Ola Electric: ప్రపంచ మహిళా దినోత్సవం సందర్భంగా మహిళలకు అదిరే ఆఫర్ ప్రకటించింది ఓలా కంపెనీ. ఎలక్ట్రిక్ స్కూటర్లపై అదనపు డిస్కౌంట్ అందిస్తోంది. మార్చి 10 లోపు కొనుగోలు చేసిన వారికి ఈ స్పెషల్ డిస్కౌంట్ లభించనుంది. ఆఫర్ పూర్తి వివరాలు ఇప్పుడే తెలుసుకోండి.
Ola Electric: ప్రపంచ మహిళా దినోత్సవం సందర్భంగా అదనపు డిస్కౌంట్ ఆఫర్ ప్రకటించింది ప్రముఖ ఎలక్ట్రిక్ టూవీలర్ తయారీ సంస్థ ఓలా ఎలక్ట్రిక్. మహిళలకు ఈ స్పెషల్ డిస్కౌంట్ అందిస్తున్నట్లు తెలిపింది. ఆఫర్ సమయంలో కొనుగోలు చేసే మహిళా కస్టమర్లకు ప్రస్తుతం ఓలా ఎస్1 మోడళ్లపై ఉన్న తగ్గింపు పై అదనంగా మరో రూ.2000 డిస్కౌంట్ లభిస్తుందని తెలిపింది. సాధారణ డిస్కౌంట్ పై అదనంగా రూ.2 వేల తగ్గింపు పొందవచ్చని తెలిపింది. అయితే, ఈ ఆఫర్ కేవలం రెండు రోజులు మాత్రమే అందుబాటులో ఉంటుందని తెలిపింది. ఈ మేరకు ఓ ప్రకటన జారీ చేసింది.
‘మహిళలు ఫ్రంట్ సీట్ తీసుకోవాల్సిన సమయం వచ్చింది. మా ప్రత్యేక ఆఫర్లు అందుకు దోహదపడతాయి. ఈ ఆఫర్లు మార్చి 8 నుంచి 10వ తేదీ వరకు అందుబాటులో ఉంటాయి. ఈ ఆఫర్ లో ఓలా ఎస్1 ఎలక్ట్రిక్ స్కూటర్ కొనుగోలు చేసి మీ డ్రీమ్స్‌ని చేరుకోండి.’ అంటూ సోషల్ మీడియా ఎక్స్‌లో పోస్ట్ చేసింది ఓలా ఎలక్ట్రిక్ సంస్థ. ఈ ఆఫర్ అనేది ఇప్పటికే మార్చి 31 వరకు ఇస్తున్న రూ.25 వేల వరకు తగ్గింపుపై అదనమని గుర్తుంచుకోవాలి.
దేశంలోని అతిపెద్ద ఎలక్ట్రిక్ టూ వీలర్ తయారీ కంపెనీగా అవతరించిన ఓలా ఎలక్ట్రిక్ ఇటీవలే ఎస్1 స్కూటర్ల పోర్ట్ ఫోలియోలో భారీగా ధరలు తగ్గించింది. ఎంట్రీ లెవెల్ ఎస్1 ఎక్స్ ప్లస్ స్కూటర్ పై గరిష్ఠంగా రూ.25 వేల వరకు తగ్గించింది. ఓలా 3కేడబ్ల్యూహెచ్ ఎస్1 ఎక్స్ ప్లస్ ప్రస్తుతం రూ.85 వేలకే లభిస్తోంది. అలాగే ఓలా ఫ్లాగ్ షిప్ మోడల్ ఎస్1 ప్రో ప్రస్తుతం రూ. 1.30 లక్షలు (ఎక్స్ షోరూమ్ ధర) వద్ద ఉంది. గతంలో ఈ రేటు రూ.1,47, 500 గా ఉండేది. అంటే ఏకంగా రూ.17,500 మేర తగ్గింది. ఇప్పుడు వుమెన్స్ డే ఆఫర్ లో మహిళలకు అదనంగా మరో రూ.2 వేల తగ్గింపు లభిస్తోంది.
మరోవైపు.. ఎస్1 ఎయిర్ ఎలక్ట్రిక్ స్కూటర్ పై రూ.15 వేలు తగ్గించింది కంపెనీ. గతంలో రూ. 1.20 లక్షలుగా ఉన్న ఎస్1 ఎయిర్ ధర రూ.1.05 లక్షలు (ఎక్స్ షోరూమ్) కి దిగివచ్చింది. ఓలా ఎస్1 ఎక్స్ ప్లస్ పై గరిష్ఠ తగ్గింపు రూ.25 వేలుగా ఉంది. దీని ధర గతంలో రూ.1.10 లక్షలుగా ఉండగా.. ఇప్పుడు రూ.85 వేలకే లభిస్తుండడం గమనార్హం. ఈ డిస్కౌంట్ ఆఫర్ తో ఓలా సేల్స్ భారీగా పెరిగినట్లు కంపెనీ ఇటీవలే ప్రకటించింది. ఒక్క ఫిబ్రవరి నెలలోనే 30 వేలకుపైగా స్కూటర్లను విక్రయించింది. ఇప్పుడు మహిళా దినోత్సవ ఆఫర్ ప్రకటించడంతో మరింత పెరిగే అవకాశం ఉంది.
