Elections 2024 : పథకాల నగదును లబ్దిదారుల ఖాతాల్లో జమ చేయకుండా ఈసీ ఆదేశాలివ్వడంపై కొంత మంది లబ్దిదారులు ఏపీ హైకోర్టును ఆశ్రయించారు. ఇన్ పుట్ సబ్సిడీ నిధుల పంపిణీ నిలిపివేతపై ఏపీ హైకోర్టులో నేడు అత్యవసర పిటిషన్ దాఖలైంది. దీనిపై నేడు హైకోర్టు విచారణ చేపట్టింది. నిధుల విడుదల నిలిపివేస్తూ ఈసీ తీసుకున్న నిర్ణయాన్ని సమీక్షించాలంటూ పిటిషనర్ కోరారు. ప్రభుత్వం వినతి ఇస్తే పునఃపరిశీలన చేస్తామని ఈసీ తరఫు న్యాయవాది కోర్టుకు తెలియజేశారు. అందుకు ఏజీ స్పందిస్తూ… ప్రభుత్వం తరఫున వినతి ఇస్తామని స్పష్టం చేశారు. అనంతరం తదుపరి విచారణను హైకోర్టు ధర్మాసనం మే 9కి వాయిదా వేసింది.

తుపాను, కరవు వంటి విపత్తుల కారణంగా పంటలు నష్ట పోయిన రైతులకు ఇన్ పుట్ సబ్సిడీ, విద్యా దీవెన పథకం నిధుల విడుదలకు అనుమతించాలని ఏపీ సీఎస్ చేసిన విజ్ఞాపనలను ఈసీ తోసిపుచ్చింది. ఇవి కొత్త పథకాలు కావని, ఇప్పటికే అమల్లో ఉన్నాయని ఏపీ ప్రభుత్వం పేర్కొన్నప్పటికీ, ఎన్నికల ప్రక్రియ ముగిశాకే నిధులు విడుదల చేసుకోవాలని ఎన్నికల సంఘం తేల్చి చెప్పింది. ఈ వివాదం ఏపీ చీఫ్ ఎలక్షన్ ఆఫీసర్ ముఖేష్ కుమార్ మీనా స్పందించారు. కేంద్ర ఎన్నికల సంఘం ఎలాంటి ఆదేశాలు ఇవ్వలేదని వెల్లడించారు. పోలింగ్ ముగిసిన తరువాత ఇవ్వాలని ఆదేశించిందని పేర్కొన్నారు.

డీబీటీ విధానం ద్వారా పలు పథకాల లబ్దిదారులకు చెల్లింపులు చేసేందుకు అనుమతి ఇవ్వాలని ఏపీ ప్రభుత్వం ఈసీకి లేఖ రాసింది. ఈ పథకాలన్నీ గత ఐదేళ్ల నుంచి అమల్లో ఉన్నవేనని.. కొత్త పథకాలు కావని పేర్కొంది. అమల్లో ఉన్న సంక్షేమ పథకాలు కాబట్టి నిధుల విడుదలకు అంగీకరించాలని కోరింది. అయితే, ఎన్నికల కోడ్ నేపథ్యంలో ఏపీ ప్రభుత్వం అభ్యర్థనను ఈసీ తోసిపుచ్చింది. అయితే ఈ పథకాలకు నిధులు ఎప్పుడో ఇవ్వాల్సి ఉంది. మార్చిలోనే సీఎం జగన్ బహిరంగసభ పెట్టి బటన్లు నొక్కిన చేయూత పథకం నిధులు. ఫీజు రీఎంబర్స్ మెంట్ తో పాటు రైతులకు ఇవ్వాల్సిన ఇన్ పుట్ సబ్సిడీ కూడా జమ కావాల్సి ఉంది. కానీ ఇంత కాలం పంపిణీ చేయలేదు. ఇప్పుడు ఎన్నికలకు ముందు లబ్దిదారుల ఖాతాల్లో జమ చేస్తామని అడుగుతోంది.

ఇంకా వారం రోజుల ముందు పోలింగ్ ఉన్నందున ఇప్పుడు అత్యవసరంగా నగదు జమ చేయాల్సిన అవసరం లేదని.. అలా చేస్తే ఓటర్లను ప్రభావితం చేసినట్లు అవుతుందని విపక్షాలు అంటున్నాయి. ఇన్ని రోజులు ఆగిన ప్రభుత్వం పోలింగ్ ముగిసిన తర్వాత నిధులు అకౌంట్లలో జమ చేయవచ్చు కదా అని ప్రశ్నిస్తున్నాయి. గురువారం హైకోర్టులో జరిగే విచారణను బట్టి .. తుది నిర్ణయం తీసుకునే అవకాశం ఉంది.

మ‌రో ఆరు రోజులు. నేటి(మంగ‌ళ‌వారం) నుంచి ఈ నెల 13న పోలింగ్ జ‌రిగే నాటికి.. కేవ‌లం ఆరు రోజులు మాత్ర‌మే గ‌డువు ఉంది. ఐదేళ్ళ‌పాటు కొత్త ప్ర‌భుత్వాన్ని ఎంచుకునేందుకు.. ఏపీలో పాల‌న మార్చాలా.. లేక కొన‌సాగించాలా? అని నిర్ణ‌యించుకునేందుకు మిగిలిన స‌మ‌యం కేవ‌లం ఆరు రోజులు మాత్ర‌మే. దీనిపై ప్ర‌జ‌లు ఏమ‌నుకుంటున్నారు? ఏ పార్టీకి ఓటేయాలి? ఎవ‌రిని గ‌ద్దె నెక్కించాలని భావిస్తున్నారు.. అనేది కీల‌క అంశంగా మారింది.

ఈ కోణంలో చూసుకుంటే.. ఇప్ప‌టికే ప్ర‌ధాన పార్టీలు ప్ర‌చారాన్ని జోరుగా సాగిస్తున్నాయి. ఇదే స‌మ‌యం లో ఒక పార్టీపై మ‌రోపార్టీ పైచేయి సాధించేందుకు కూడా ప్ర‌య‌త్నం చేస్తున్నాయి. ఓవ‌ర్ టేక్ పాలిటిక్స్ కు ఇప్పుడు ఏపీ కేరాఫ్‌గా మారిపోయింది. ల్యాండ్ టైటిలింగ్ యాక్ట్ విష‌యాన్ని టీడీపీ తెర‌మీదికి తెచ్చింది. దీనివ‌ల్ల వైసీపీ అధినేత‌, సీఎం జ‌గ‌న్ ప్ర‌జ‌ల భూములు లాగేసుకుంటున్నార‌ని చెబుతోంది. ఇది ప్ర‌జ‌ల్లోకి బ‌లంగా వెళ్లింది. ముందు లైట్ తీసుకున్న వైసీపీ త‌ర్వాత‌.. అలెర్ట్ అయింది.

ఇప్పుడు ఆత్మ‌ర‌క్ష‌ణ‌లోనూ వైసీపీ నేత‌లు అల్లాడుతున్నారు. ఇదే స‌మ‌యంలో వైసీపీ మ‌రో విష‌యాన్ని తెచ్చి.. టీడీపీ కూట‌మిని డిఫెన్స్‌లో ప‌డేసింది. అదే మైనారిటీ రిజ‌ర్వేష‌న్లు. కూట‌మి అధికారంలోకి వ‌స్తే.. మైనారిటీ ముస్లింల‌కు ర‌క్ష‌ణ, రిజ‌ర్వేష‌న్ కూడా ఉండ‌బోవ‌ని వైసీపీ ప్ర‌చారం చేస్తోంది. ఇది కూట‌మిలో టీడీపీకి ఇబ్బందిగా మారింది. ఈ ప‌రిణామం నుంచి బ‌య‌ట‌కు వ‌చ్చేందుకు ఆ పార్టీ ప్ర‌య‌త్నిస్తోంది.

ఇలా.. మొత్తంగా ఏపీలో అయితే.. భిన్న‌మైన రాజ‌కీయం హ‌ల్చ‌ల్ చేస్తోంది. ఇప్ప‌టి వ‌ర‌కు వ‌చ్చిన స‌ర్వే.. ఇప్ప‌టి వ‌ర‌కు సాగిన ఒపీనియ‌న్ పోల్స్‌ను సైతం తిర‌గ‌రాసేలా.. ఈ ప్ర‌జాభిప్రాయం రాజ‌కీయాలు రెండు ఉండ‌డం గ‌మ‌నార్హం. మొత్తంగా చూస్తే. ఇప్ప‌టికీ.. ప్ర‌జ‌లు ఒక నిర్ణ‌యానికి రాలేద‌న్న‌ది నిర్వివాదాంశం. పైగా.. జ‌రుగుతున్న ప్ర‌చారంలోనూ.. వారికి అసంతృప్తి ఉంది.

కీల‌క‌మైన ప్ర‌త్యేక హోదా, క‌డ‌ప ఉక్కు, విభ‌జ‌న స‌మ‌స్య‌లు, విశాఖ ఉక్కు క‌ర్మాగారం ప్రైవేటు ప‌రం కాకుండా కాపాడుకోవ‌డం వంటివి కీల‌కం. వీటిని ఎవ‌రూ ప్ర‌స్తావించ‌డం లేదు. దీంతో ప్ర‌జ‌ల నాడి.. ఇప్ప‌టికీ ఒక‌వైపే ఏక‌ప‌క్షంగా ఉంద‌నిచెప్ప‌లేని ప‌రిస్థితి నెల‌కొంది. మ‌రో ఆరు రోజులు మాత్ర‌మే గ‌డువు ఉన్న నేప‌థ్యంలో పార్టీలు వ్య‌వ‌హ‌రించే తీరు.. పైనే ఇది ఆధార‌ప‌డి ఉంటుంది. మ‌రి ఈ ఆరు రోజుల్లో పార్టీలు.. ఆయా పార్టీల అధినేత‌లు ఏం చేస్తారో చూడాలి.

ఏపీలో ఎన్నికల ప్రచారం వాడివేడిగా సాగుతోంది. గెలుపు కోసం పార్టీలు తీవ్రంగా శ్రమిస్తున్నాయి. ముఖ్యంగా అందరి దృష్టిని ఆకర్షిస్తున్న నియోజకవర్గాల్లో పిఠాపురం ఒకటిగా ఉంది. పవన్ కళ్యాణ్ గెలుపు కోసం ఎన్డీయే కూటమి, మెగా ఫ్యామిలీ కష్టపడుతుంటే.. పవన్‌ను ఓడించే లక్ష్యంతో వైసీపీ వ్యూహలు రచిస్తోంది. ఈక్రమంలో తమ్ముడు పవన్ కళ్యాణ్ గెలుపు కోసం అన్నయ్య చిరంజీవి రంగంలోకి దిగారు. తమ్ముడిని గెలిపించాలంటూ ఓ ఎమోషనల్ వీడియోను రిలీజ్ చేశారు. దీంతో జనసైనికుల్లో ఉత్సాహం కనిపిస్తోంది. చిరంజీవి బహిరంగంగా తమ్ముడిని గెలిపించాలంటూ వీడియో రిలీజ్ చేయడంతో మెగాస్టార్ కూటమికి మద్దతు ఇస్తున్నారనే సంకేతాలు వెలువడినట్లైంది. ఇప్పటివరకు బహిరంగంగా ఎవరికి మద్దతు అనేదానిపై చిరంజీవి స్పందించలేదు. తొలిసారి తన తమ్ముడిని గెలిపించాలంటూ పిఠాపురం ఓటర్లను చిరంజీవి కోరారు.

ఎమోషనల్ వీడియో..

తన తమ్ముడు పవన్ కళ్యాణ్ గొప్పతనాన్ని వివరిస్తూ చిరంజీవి వీడియో రిలీజ్ చేశారు. అమ్మ కడుపులో ఆఖరివాడిగా పుట్టినా.. అందరికీ మంచి చేయాలి.. మేలు జరగాలి అనే విషయంలో ముందువాడిగా పవన్ కళ్యాణ్ ఉంటాడని చిరంజీవి తెలిపారు. తనకంటే జనం గురించి ఎక్కువుగా ఆలోచించే మనస్తత్వం నా తమ్ముడి కళ్యాణ్‌బాబుది అంటూ చెప్పారు. ఎవరైనా అధికారంలోకి వచ్చాక ప్రజలకు ఏదైనా చేయాలనుకుంటారని.. కానీ కళ్యాణ్ తన సొంత సంపాదనను కౌలు రైతుల కన్నీళ్లు తుడిచేందుకు ఖర్చు పెట్టారన్నారు. సరిహద్దుల దగ్గర ప్రాణాలను లెక్కచేయకుండా పోరాడే జవాన్ల కోసం పెద్ద మొత్తంలో సాయం చేయడంతో పాటు.. అనేక మందికి ఎందరికో పవన్ కళ్యాణ్ చేసిన సహాయం చూస్తుంటే ఇలాంటి నాయకుడు కదా జనానికి కావాల్సింది అనిపిస్తుందని వీడియో చిరంజీవి తెలిపారు. ఒక రకంగా చెప్పాంలటే సినిమాల్లోకి బలవంతంగా వచ్చాడని.. రాజకీయాల్లోకి ఇష్టంతో మాత్రమే వచ్చాడన్నారు.