ప్రపంచంలోనే భారత్ మూడో అతిపెద్ద ఆటోమొబైల్ మార్కెట్. దేశంలో కార్ల పరిశ్రమ రోజు రోజుకు పెరుగుతుంది. మన దేశంలో మధ్య తరగతి జనాభా ఎక్కువగా నివసిస్తున్నారు. దీంతో వాళ్లను టార్గెట్ చేసి ఆటోమొబైల్ కంపెనీలు కార్లు తయారు చేస్తున్నాయి. సొంత కారు కొనుగోలు చేయాలని చాలామంది కలలు కంటారు. మధ్య తరగతి ప్రజలు వారి బడ్జెట్ కు తగ్గట్లు తక్కువ ధరలో ఎక్కువ ఫీచర్లు ఉన్న వాటిని సెలక్ట్ చేసుకుంటారు.
వారి ఆసక్తిని గమనించిన కంపెనీలు అనేక మోడల్స్ ను మార్కెట్లోకి విడుదల చేశాయి. దీంతో వారు ఏ కారు కొనాలో తెలియక అయోమయంలో ఉన్నారు. అంటి వాటిలో మారుతి సుజుకి ఎర్టిగా, టాటా నెక్సాన్, మారుతి స్విఫ్ట్, మారుతి సుజుకి డిజైర్, స్కోడా కలోస్, టాటా పంచ్, కియా సైరస్ వంటి రూ.10 లక్షల లోపు అనేక కార్లు ఉన్నాయి. ఆ కార్లలో ఉన్న ఫీచర్ల గురించి వివరంగా తెలుసుకుందాం.
మారుతి సుజుకి ఎర్టిగా: ఇది ఒక పాపులర్ ఎంపీవీ, దీని ధర రూ. 8.84 లక్షల నుంచి రూ. 13.13 లక్షల (ఎక్స్-షోరూమ్) మధ్య ఉంటుంది. ఈ కారులో 1.5-లీటర్ పెట్రోల్, సీఎన్జీ ఇంజన్ ఆప్షన్ ఉంది.ఈ కారు లీటరుకు 20.51 నుంచి 26.11కి.మీ వరకు మైలేజీని అందిస్తుంది. ఇది 7-సీట్ల సీటింగ్ కెపాసిటీ, 7-ఇంచుల టచ్‌స్క్రీన్ ఇన్ఫోటైన్‌మెంట్ సిస్టమ్‌తో సహా వివిధ లేటెస్ట్ ఫీచర్లను కలిగి ఉంది.
టాటా నెక్సాన్: టాటా నెక్సాన్ ఎస్ యూవీ ధర రూ. 8 లక్షల నుంచి రూ. 15.60 లక్షల(ఎక్స్-షోరూమ్) మధ్య ఉంటుంది. ఇది పెట్రోల్, డీజిల్, సీఎన్జీ ఇంజిన్లలో లభిస్తుంది. ఈ మోడల్ లీటరుకు 17.01 నుంచి 24కి.మీ. వరకు మైలేజీని అందిస్తుంది. ఇందులో కూడా ఐదుగురు సులభంగా ప్రయాణించవచ్చు. దీనిలో ఇన్ఫోటైన్‌మెంట్ సిస్టమ్, ఆటో AC, వైర్‌లెస్ ఛార్జింగ్ వంటి అనేక ఫీచర్లను అందించారు.
మారుతి సుజుకి స్విఫ్ట్: ఇది ఒక హ్యాచ్‌బ్యాక్ మోడల్. దీని ప్రారంభ ధర రూ.6.49 లక్షలు, టాప్ ఎండ్ మోడల్ ధర రూ. 9.64 లక్షలు (ఎక్స్-షోరూమ్). 1.2-లీటర్ 3-సిలిండర్ Z సిరీస్‌లో పెట్రోల్, సీఎన్జీ ఆఫ్షన్లు ఉన్నాయి. ఇది లీటరుకు 24.8 నుంచి 32.85కి.మీ వరకు మైలేజీని అందిస్తుంది. 9-ఇంచుల ఇన్ఫోటైన్‌మెంట్ సిస్టమ్‌తో సహా వివిధ ఫీచర్లను కలిగి ఉంటుంది.
మారుతి సుజుకి డిజైర్: ఈ సెడాన్ ధర రూ. 6.84 లక్షల నుంచి రూ. 10.19 లక్షల (ఎక్స్-షోరూమ్) మధ్య ఉంటుంది. 1.2-లీటర్ పెట్రోల్, సీఎన్జీ ఇంజిన్ తో వస్తుంది.ఇది లీటరుకు 24.79 నుంచి 33.73కి.మీ.వరకు మైలేజీని అందిస్తుంది. టచ్‌స్క్రీన్ ఇన్ఫోటైన్‌మెంట్ సిస్టమ్, ఆటో AC వంటి అనేక ఫీచర్లు ఉన్నాయి.సేఫ్టీ కోసం ఇందులో ఆరు ఎయిర్ బ్యాగులు ఉన్నాయి.
స్కోడా కైలాక్: ఇది ఒక పాపులర్ SUV. దీని బేసిక్ మోడల్ ధర రూ. 7.89 లక్షలు, టాప్ ఎండ్ ధర రూ. 14.40 లక్షలు (ఎక్స్-షోరూమ్). 1.0-లీటర్. దీనికి పెట్రోల్ ఇంజిన్ ఆఫ్షన్ ఉంది. ఇది లీటరుకు 15 నుండి 18 కిలోమీటర్ల మైలేజీని అందిస్తుంది. ఇది టచ్‌స్క్రీన్ ఇన్ఫోటైన్‌మెంట్ సిస్టమ్, డిజిటల్ ఇన్స్ట్రుమెంట్ క్లస్టర్‌తో సహా వివిధ ఫీచర్లను కలిగి ఉంది.
టాటా పంచ్: ఇది మైక్రో SUVగా మార్కెట్లో అత్యంత పాపులర్ మోడల్. దీని ధరలు రూ. 6లక్షల నుండి రూ. 10.32 లక్షల వరకు (ఎక్స్-షోరూమ్) ఉన్నాయి. 1.2-లీటర్ 3-సిలిండర్లు పెట్రోల్, సీఎన్జీ ఇంజిన్ను కలిగి ఉంటుంది. ఇది లీటరుకు 18.8 నుంచి 26.99కి.మీ వరకు మైలేజీని అందిస్తుంది. ఐదుగురు సులభంగా ప్రయాణించవచ్చు. ఇది 10.25ఇంచుల టచ్‌స్క్రీన్ ఇన్ఫోటైన్‌మెంట్ సిస్టమ్, బ్యాక్AC వెంట్స్ వంటి అనేక ఫీచర్లను కలిగి ఉంది.
కియా సైరోస్: ఈ SUV ధర రూ. 8.99 లక్షల నుంచి రూ.17.80 లక్షల (ఎక్స్-షోరూమ్)మధ్య ఉంటుంది. 1-లీటర్ ఇంజిన్ ఇచ్చారు. టర్బో పెట్రోల్ & 1.5-లీ. దీనికి డీజిల్ ఇంజిన్ ఆఫ్షన్ ఉంది. ఇది లీటరుకు 17.65 నుండి 20.75కి.మీ మైలేజీని అందిస్తుంది. ఇందులో ఇన్ఫోటైన్‌మెంట్ సిస్టమ్, డ్రైవర్ డిస్ప్లే కోసం డ్యూయల్ స్క్రీన్ సెటప్‌తో సహా అనేక ఫీచర్లు ఉన్నాయి.
మహీంద్రా XUV 3XO: ఇది ఒక SUV. దీని ధర రూ.8లక్షల నుంచి రూ.15.56 లక్షల (ఎక్స్-షోరూమ్) వరకు లభిస్తుంది. 1.2-లీటర్ ఇంజిన్ కలిగి ఉంటుంది. TGDI టర్బో పెట్రోల్, 1.5-లీటర్ కలిగి ఉంటుంది. ఇది డీజిల్ ఇంజిన్ను కలిగి ఉంది. లీటరుకు 17.96 నుంచి 21.2కి.మీ మైలేజీని అందిస్తుంది. ఇది ఇన్ఫోటైన్‌మెంట్ సిస్టమ్ కోసం డ్యూయల్ డిస్ప్లే & ఇన్స్ట్రుమెంట్ క్లస్టర్ వంటి వివిధ ఫీచర్లను కలిగి ఉంది.
హ్యుందాయ్ వెన్యూ: ఈ SUV ప్రారంభ ధర రూ.7.94 లక్షల నుంచి రూ.13.62 లక్షల (ఎక్స్-షోరూమ్) మధ్య ఉంటుంది. 1.0 లీ. టర్బో పెట్రోల్ , 1.5 లీ. డీజిల్ ఇంజిన్ ఆఫ్షన్ ఉంది. ఇది లీటరుకు 24.2కి.మీ వరకు మైలేజీని అందిస్తుంది. ఇది 5సీట్ల ఆఫ్షన్ ఉంటుంది. కాబట్టి ప్రయాణీకులు సౌకర్యవంతంగా కూర్చుని ప్రయాణించవచ్చు.
హ్యుందాయ్ ఐ20: ఇది ప్రీమియం హ్యాచ్‌బ్యాక్. ధరలు కనీసం రూ.7.04 లక్షల నుండి రూ. 11.25 లక్షల వరకు (ఎక్స్-షోరూమ్) ఉంటాయి. 1.2-లీటర్. దీనికి పెట్రోల్ ఇంజన్ ఉంది. లీటరుకు 16 నుండి 20 కి.మీ.మైలేజీని ఇస్తుంది. ఇది టచ్‌స్క్రీన్ ఇన్ఫోటైన్‌మెంట్ సిస్టమ్ (10.25-ఇంచులు), సెమీ-డిజిటల్ ఇన్స్ట్రుమెంట్ క్లస్టర్‌తో సహా వివిధ ఫీచర్లతో వస్తుంది.
రెనాల్ట్ క్విడ్: ఈ కారు ధర రూ. 4.70 లక్షల నుండి రూ. 6.45 లక్షల (ఎక్స్-షోరూమ్) మధ్య ఉంటుంది. 1-లీటర్. ఇది పెట్రోల్‌తో లభిస్తుంది. లీటరుకు 21.46 నుండి 22.3కి.మీ మైలేజీని అందిస్తుంది. ఇది టచ్‌స్క్రీన్ ఇన్ఫోటైన్‌మెంట్ సిస్టమ్, కీలెస్ ఎంట్రీ, 4-వీల్ డ్రైవ్ పవర్ విండోస్ వంటి అనేక ఫీచర్లను అందిస్తున్నారు. ఇందులో కూడా ఐదుగురు ప్రయాణించవచ్చు.
మారుతి సుజుకి వ్యాగన్ఆర్: ఇది ఆటోమొబైల్ మార్కెట్లో అత్యధికంగా అమ్ముడైన హ్యాచ్‌బ్యాక్. దీని కనిష్ట ధర రూ. 5.64 లక్షలు, గరిష్ట ధర రూ. 7.47 లక్షలు (ఎక్స్-షోరూమ్). 1-లీటర్. పెట్రోల్, 1.2-లీటర్ ఇంజిన్ తో వస్తుంది. ఇది పెట్రోల్, CNG వెర్షన్లలో లభిస్తుంది.లీటరుకు 23.56 నుండి 34.05కి.మీ మైలేజీని అందిస్తుంది. ఇది టచ్‌స్క్రీన్ ఇన్ఫోటైన్‌మెంట్ డిస్ప్లే, 4-స్పీకర్ మ్యూజిక్ సిస్టమ్, స్టీరింగ్-మౌంటెడ్ ఆడియో వంటి వివిధ ఫీచర్లను అందిస్తుంది.
