టోల్ ప్లాజాల విషయంలో ప్రభుత్వం ప్రతిరోజూ కొత్త నియమాలను రూపొందిస్తోంది ప్రభుత్వం. ఇటీవల టోల్ టాక్స్ చెల్లించడానికి ఫాస్టాగ్ రీఛార్జ్ చేసుకోవాలని తెలిపింది.
ఇప్పుడు మళ్ళీ కొత్త టోల్ వ్యవస్థ ప్రారంభమైంది. ఇది మీ ఇల్లు టోల్ ప్లాజా నుండి 20 కి.మీ పరిధిలో ఉంటే, మీరు నెలలో ఎన్నిసార్లు కావాలంటే అన్నిసార్లు వచ్చి వెళ్ళవచ్చు. ఒకసారి పాస్ తీసుకుంటే సరిపోతుంది. దీనితో మీరు పదే పదే అదనపు ఛార్జీని నివారించవచ్చు.
20 కి.మీ. పరిధిలో ఉంటే నో టోల్:
మీరు 20 కి.మీ వరకు ప్రయాణిస్తుంటే మీరు టోల్ ప్లాజా వద్ద ఎటువంటి రుసుము చెల్లించాల్సిన అవసరం లేదు. దీని కోసం మీరు ముందుగానే పాస్ తీసుకుంటే సరిపోతుంది. సెప్టెంబర్ 2024లో ప్రభుత్వం “జిత్నీ దూరి, ఉత్నా టోల్” విధానాన్ని అమలు చేయాలని నిర్ణయించింది.
ఈ నియమం ప్రకారం.. GNSS వ్యవస్థ (లొకేషన్ ట్రాకింగ్ టెక్నాలజీ)తో ట్రాక్ చేయగల వాహనాలు 20 కి.మీ వరకు ప్రయాణంలో ఎటువంటి టోల్ చెల్లించాల్సిన అవసరం లేదు. ఈ సౌకర్యాన్ని ప్రారంభించడానికి ప్రభుత్వం నేషనల్ హైవే ఫీజు రూల్స్ 2008ని సవరించింది. ఈ నియమాన్ని జూలై 2024 నుండి కొన్ని జాతీయ రహదారులపై పైలట్ ప్రాజెక్టుగా అమలు చేశారు.
340 రూపాయలకు పాస్ పొందండి.
టోల్ ప్లాజా చుట్టూ 20 కి.మీ. పరిధిలో నివసించే వారికి ఈ సౌకర్యం కల్పిస్తోంది. దీని కోసం ప్రజలు ఒక్కసారి మాత్రమే రూ.340 పాస్ పొందవలసి ఉంటుంది. ఈ పాస్తో మీరు 1 నెల పాటు మీకు కావలసినన్ని సార్లు టోల్ గేట్ దాటి వెళ్లవచ్చు.. రావచ్చు. ప్రత్యేక ఛార్జీ విధించరు. ఇందులో మీ FASTag నుండి అదనపు డబ్బు తీసివేయరు. మీరు సమయానికి పాస్ తీసుకుంటే మీరు అన్ని సమస్యలను నివారించవచ్చు. మొత్తంమీద ఇది ఒక గొప్ప అవకాశం. దీనిలో మీరు టెన్షన్ లేకుండా ప్రయాణించవచ్చు.
నెలవారీ పాస్ కోసం సమర్పించాల్సిన పత్రాలు:
- 20 కి.మీ. లోపల చిరునామాను నిరూపించే పత్రం (ఆధార్ కార్డు, ఓటరు గుర్తింపు కార్డు, విద్యుత్ బిల్లు మొదలైనవి)
- వాహన రిజిస్ట్రేషన్ సర్టిఫికేట్ (RC)
- పాస్పోర్ట్ సైజు ఫోటో (అవసరమైతే)
- చెల్లుబాటు అయ్యే FASTag అకౌంట్
- తరువాత మీరు పాస్ పొందాలనుకుంటున్న టోల్ ప్లాజా పరిపాలనా కార్యాలయానికి వెళ్లండి.
- అక్కడి నుండి స్థానిక నివాసి నెల పాస్ పొందడానికి దరఖాస్తు ఫారమ్ తీసుకోండి.
- ఫారమ్ నింపి అవసరమైన పత్రాలను జత చేయండి.
- ఫారమ్తో పాటు రూ. 340 (నగదు, కార్డ్ లేదా డిజిటల్ చెల్లింపు) రుసుము చెల్లించండి.
- టోల్ ప్లాజా అధికారులు మీ పత్రాలను, అవసరమైన సమాచారాన్ని తనిఖీ చేస్తారు.
- మీ దరఖాస్తు ఆమోదించబడిన తర్వాత మీ FASTag అప్డేట్ అవుతుంది. లేదా మీరు పాస్ భౌతిక కాపీని పొందుతారు (ప్లాజా వ్యవస్థను బట్టి ఉంటుంది).
- ఈ విధంగా ఇప్పుడు మీరు నెల మొత్తం వాహనాన్ని అపరిమిత సార్లు టోల్ నుంచి వెళ్లవచ్చు.
వాణిజ్య వాహనాలకు ఈ పాస్ వర్తించదు:
ఈ పాస్ ఒక టోల్ ప్లాజాకు మాత్రమే చెల్లుతుంది. దీనిని మరొక ప్రదేశంలో ఉపయోగించలేరు. మీరు ప్రతి నెలా అదే ప్రక్రియ, రుసుములతో దీన్ని పునరుద్ధరించాలి. మీరు మీ వాహనం లేదా చిరునామాను మార్చినట్లయితే మీ రికార్డులను అప్డేట్ చేయడానికి మీరు వెంటనే టోల్ అధికారులకు తెలియజేయాలి. టోల్ ప్లాజా నుండి 20 కిలోమీటర్ల వెలుపల నమోదు చేయబడిన వాణిజ్య వాహనాలు లేదా వాహనాలకు రూ. 340 పాస్ లభించదు. రూ.340 ఈ నెలవారీ టోల్ పాస్ టోల్ ప్లాజా సమీపంలో నివసించే వారికి చాలా ప్రయోజనకరంగా ఉంటుంది.
