అమెరికా అధ్యక్షుడు డొనాల్డ్ ట్రంప్ ఏర్పాటు చేసిన ‘శాంతి మండలి’లో చేరేందుకు ఇజ్రాయెల్ ప్రధానమంత్రి బెంజామిన్ నెతన్యాహూ అంగీకరించారు. గాజా పునర్నిర్మాణం కోసం ట్రంప్ ఈ మండలిని ఏర్పాటు చేసిన విషయం తెలిసిందే.
ఈ మండలిలో తాము చేరుతున్నామని నెతన్యాహూ పేర్కొన్నారు.మండలి కూర్పు సరిగా లేదని చెబుతూ తొలుత ఇజ్రాయెల్ ఇందులో చేరడానికి నిరాకరించింది. తాజాగా ట్రంప్ ఆహ్వానం మేరకు మండలిలో చేరుతున్నట్లు ఇజ్రాయెల్ ప్రధానమంత్రి కార్యాలయం ఒక ప్రకటనలో తెలిపింది.గాజాలో శాంతిని నెలకొల్పేందుకు ఏర్పాటు చేసిన ఈ మండలికి ట్రంప్ ఛైర్మన్గా వ్యవహరించనున్నారు. ఈ మండలిలో చేరడానికి భారత్తో సహా అనేక దేశాలకు ఆహ్వానం అందింది. యూఏఈ, మొరాకో, వియత్నాం వంటి దేశాలు మండలిలో చేరడానికి సుముఖత వ్యక్తం చేశాయి. యూకే, రష్యా, యూరోపియన్ యూనియన్ దేశాలు స్పందించాల్సి ఉంది.
