో అప్రెంటిస్ షిప్ ట్రైనింగ్ పోస్టుల భర్తీకి నోటిఫికేషన్ విడుదలైంది. ఈ రిక్రూట్ మెంట్ ద్వారా మొత్తం 301 ఖాళీల భర్తీ చేయనున్నారు. ఈ పోస్టులకు దరఖాస్తు చేసుకునేందుకు అభ్యర్థులు 8, 10వ తరగతి, ఐటీఐ పాసైన వాళ్లు అర్హులు. అభ్యర్థులు ఆన్ లైన్ విధానంలో దరఖాస్తు చేసుకోవాల్సి ఉంటుంది. ఇప్పటికే దరఖాస్తు ప్రక్రియ ప్రారంభమైంది. అర్హత, ఆసక్తి ఉన్న అభ్యర్థులు మే 10 లోపు దరఖాస్తు చేసుకోవచ్చు. ఈ నోటిఫికేషన్ కు సంబంధించిన పూర్తి సమాచారం కోసం అభ్యర్థులు ఈ లింక్ పై క్లిక్ చేయండి.
ముఖ్యమైన సమాచారం:
పోస్టుల వివరాలు:
ఫిట్టర్-50 పోస్టులు
ఎలక్ట్రీషియన్-40 పోస్టులు
మెకానిక్-35 పోస్టులు
ఎలక్ట్రానిక్స్ మెకానిక్-26 పోస్టులు
షిప్‌రైట్‌లు (వుడ్)-18పోస్టులు
వెల్డర్లు(గ్యాస్ & ఎలక్ట్రిక్) -15 పోస్టులు
మెషినిస్ట్‌లు-13పోస్టులు
ఎంఎంటీఎం-13పోస్టులు
పైప్ ఫిట్టర్లు-13పోస్టులు
పెయింటర్లు-9 పోస్టులు
ఇన్‌స్ట్రుమెంట్ మెకానిక్‌లు-7పోస్టులు
షీట్ మెటల్ వర్కర్లు-3పోస్టులు
టైలర్లు-3పోస్టులు
ప్యాటర్న్ మేకర్లు-2పోస్టులు
ఫౌండ్రీమ్యాన్-1 పోస్టుపోస్టులు
మెకానిక్ Ref & A/C-7 పోస్టులు
విద్యార్హత:
అభ్యర్థులు 8, 10వ తరగతి, ఐటీఐ పాసైన వాళ్లు అర్హులు. ఐటీఐయేతర ట్రేడ్‌కు 8వ తరగతి ఉత్తీర్ణత తప్పనిసరి. ఫోర్జర్ హీట్ ట్రీటర్ కోసం10వ తరగతి ఉత్తీర్ణత తప్పనిసరి.
వయోపరిమితి:
అభ్యర్థుల కనీస వయస్సు 14 సంవత్సరాలు, గరిష్టంగా 18 సంవత్సరాలు ఉండాలి.
శారీరక ప్రమాణాలు:
అభ్యర్థి ఎత్తు 150 సెం.మీ కంటే తక్కువ ఉండకూడదు, బరువు 45 కిలోల కంటే తక్కువ ఉండకూడదు. అలాగే అభ్యర్థి ఛాతీ విస్తరణ తర్వాత 5 సెం.మీ కంటే తక్కువ ఉండకూడదు. అలాగే కంటి చూపు 6/6 నుండి 6/9 వరకు ఉండాలి.
ఎంపిక ప్రక్రియ:
రాత పరీక్ష, ఇంటర్వ్యూల ఆధారంగా అభ్యర్థులను ఎంపిక చేస్తారు.
దరఖాస్తు చివరి తేదీ:
10-05-2024
