బంధించేశాడు… సింహాన్ని బోనులో బంధించేశాడు… సీజ్ చేసేశాడు… ఆ సింహం పాస్పోర్ట్ తీసుకుని సీజ్ చేసేశాడు… తన దగ్గర ఆ పాస్ పోర్ట్ పెట్టుకున్నాడు…
మొత్తం మీద దర్శక ధీరుడు ఎస్ఎస్ రాజమౌళి (SS Rajamouli) కొత్త సినిమా గురించి మరొక అప్డేట్ ఇచ్చాడు… ఇంతకీ ఇక్కడ సింహం ఎవరో తెలుసా? సూపర్ స్టార్ మహేష్ బాబు (Mahesh Babu)!
మహేష్ పాస్ పోర్ట్ సీజ్ చేసిన జక్కన్న!
టాలీవుడ్ మోస్ట్ హ్యాండ్సమ్ హీరో, సూపర్ స్టార్ మహేష్ బాబు కథానాయకుడిగా జక్కన్న రాజమౌళి పాన్ వరల్డ్ సినిమా చేస్తున్న సంగతి తెలిసిందే. కొత్త ఏడాది ప్రారంభంలో పూజా కార్యక్రమాలతో లాంఛనంగా ప్రారంభించారు. అఫ్ కోర్స్… పూజ ఫోటోలు గాని, వీడియోలు గాని బయటకు రానివ్వలేదు అనుకోండి. పూజ కంటే ఎన్నో రోజుల ముందు ప్రీ ప్రొడక్షన్ వర్క్ మొదలు పెట్టారు. లేటెస్ట్ అప్డేట్ ఏమిటంటే… షూటింగ్ షురూ చేయడానికి జక్కన్న రెడీ అయ్యారు.
రాజమౌళి శుక్రవారం రాత్రి సోషల్ మీడియాలో ఒక వీడియో షేర్ చేశారు. అందులో సింహాన్ని బోనులో బంధించినట్టు ఉంది. అలాగే ఒక పాస్ పోర్ట్ చూపిస్తూ ఫోటోకు పోజ్ ఇచ్చారు. మీకు గుర్తు ఉందా? గతంలో అదే సింహం ఫోటో షేర్ చేసిన రాజమౌళి… ఆ సింహం మీద మహేష్ బాబును ట్యాగ్ చేశారు. ఇప్పుడు ఆ సింహాన్ని బోనులో లాక్ చేసినట్లు అర్థం వచ్చేలా వీడియో షేర్ చేశారు.