కొత్త స్మార్ట్ఫోన్ కొనాలని చూస్తున్నారా? అయితే ఇది మీకోసమే! ఇండియాలో తాజాగా లాంచ్ అయిన రియల్మీ 13 సిరీస్ స్మార్ట్ఫోన్స్, వాటి ఫీచర్స్- ధరల వివరాలను ఇక్కడ తెలుసుకోండి..
రియల్మీ 13+ 5జీ, రియల్మీ 13 5జీ స్మార్ట్ఫోన్స్తో కూడిన కొత్త రియల్మీ 13 5జీ సిరీస్ భారత్లో లాంచ్ అయ్యింది. తాజా రియల్మీ 13 సిరీస్లో ఆకట్టుకునే బ్యాటరీ, కెమెరా, డిస్ప్లే, అప్గ్రేడ్స్ ఉన్నాయి. కొత్తగా లాంచ్ చేసిన ఈ స్మార్ట్ఫోన్ల స్పెసిఫికేషన్లు, ధరల వివరాలను ఇక్కడ తెలుసుకోండి..
రియల్ మీ 13 సిరీస్..
రియల్మీ 13+ 5జీ స్మార్ట్ఫోన్ 6.67 ఇంచ్ అమోలెడ్ డిస్ప్లేతో పాటు 120 హెర్ట్జ్ రిఫ్రెష్ రేట్, 2000 నిట్స్ పీక్ బ్రైట్నెస్తో వస్తుంది. ఈ స్మార్ట్ఫోన్లో మీడియాటెక్ డైమెన్సిటీ 7300 చిప్సెట్ ఉంటుంది.
రియల్మీ 13 + 5జీలో 50 మెగాపిక్సెల్ సోనీ ఎల్వైటి -600 ప్రైమరీ కెమెరాతో సహా డ్యూయెల్ రేర్ కెమెరా సెటప్ ఉంది. సెల్ఫీలు, వీడియో కాల్స్ కోసం 16 మెగాపిక్సెల్ ఫ్రెంట్ కెమెరా కూడా ఉంది.
రియల్మీ 13 + 5జీ స్మార్ట్ఫోన్లో 5000 ఎంఏహెచ్ బ్యాటరీతో పాటు 80వాట్ అల్ట్రా ఛార్జ్ సపోర్ట్ ఉంది. ఈ స్మార్ట్ఫోన్ 100 ఛార్జింగ్ సైకిల్స్ని పూర్తి చేసిన తర్వాత బ్యాటరీని 80 శాతానికి పైగా ఉంచుతుంది. ఆండ్రాయిడ్ 14 ఆధారిత రియల్మీ యూఐ 5.0 ఆపరేటింగ్ సిస్టంపై ఈ స్మార్ట్ఫోన్ పనిచేయనుంది.
రియల్ మీ 13 5జీ స్పెసిఫికేషన్లు
రియల్మీ 13 5జీలో 120 హెర్ట్జ్ రిఫ్రెష్ రేట్, 580 నిట్స్ పీక్ బ్రైట్నెస్తో 6.67 ఇంచ్ ఎల్సీడీ డిస్ప్లే ఉన్నాయి.
రియల్మీ 13 5జీ డ్యూయెల్ రేర్ కెమెరా సెటప్తో వస్తుంది. ఇందులో 50 మెగాపిక్సెల్ శాంసంగ్ ఎస్5 కేజేఎన్ఎస్ ప్రైమరీ కెమెరా ఓఐఎస్, మరో 2 మెగాపిక్సెల్ కెమెరా సెన్సార్ ఉన్నాయి. సెల్ఫీలు, వీడియో కాలింగ్ కోసం 16 మెగాపిక్సెల్ ఫ్రెంట్ కెమెరాను కూడా ఇందులో అందించారు.
రియల్మీ 13 5జీ స్మార్ట్ఫోన్లో 45వాట్ అల్ట్రా ఛార్జ్ సపోర్ట్తో పాటు 5000 ఎంఏహెచ్ బ్యాటరీ ఉంది. ప్లస్ మోడల్ మాదిరిగానే ఇది కూడా 100 ఛార్జింగ్ సైకిల్స్ని పూర్తి చేసిన తర్వాత బ్యాటరీని 80 శాతానికి పైగా ఉంచుతుంది. ఆండ్రాయిడ్ 14 ఆపరేటింగ్ సిస్టం ఆధారంగా రియల్మీ యూఐ 5.0 ఆపరేటింగ్ సిస్టంపై ఈ స్మార్ట్ఫోన్ పనిచేస్తుంది.
రియల్మీ 13 5జీ సిరీస్ ధరలు..
రియల్మీ 13+ ధర:-
8జీబీ ర్యామ్- 128జీబీ స్టోరేజ్:- రూ. 22,999
8జీబీ ర్యామ్- 256 జీబీ స్టోరేజ్:- రూ. 24,999
12జీబీ ర్యామ్- 256జీబీ స్టోరేజ్:- రూ. 26,999
కలర్ ఆప్షన్స్:- విక్టరీ గోల్డ్, స్పీడ్ గ్రీన్, డార్క్ పర్పుల్.
రియల్మీ 13 ధర:-
8జీబీ ర్యామ్- 128జీబీ స్టోరేజ్:- రూ. 17,999
8జీబీ ర్యామ్- 256 జీబీ స్టోరేజ్:- రూ. 19,999
కలర్ ఆప్షన్స్:- స్పీడ్ గ్రీన్, డార్క్ పర్పుల్.
సెప్టెంబర్6 నుంచి రియల్మీ వెబ్ సైట్, ఫ్లిప్కార్ట్, ఇతర స్టోర్లలో తాజా రియల్మీ 13 5జీ సిరీస్ స్మార్ట్ఫోన్లను కొనుగోలు చేయవచ్చు.
