మాజీ ముఖ్యమంత్రి కేసీఆర్ అన్న కుమారుడు కల్వకుంట్ల కన్నారావును ఆదిబట్ల పోలీసులు ఎట్టకేలకు మంగళవారం అరెస్టు చేశారు. ఆదిబట్లలోని ఓ భూ సెటిల్మెంట్‌లో తన అనుచరులతో కలిసి స్థలం వద్దకు వెళ్లి సృష్టించిన దౌర్జన్యం మీద బాధితుడు ఆదిబట్ల పోలీసులకు ఫిర్యాదు చేశారు. కేసు నమోదు చేసిన ఆదిబట్ల పోలీసులు కల్వకుంట్ల కన్నారావు పరారీలో ఉన్నాడని, అతని అనుచరులను అరెస్టు చేశారు. పరారీలో ఉన్నట్లు పోలీసులు వెల్లడించిన సమయంలోనే కన్నారావు తన న్యాయ వాది ద్వారా హై కోర్టుతో పాటు, స్థానిక కోర్టులలో బెయిల్ పిటిషన్ దాఖలు చేశారు. వాటిని న్యాయమూర్తి తిరస్కరించడంతో మంగళవారం పోలీసు లు కన్నారావును అరెస్టు చేశారు. ఆయనను రిమాండ్‌కు పంపనున్నారు. ఈ కేసులో కన్నారావుతో పాటు మరో 32 మంది మీద అభియోగాలను ఆదిబట్ల పోలీసులు నమోదు చేశారు.