తెలంగాణ రాష్ట్రంలోని విద్యా సంస్థల్లో 2025-26 విద్యా సంవత్సరానికి సంబంధించి పలు కోర్సుల్లో ప్రవేశాలకు సంబంధించి నిర్వహించనున్న ఉమ్మడి ప్రవేశ పరీక్షల షెడ్యూల్ ను ఉన్నత విద్యా మండలి విడుదల చేసింది. దీని ద్వారా ఈ ఏడాది నిర్వహించనున్న ఈఏపీసెట్ తోపాటు ఐసెట్, లాసెట్, పీజీఎల్ సెట్, పీజీఈసెట్ వంటి కీలక పరీక్షల తేదీలు వెల్లడించింది..
హైదరాబాద్, జనవరి 15: తెలంగాణలో నిర్వహించనున్న వివిధ ప్రవేశ పరీక్షల తేదీలను ఉన్నత విద్యా మండలి ప్రకటించింది. ఏప్రిల్‌ 29 నుంచి ఈఏపీసెట్ జరగనుంది. ఏప్రిల్‌ 29, 30 తేదీల్లో ఈఏపీసెట్ (అగ్రికల్చర్‌, ఫార్మసీ) పరీక్షలు జరగనున్నాయి. మే 2 నుంచి 5 వరకు ఈఏపీసెట్ (ఇంజినీరింగ్‌) పరీక్షలను నిర్వహించనున్నారు. ఇక మే 12న ఈసెట్, జూన్ 1న ఎడ్‌సెట్‌, జూన్ 6న లాసెట్, పీజీఎల్ సెట్, జూన్ 8, 9 తేదీల్లో ఐసెట్, జూన్ 16 నుంచి 19 వరకు పీజీఈసెట్ పరీక్షలు జరగనున్నాయి. ఈ మేరకు ప్రవేశ పరీక్షల తేదీలను ఉన్నత విద్యా మండలి విడుదల చేసింది.
Beta feature
