దీపావళి సమీపిస్తున్న సమయంలో భారతీయ రైల్వే కేటరింగ్ అండ్ టూరిజం కార్పొరేషన్ (IRCTC) వెబ్సైట్, మొబైల్ యాప్ అక్టోబర్ 17న క్రాష్ అయింది.
సర్వర్ డౌన్ కావడంతో సేవలు తాత్కాలికంగా నిలిచిపోయాయి. దీని వలన లక్షలాది మంది ప్రయాణికులు రైలు టిక్కెట్లను బుక్ చేసుకోలేకపోయారు. సెలవుల కోసం ఇంటికి వెళ్లడానికి, ట్రావెల్ ప్లాన్ చేసుకున్న వారికి చివరి నిమిషంలో సీట్లు బుకింగ్ చేసుకోవడానికి ప్రయత్నిస్తున్న సమయంలో ఈ అంతరాయం కలిగింది.
బుకింగ్లు, తాత్కాలికంగా సేవలు రద్దు
IRCTC వెబ్సైట్లో ప్రదర్శించిన నోటిఫికేషన్ ప్రకారం.. “ ఒక గంట పాటు అన్ని బుకింగ్, రద్దు సేవలు అందుబాటులో ఉండవు.” టిక్కెట్లను రద్దు చేయాల్సిన లేదా TDR (టికెట్ డిపాజిట్ రసీదు)ని సమర్పించాల్సిన వినియోగదారులు “08044647999 లేదా 08035734999కి కాల్ చేయాలి లేదా etickets@rcte.co.inకి ఇమెయిల్ చేయండి” అని సూచించారు.
ఈ అంతరాయం దీపావళికి ముందు కీలక సమయంలో జరిగింది. ఇది ప్రయాణీకులలో తీవ్ర అసంతృప్తికి కారణమైంది. వెబ్సైట్, IRCTC రైల్ కనెక్ట్ యాప్లో లాగిన్ అవ్వలేకపోతున్నామని లేదా చెల్లింపులు చేయలేకపోతున్నామని చాలా మంది సోషల్ మీడియాలో ఫిర్యాదు చేశారు.
