కన్నప్ప రిలీజ్ కు ముందు మంచు ఫ్యామిలీ కి షాక్ తగిలింది. నటుడు మంచు విష్ణు మాదాపూర్ ఆఫీసులో ఆకస్మికంగా జీఎస్టీ అధికారులు దాడులు నిర్వహించారు. దాదాపు 250 కోట్ల బడ్జెట్ తో నిర్మించిన కన్నప్ప సినిమాకు సంబంధించిన జీఎస్టీ చెల్లించారా లేదా అని చెక్ చేయడానికే ఈ దాడుల వెనుక ఉన్న కారణం గా తెలుస్తుంది.
ఆ సినిమాకి సంబందించిన చెల్లింపులు, వ్యయాలకు అలాగే వ్యాపారానికి సంబంధించి లెక్కలు వెరిఫై చేస్తున్నారు అని తెలుస్తుంది. ఏమైనా పన్ను చెల్లింపుల్లో ఎగవేతకు పాల్పడ్డారా అని ఆరా తీస్తున్నారు.
ఈ నెల 27 కి ఈ సినిమా రిలీజ్ ఉండగా ఇలా జరగడంతో మంచు విష్ణు మీడియా కు క్లారిటీ ఇచ్చారు..తనకు కూడా సమాచారం లేదు అని మీడియా ద్వారా తెలిసింది అని అప్పులు చేసి ఈ సినిమా నిర్మించాను అని అన్ని లెక్కలు కచ్చితం గా ఉన్నాయని స్టేట్మెంట్ ఇచ్చారు..అయితే అప్పులు చేసి సినిమా చేసాం అని చెప్పటం తో అసలు మంచు ఫ్యామిలీ కి ఉన్న ఆస్తులు ఎంత అని ఒక చర్చ మొదలైంది…
500 సినిమాలకు పైగానే నటించిన మంచు మోహన్ బాబు బాగానే ఆస్తులు కూడగట్టాడు. గుడ్ రిటర్న్స్ వెబ్సైటు వారి కధనం ప్రకారం మోహన్ బాబు ఆస్తుల విలువ దాదాపు 589 కోట్లు, అయితే తన ఆస్తుల్లో అత్యంత ఎక్కువ విలువైంది తిరుపతి లో ఉన్న శ్రీ విద్యానికేతన్ యూనివర్సిటీ.
అయితే మోహన్ బాబు తన ఆస్తులను ముగ్గురు పిల్లలకు పంచేసారు. 24 ఫ్రేమ్స్ ఫిలిం ఫ్యాక్టరీ కూడా మంచు విష్ణు చూసుకుంటున్నాడు..అది ప్రస్తుతం నష్టాల్లో ఉన్న ఆ బ్యానర్ పైనే కన్నప్ప నిర్మాణం జరుగుతుంది.
ఇవే కాకుండా హైదరాబాద్ రంగారెడ్డి జిల్లాలో ఎన్నో ఖరీదైన భవంతులు ఉన్నాయి మోహన్ బాబు కి . జల్ పల్లి లో ఒక ఫార్మ్ హౌస్ ఉండగా మోహన్ బాబు ప్రస్తుతం అక్కడే ఉంటున్నాడు..ఇవే కాక ఫిలిం నగర కోట్ల విలువ చేసే ఒక బంగాళా ఉంది.
అంతేకాకుండా, ఐదున్నర కోట్ల విలువ చేసే రేంజర్ రోవర్ ఆటోబయోగ్రఫీ కార్ తో పాటు అనేక లగ్జరీ కార్ లు కూడా ఉన్నట్టు సమాచారం.
సినిమా నిర్మాణం లో ఫైనాన్ తీసుకోవడం అనేది చాలా మామూలు విషయం..పెద్ద నిర్మాతలు కేవలం కాంబినేషన్స్ సెట్ చేసే ఫస్ట్ క్లాప్ కొట్టగానే బిజినెస్ పూర్తిచేసి టేబుల్ ప్రాఫిట్ తీసుకున్న సందర్భాలు కోకొల్లలు. కన్నప్ప ప్రీ రిలీజ్ బిజినెస్ ఎంత జరిగింది అనేదానిపై సరైన స్పష్టత లేదు.
అయితే పాన్ ఇండియా స్టార్ ప్రభాస్ ఈ సినిమా లో భాగం కావడం అలాగే మోహన్ లాల్ లాంటి నటులు కూడా ఇందులో నటించడం తో ప్రీ రిలీజ్ బిజినెస్ బాగానే జరిగింది అని పెట్టినదానికంటే రెట్టింపు వచ్చింది అని దానితోనే ఈ దాడులు జరిగాయని ఇండస్ట్రీ సర్కిల్స్ లో గుసగుసలు వినిపిస్తున్నాయి.
