పీఎఫ్ డబ్బును ఇప్పుడు యూపీఐ ద్వారా విత్‌డ్రా చేసుకోవచ్చు

గతంలో ఆన్లైన్ పద్ధతిలోనే ప్రావిడెంట్ ఫండ్ డబ్బులు తీసుకునే అవకాశం ఉన్నప్పటికీ, సిస్టం లో ఉన్నటువంటి సంక్లిష్టతల కారణంగా చాలా కాలం పట్టేది. కొన్నిసార్లు మీ రిక్వెస్ట్ రిజెక్ట్ కూడా అయ్యేది. ఇటీవల 3.0 కింద ఈపీఎఫ్ఓ తీసుకున్న నిర్ణయాల్లో ముఖ్యంగా ఆన్లైన్ పద్ధతిలో ప్రావిడెంట్ ఫండ్ డబ్బులను విత్ డ్రా చేసుకునే విధానంలో అనేక మార్పులు తీసుకొని వచ్చారు. ప్రధానంగా ఏటీఎం ద్వారా కానీ, యూపీఐ ద్వారా కానీ డబ్బులు విత్ డ్రా చేసుకునే అవకాశం లభిస్తుంది. ప్రస్తుతం యూపీఐ, ఏటీఎం ద్వారా పీఎఫ్ డబ్బులను విత్ డ్రా చేసుకునేందుకు ఈపీఎఫ్ త్వరలోనే కసరత్తు ప్రారంభించనుంది. సాధారణంగా పీఎఫ్ డబ్బులు కొన్ని ప్రత్యేకమైన పరిస్థితుల్లో మాత్రమే ఉపసంహరించుకునే అవకాశం కల్పిస్తారు. >> వివాహం కోసం మీ పీఎఫ్ డబ్బును ఉపసంహరించుకోవచ్చు.వివాహ ఖర్చుల క ోసం మీ కాంట్రిబ్యూషన్ తోపాటు వడ్డీతో సహా గరిష్టంగా 50 శాతం ఉపసంహరించుకోవచ్చు. మీరు ఈ సౌకర్యాన్ని గరిష్టంగా మూడు సార్లు పొందవచ్చు.>> ఇల్లు కొనడానికి/నిర్మించడానికి:దీనికోసం మీరు 36 నెలల బేసిక జీతం + DA లేదా మొత్తం డిపాజిట్ లేదా మొత్తం ఖర్చు – ఏది తక్కువైతే అది ఉపసంహరించుకునే అవకాశం ఉంది. >> విద్య కోసం PF ఉపసంహరణ:గరిష్టంగా 50 శాతం తీసుకోవచ్చు.>> పదవీ విరమణకు ఒక సంవత్సరం ముందు తీసుకోవచ్చు.మీరు EPF డబ్బులో 90 శాతం వరకు ఉపసంహరించుకోవచ్చు. >> వైద్య చికిత్స కోసం గరిష్టంగా 6 నెలల మూల జీతం + DA లేదా మీ EPF బ్యాలెన్స్ – ఏది తక్కువైతే అది ఉపసంహరించుకోవచ్చు. >> నిరుద్యోగం ఉంటే మీరు PF డబ్బులు విత్‌డ్రా చేసుకోవచ్చు.ఒక కంపెనీ 15 రోజులకు పైగా మూసివేసి, ఉద్యోగులకు జీతం రాకపోతే, ఉద్యోగులు తమ వాటా డబ్బును వడ్డీతో సహా ఉపసంహరించుకోవచ్చు. >> ఉద్యోగం నుండి తొలగింపుపై ఉపసంహరణ:ఒక కంపెనీ తన ఉద్యోగులలో ఒకరిని తొలగించి, అతను కోర్టులో కేసుతో పోరాడుతుంటే, ఆ ఉద్యోగి తన EPF డబ్బులో 50 శాతం వరకు ఉపసంహరించుకోవచ్చు. ప్రస్తుతం ఈపీఎఫ్ఓ ఇంకా యూపీఐ ద్వారా పీఎఫ్ డబ్బుల ఉపసంహరణ ప్రారంభించలేదు. దీనికి సంబంధించిన ప్రాసెస్ అతిత్వరలోనే ఈపీఎఫ్ఓ ప్రవేశపెట్టనుంది.