Vastu Tips: కొత్త వాహనం కొనే ముందు ఈ వాస్తు నియమాన్ని గుర్తుంచుకోండి..

కొత్త వాహనం కొనడం ప్రతి ఒక్కరికీ ఒక పెద్ద కల. మీరు కొత్త వాహనాన్ని కొనుగోలు చేయాలనుకుంటున్నారా..? ఇదే సరైన సమయం అని భావిస్తున్నారా..? మీరు ఏదైనా కొత్త వాహనం కొనుగోలు చేస్తున్నట్లయితే, ప్రత్యేక శ్రద్ధ వహించాల్సిన కొన్ని అంశాలు ఉన్నాయి.
మీరు కొత్త వాహనం కొనుగోలు చేసే ముందు కొన్ని ప్రత్యేక వాస్తు నియమాలను పాటిస్తే, మీ జీవితంలో ఆనందం ఉంటుంది. మీరు దానిని పాటించకపోతే భవిష్యత్తులో అనేక సమస్యలు తలెత్తుతాయి. కొత్త వాహనాన్ని కొనుగోలు చేసేటప్పుడు వాస్తు నియమాలను అనుసరించడం వలన కొత్త వాహనానికి ఎల్లప్పుడూ మంచి ఫలితాలు ఉంటాయి. మీ కోసం కొత్త వాహనాన్ని కొనుగోలు చేసే ముందు, మీ వాహనానికి సంబంధించి సానుకూల, సామరస్య వాతావరణాన్ని సృష్టించడంలో మీకు సహాయపడే కొన్ని వాస్తు పరిష్కారాలు ఉన్నాయి. కొత్త వాహనం కొనుగోలు చేసే ముందు మీరు గుర్తుంచుకోవలసిన ముఖ్య విషయాలు తెలుసుకుందాం…

మీరు కొత్త వాహనం కొంటే టైమింగ్ విషయంలో ప్రత్యేక శ్రద్ధ తీసుకోండి. శుభముహూర్తమైన రోజు మాత్రమే కొత్త వాహనం కొనుగోలు చేయాలి. మీరు ఏదైనా నెల పౌర్ణమి నాడు లేదా పౌర్ణమికి 10 రోజుల ముందు లేదా 10 రోజుల తర్వాత ఏదైనా శుభ దినాన కొత్త వాహనాన్ని కొనుగోలు చేయాలి. పౌర్ణమి తర్వాత 11వ రోజు నుండి 15వ రోజు వరకు వాహనం కొనడం మానుకోండి. ఏ నెలలోనైనా శనివారం కొత్త వాహనాన్ని కొనుగోలు చేయవద్దు. అలాగే, అమావాస్య రోజున,చంద్రుడు ఆరు, అష్టమ లేదా పన్నెండవ ఇంట్లో ఉన్నప్పుడు వాహనం కొనుగోలు చేయవద్దు.

రంగు మీ వ్యక్తిగత ఎంపిక అయినప్పటికీ వాస్తు ప్రకారం, కొన్ని రంగులు మరింత పవిత్రమైనవిగా పరిగణించబడతాయి. తెలుపు, వెండి, ఇతర లేత రంగులు సాధారణంగా వాహనాలకు శుభప్రదంగా పరిగణించబడతాయి. ఎందుకంటే అవి సానుకూలత, స్వచ్ఛతకు చిహ్నంగా భావిస్తారు. అంతేకాకుండా, మీరు మీ అదృష్ట సంఖ్య, మీ పుట్టిన తేదీ ప్రకారం శుభప్రదమైన ప్రతి రంగు, వాహనాన్ని కొనుగోలు చేయవచ్చు. ఉదాహరణకు మీ రాశిచక్రం మేషం అయితే, మీరు ఎరుపు లేదా మెరూన్ రంగు వాహనాన్ని ఎంచుకోవాలి.
మీ వాహనం కోసం మంచి పార్కింగ్ స్థలాన్ని ఎంచుకోండి. ఈ స్థలం బాగా గాలి వెలుతురు వచ్చేలా, సులువుగా లోపలకు వెళ్లి బయటకు వచ్చేలా ఉండాలని గుర్తుంచుకోండి. శుభ్రమైన, క్రమమైన పార్కింగ్ స్థలం సానుకూలతను ఇస్తుంది. మీరు కొత్త వాహనాన్ని ప్రతికూల ప్రదేశంలో ఉంచినట్లయితే, ప్రతికూల శక్తి కూడా దానిలోకి రావచ్చు. అది మీకు మంచిది కాదు.

Related News

మీకు ఎంపిక ఉంటే, సాధారణంగా మీ వాహనాన్ని వాయువ్య దిశలో పార్క్ చేయమని సలహా ఇస్తారు. ఈ దిశ గాలి మూలకానికి చెందినది. అన్ని వాహనాలకు అనుకూలంగా పరిగణించబడుతుంది. మీ వాహనాన్ని ఎక్కువగా నీడలో లేదా చెట్లకింద ఉండే ప్రదేశాలలో పార్కింగ్ చేయడం మానుకోండి. మంచి వెలుతురు, బహిరంగ ప్రదేశంలో పార్కింగ్ ఉత్తమంగా పరిగణించబడుతుంది. ఎందుకంటే ఇది సానుకూల శక్తిని ప్రోత్సహిస్తుంది. మీ ఇంటిని శుభ్రంగా, వాస్తు ప్రకారం క్రమబద్ధంగా ఉంచుకోవడం ఎంత ముఖ్యమో, మీ వాహనం విషయంలో కూడా అదే వర్తిస్తుంది. వాహనాన్ని క్రమం తప్పకుండా శుభ్రపరచడం, నిర్వహించడం దాని జీవితాన్ని పొడిగించడమే కాకుండా దాని చుట్టూ సానుకూల వాతావరణాన్ని నిర్వహించడానికి సహాయపడుతుంది.

Related News