చైనాకు చెందిన స్మార్ట్‌ ఫోన్ దిగ్గజం ఐక్యూ 13 ఫోన్‌ను భారత మార్కెట్లోకి కూడా లాంచ్‌ చేసేందుకు సిద్ధమవుతోంది. డిసెంబర్‌లో భారత మార్కెట్లోకి ఈ ఫోన్‌ను తీసుకొచ్చేందుకు సన్నాహాలు చేస్తున్నారు.
ఈ విషయాన్ని కంపెనీ అధికారికంగా ప్రకటించింది.
ఐక్యూ ఇండియా ఈ విషయాన్ని సోషల్‌ మీడియా ప్లాట్‌ఫామ్‌ ఎక్స్‌ వేదికగా ప్రకటించారు. అయితే డిసెంబర్‌లో కరెక్ట్‌గా ఏ తేదీన తీసుకొస్తున్నారన్నదానిపై మాత్రం ఇంకా ఎలాంటి స్పష్టత ఇవ్వలేదు. ఈ ఫోన్ స్నాప్‌డ్రాగన్‌ 8 ఎలైట్‌ చిప్‌సెప్‌ ప్రాసెసర్‌తో పనిచేస్తుంది.
ఇక ఈ ఫోన్‌లో క్యూ2 సూపర్‌ గేమింగ్ చిప్‌ను అందించారు. ఇక ఈ స్మార్ట్‌ ఫోన్‌లో 2కే రిజల్యూషన్‌, 144 హెచ్‌జెడ్‌ రిఫ్రెష్‌ రేట్‌ స్క్రీన్‌ను అందించారు. చైనాలో ఈ ఫోన్ వైట్, గ్రీన్, బ్లాక్, గ్రే కలర్స్‌లో తీసుకొచ్చారు.
అయితే భారత్‌లో ఈ ఫోన్‌ను వైట్ లెజెండ్ ఎడిషన్, గ్రే షేడ్స్‌లో తీసుకొచ్చే అవకాశం ఉంటుందని తెలుస్తోంది. ఇక ఈ ఫోన్‌లో 6.82 ఇంచెస్‌తో కూడిన స్క్రీన్‌ను ఇవ్వనున్నారు. 4500 నిట్స్‌ పీక్‌ బ్రైట్‌నెస్‌ ఈ స్క్రీన్‌ సొంతం.
ఈ స్మార్ట్‌ ఫోన్ ఆండ్రాయిడ్ 14 ఆపరేటింగ్ సిస్టమ్‌తో పనిచేస్తుంది. కెమెరా విషయానికొస్తే ఈ స్మార్ట్‌ ఫోన్‌లో 50 మెగాపిక్సెల్స్‌తో కూడిన రెయిర్‌ కెమెరాను అందించారు. అలాగే సెల్ఫీలు, వీడియో కాల్స్‌ కోసం 50 ఎంపీతో కూడిన ఫ్రంట్‌ కెమెరాను అందించారు. సెక్యూరిటీ కోసం ఇందులో అల్ట్రాసోనిక్ ఇన్-డిస్ప్లే ఫింగర్ ప్రింట్ స్కానర్‌ను అందించారు.
