రూ.20,000 లోపు ధరలో అద్భుతమైన ఫీచర్లతో వచ్చే 5G స్మార్ట్ఫోన్ల గురించి ఇప్పుడు తెలుసుకుందాం.. CMF, OPPO, POCO, LAVA వంటి కంపెనీలకు నుంచి వచ్చిన ఫోన్లు అద్భుతమైన కెమెరా, పెద్ద బ్యాటరీ, AMOLED డిస్ప్లే వేగవంతమైన ప్రాసెసర్లను కలిగి ఉన్నాయి. వాటి గురించి తెలుసుకుందాం..
మంచి స్మార్ట్ ఫోన్ కోసం చూస్తున్నారా? అదిరిపోయే లుక్, సూపర్ స్మార్ట్ ఫీచర్స్, పైగా బడ్జెట్ ధరలో దొరికే కొన్ని ఫోన్స్ గురించి ఇప్పుడు తెలుసుకుందాం.. రూ.20,000 కంటే తక్కువ ధరలో వేగవంతమైన పనితీరు, మంచి కెమెరా, పెద్ద బ్యాటరీ, AMOLED స్క్రీన్ వంటి ఫీచర్లు ఉన్న ఫోన్లు కొన్ని ఉన్నాయి. ఈ జూలైలో ఇండియాలో రూ.20,000 లోపు ధరకు కొనుగోలు చేయగల ఉత్తమ 5G ఫోన్ల జాబితాలో CMF ఫోన్ 2 ప్రోచ మరో మూడు ఫోన్లు ఉన్నాయి. అవేంటో చూద్దాం..
CMF Phone 2 Pro.. దీని ధర కేవలం రూ.18,999. 50-మెగాపిక్సెల్ రేర్ కెమెరాతో పాటు 50-మెగాపిక్సెల్ టెలిఫోటో లెన్స్ను కలిగి ఉంది. డిస్ప్లే 6.77-అంగుళాల AMOLED ప్యానెల్. ఫోన్ మీడియాటెక్ డైమెన్సిటీ 7300 ప్రో చిప్తో వస్తోంది. 5,000mAh బ్యాటరీ, 33W ఫాస్ట్ ఛార్జింగ్ వంటి ఫీచర్లు కలిగి ఉంది. మూడు సంవత్సరాల Android అప్డేట్, ఆరు సంవత్సరాల భద్రతా ప్యాచ్లతో వస్తోంది.
LAVA AGNI 3.. ఇందులో రెండు AMOLED డిస్ప్లేలు ఉంటాయి. ముందు భాగంలో 1.5K రిజల్యూషన్, 120Hz రిఫ్రెష్ రేట్తో 6.78-అంగుళాల కర్వ్డ్ AMOLED స్క్రీన్తో వస్తుంది. వెనుక భాగంలో టైమ్, నోటిఫికేషన్స్, సెల్ఫీలను ఫ్రేమ్ చేయడానికి కూడా చిన్న 1.74-అంగుళాల AMOLED స్క్రీన్ ఉంది. ఇది డైమెన్సిటీ 7300X చిప్తో పనిచేస్తుంది. 8GB LPDDR5 RAM, 128GB UFS 3.1 స్టోరేజ్తో వస్తుంది. 5,000mAh బ్యాటరీ 66W ఫాస్ట్ ఛార్జింగ్ కలిగి ఉంది. లావా మూడు ఆండ్రాయిడ్ అప్డేట్లు, నాలుగు సంవత్సరాల గ్యారెంటీతో వస్తుంది.
OPPO K13.. మీరు మంచి బ్యాటరీ లైఫ్ కోసం చూస్తుంటే..Oppo K13 బెస్ట్ ఆప్షన్ అని చెప్పొచ్చు. ఇది 7,000mAh బ్యాటరీని కలిగి ఉంది. ఒక్కసారి ఛార్జ్ చేస్తే రెండు రోజులు ఈజీగా వాడొచ్చు. పైగా 80W ఫాస్ట్ ఛార్జింగ్తో వస్తోంది. ఫోన్ స్నాప్డ్రాగన్ 6 Gen 4 చిప్పై నడుస్తుంది. 6.67-అంగుళాల AMOLED డిస్ప్లేను కలిగి ఉంది. Android 15 ఆధారంగా ColorOS 15 తో సాఫ్ట్ సాఫ్ట్వేర్ అనుభవాన్ని కూడా అందిస్తుంది.
POCO X7.. గ్రీన్, సిల్వర్, Poco పసుపు వంటి ఆకర్షణీయమైన రంగులలో అందుబాటులో ఉన్న ఈ ఫోన్ స్టైలిష్ టూ-టోన్ డిజైన్ను కలిగి ఉంది. 8GB RAM, 256GB వరకు నిల్వతో జత చేసిన డైమెన్సిటీ 7300 అల్ట్రా చిప్సెట్తో పనిచేస్తోంది. 120Hz రిఫ్రెష్ రేట్తో 6.67-అంగుళాల కర్వ్డ్ AMOLED డిస్ప్లే కలిగి ఉంది. గేమ్స్ ఎక్కువగా ఆడే వారికి బెస్ట్ ఫోన్ అవుతుంది. 5,500mAh బ్యాటరీ, 45W ఛార్జింగ్ సపోర్ట్తో వస్తుంది. 50-మెగాపిక్సెల్ ప్రైమరీ కెమెరా కలిగి ఉంది.
