ఏపీ సీఎం జగన్ పై రాళ్లదాడి.. ఎన్నికల కమిషన్ కీలక ఆదేశాలు

Sun, 14 Apr, 2024

ఏపీలో మేమంతా సిద్ధం పేరుతో సీఎం జగన్ బస్సు యాత్ర నిర్వహిస్తున్న విషయం తెలిసిందే. శనివారం విజయవాడలో యాత్ర కొనసాగుతుండగా గుర్తు తెలియని దుండగులు జగన్ పై శనివారం రాత్రి రాళ్లదాడి చేశారు.
ఈ దాడిలో సీఎ జగన్ కనుబొమ్మ పై గాయం అయింది. కాగా ఈ దాడిపై ఎన్నికల కమిషన్‌ స్పందించి.. ఆరా తీసింది. విజయవాడ సీపీ కాంతి రాణాకి రాష్ట్ర ఎన్నికల ప్రధానాధికారి ఫోన్ చేశారు.

ఈ ఘటనపై రేపటిలోగా నివేదిక పంపాలని.. దాడికి పాల్పడిన వారిని వెంటనే గుర్తించాలని ఆదేశించారు. కాగా ఈ దాడి జరిగిన సమయంలో పలుమార్లు పవర్ కట్ అయిందని, ఆ ప్రాంతంలో స్కూల్, వ్యాపార సముదాయాలు ఉండటంతో రాళ్లు విసిరిన వారిని గుర్తించడంలో ఆలస్యం అవుతున్నట్లు తెలుస్తోంది. ఆ ప్రాంతంలోని సీసీ టీవీ పుటేజ్‌లను క్షుణ్ణంగా పరిక్షించారు. అలాగే సీఎం జగన్ కు తగిలిన రాయిని పరిశీలించి వేలిముద్రలు సేకరించిన పోలీసులు, పలువురు అనుమానితులను విచారిస్తున్నట్లు తెలుస్తోంది.

Ration Cards : కొత్త రేషన్ కార్డుల జారీకి ప్రభుత్వం కీలక నిర్ణయం. వారికి నో రేషన్ కార్డు.!

Mannam Web

Sun, 14 Apr, 2024

Ration Cards : తెలంగాణ రాష్ట్రంలో కాంగ్రెస్ పార్టీ అందిస్తున్న 6 గ్యారంటీలను పొందాలంటే కచ్చితంగా తెల్ల రేషన్ కార్డు కలిగి ఉండాలి. గత ప్రభుత్వ హయాంలో తెల్ల రేషన్ కార్డులు మంజూరు చేయకపోవడంతో నేటికీ చాలామందికి రేషన్ కార్డు లేదు.

దీంతో చాలామంది కాంగ్రెస్ ప్రభుత్వం అందిస్తున్న సంక్షేమ పథకాలను పొందలేకపోతున్నారు. ఈ నేపథ్యంలోనే తెల్ల రేషన్ కార్డు లేని అర్హులను గుర్తించి తెల్ల రేషన్ కార్డ్ జారీ చేస్తామని కాంగ్రెస్ అధిష్టానం హామీ ఇచ్చింది. ఈ నేపథ్యంలోని అధికారుల ప్రకటన ప్రకారం తెలంగాణ రాష్ట్రంలో కొత్త రేషన్ కార్డుల జారీ ప్రక్రియ మే 15 తర్వాత నుండి ప్రారంభం కానున్నట్లు తెలుస్తోంది.

Ration Cards : వీరికి నో రేషన్ కార్డు….

ఆదాయపు పన్ను చెల్లింపుదారులకు ,ప్రభుత్వ ఉద్యోగులకు , కారు ఉన్న వారికి గృహ యజమానులు మరియు నిర్దిష్ట క్యాటగిరీలకు చెందిన వ్యక్తులకు కొత్త రేషన్ కార్డ్ ఇవ్వబడదని ప్రభుత్వం విశ్వసనీయంగా సూచించింది.

Ration Cards : కొత్త రేషన్ కార్డు ప్రక్రియ..

రాష్ట్ర ప్రభుత్వం అందించే సంక్షేమ కార్యక్రమాలకి చాలా కీలకమైనటువంటి కొత్త రేషన్ కార్డుల జారీకి తెలంగాణ రాష్ట్ర ప్రభుత్వం ముమ్మరంగా కసరత్తు చేస్తుంది. ఈ నేపథ్యంలోనే రేషన్ కార్డులు జారీకి సంబంధించి తెలంగాణ రాష్ట్ర ప్రభుత్వ చేపడుతున్న పక్కా ప్రణాళికలను తెలియజేస్తూ కీలక నిర్ణయాలను వెల్లడించింది.

అయితే ప్రస్తుతం తెలంగాణ రాష్ట్రంలో ఎన్నికల కోడ్ అమలులో ఉన్నందున పార్లమెంటు ఎన్నికలు ముగిసిన తర్వాత కొత్త రేషన్ కార్డుల జారీ ప్రారంభం కానున్నట్లు సమాచారం. అయితే కాంగ్రెస్ ప్రభుత్వం వచ్చిన కొత్తలో దరఖాస్తు ప్రక్రియ ద్వారా కొత్త రేషన్ కార్డుల జారీకి కూడా దరఖాస్తులు స్వీకరించారు. దీనిలో భాగంగా సుమారు 10 లక్షల మంది వ్యక్తులు వివిధ పథకాల కోసం దరఖాస్తు తో పాటు కొత్త రేషన్ కార్డుల కోసం దరఖాస్తు చేస్తున్నారు.

Ration Cards : సంక్షేమ లక్ష్యంపై దృష్టి…

రేషన్ కార్డులను నిర్దిష్ట సామాజిక మరియు ఆర్థిక విభాగాలకు చెందిన వారికి అందించాలనేది ప్రభుత్వ నిర్ణయం. రైతులు మరియు కార్మికుల వంటి బలహీన వర్గాలకు చెందిన వారికి ఈ తెల్ల రేషన్ కార్డులో ప్రాధాన్యత ఇవ్వడం జరిగింది. ప్రభుత్వం అందించే ప్రతి సంక్షేమ కార్యక్రమాన్ని తెల్ల రేషన్ కార్డు ఉన్న ప్రతి ఒక్కరూ పొందవచ్చు. అయితే ఇప్పటికే రాష్ట్రంలో చాలామంది కొత్త రేషన్ కార్డుల కోసం ఎదురుచూస్తుండగా ఖచ్చితమైన పరిశీలన మరియు ధృవీకరణ విధానాలను అనుసరించి అర్హులైన ప్రతి ఒక్కరికి మే 15 తర్వాతకొత్త రేషన్ కార్డులను జారీ చేయనున్నట్లు తెలుస్తోంది.

Ration Cards : కొత్త రేషన్ కార్డుల జారీకి ప్రభుత్వం కీలక నిర్ణయం… వారికి నో రేషన్ కార్డు…!

Ration Cards : సంక్షేమ పథకాలకు ప్రాముఖ్యత…

తెలంగాణ రాష్ట్రంలో కాంగ్రెస్ ప్రభుత్వం ప్రవేశపెట్టిన వివిధ సంక్షేమ పథకాలను తెల్ల రేషన్ కార్డులు ఉన్నవాళ్లు మాత్రమే పొందగలుగుతారు. గృహ జ్యోతి, ఇందిరమ్మ గృహాలు ,సబ్సిడీ కింద 500 కే గ్యాస్ సిలిండర్లు ఇలా అవసరమైన సేవలు అన్నింటికీ ప్రయోజనాలు పొందాలంటే కచ్చితంగా తెల్ల రేషన్ కార్డు కలిగి ఉండాలి.

IranAttack: డేంజర్‌ బెల్స్‌.. ఇజ్రాయెల్‌పై ఇరాన్‌ బాంబుల వర్షం

Mannam Web

Sun, 14 Apr, 2024

ఇజ్రాయెల్‌పై ఇరాన్‌ దాడులు మొదలయ్యాయి. దాదాపు రెండు వందలకుపైగా డ్రోన్స్‌, మిస్సైల్స్‌ను ఇరాన్‌ ప్రయోగించింది. దీంతో, రెండు దేశాల మధ్య యుద్ధవాతావరణం నెలకొంది.

ఇక, ఇరాన్‌ దాడులను ఎదుర్కొనేందుకు తాము సిద్ధంగా ఉన్నామని ఇప్పటికే ఇజ్రాయెల్‌ ప్రకటించింది. ఇజ్రాయెల్‌కు అమెరికా మద్దతుగా ఉన్న విషయం తెలిసిందే.

కాగా, శనివారం అర్ధరాత్రి దాటిన తర్వాత ఇజ్రాయెల్‌పై ఇరాన్‌ దాడులు ప్రారంభించింది. ఆకాశంలో ఇజ్రాయెల్‌వైపుగా రెండు వందలకుపైగా డ్రోన్స్‌, మిస్సైల్స్‌ను ప్రయోగించినట్టు ఇరాన్ రివల్యూషనరీ గార్డ్స్ కార్ప్స్ వెల్లడించింది. ఇక, ఈ డ్రోన్స్‌ ఇజ్రాయెల్‌ గగనతలంలోకి రాగానే సైరన్‌ శబ్ధంతో అట్టుడుకుపోయింది. అయితే, వీటిల్లో కొన్నింటిని సిరియా లేదా జోర్డాన్‌ మీదుగా ఇజ్రాయెల్‌ కూల్చివేసింది. ఉద్రిక్తతల నేపథ్యంలో ఇజ్రాయెల్‌, జోర్డాన్‌, లెబనాన్‌, ఇరాక్‌ తమ గగనతలాన్ని మూసివేశాయి. ఈ క్రమంలో సిరియా, జోర్డాన్‌ తమ వైమానిక దళాలను అప్రమత్తం చేశాయి. ఇరాన్‌లో డ్రోన్‌ దాడుల్లో ఒక బాలిక గాయపడినట్టు సమాచారం.
ఇదిలా ఉండగా.. ఇరాన్‌ నుంచి వచ్చే డ్రోన్స్‌ ఇజ్రాయెల్‌కు రావడానికి గంటల కొద్దీ సమయం పడుతుందిని వాటిని ఎదుర్కొనేందుకు తమ సైన్యం సిద్ధంగా ఉందని ఇజ్రాయెల్‌ సైన్యం ప్రకటించింది. మరోవైపు.. ఇరాన్‌ దాడుల నేపథ్యంలో ఇజ్రాయెల్‌కు అమెరికా మద్దతు ప్రకటించిన విషయం తెలిసిందే. ఆ దేశానికి సమీపంగా క్షిపణి విధ్యంసక యుద్ధ నౌకలను మోహరించింది

AC Tips: ఏసీ వేసినప్పుడు ఫ్యాన్ కూడా వేస్తున్నారా? ఈ తప్పులు చేయకండి

Mannam Web

Sun, 14 Apr, 2024

ఎండాకాలం వచ్చిందంటే ఇంట్లో ఉండటం చాలా కష్టమే. దగ్గరలో చెట్లు ఉంటే బాగుండు అనిపిస్తుంది. ఓ గార్డెన్ ఉన్నా, లేదా నీడ ఎక్కువగా ఉండే చెట్లు ఉంటే ఆ చెట్ల కింద కుర్చీ వేసుకొని కూర్చోవాలి అనిపిస్తుంటుంది.
ఊరిలో ఉండేవారు ఇప్పటికీ ఇలాగే చేస్తుంటారు. కానీ పట్నం ప్రజలకే ఈ అదృష్టం ఉండదు. అయితే ఎండలు, వేడి భరించలేక ఏసీలు, కూలర్లు కొనుగోలు చేస్తున్నారు ప్రజలు. మరి మీరు కూడా ఏసీ తీసుకున్నారా? ఈ ఏసీ విషయంలో కొన్ని జాగ్రత్తలు పాటించాలి. లేదంటే అంతే సంగతలు..

ఏసీ వేసుకున్నప్పుడు ఇంట్లో ఫ్యాన్ ను కూడా వేస్తున్నారా? ఇంతకీ ఏసీ వేసిన తర్వాత ఫ్యాన్ ను ఆన్ చేయాలా? చేయవద్దా? చేస్తే ఏమైనా సమస్యలు వస్తాయా అని ఎప్పుడైనా ఆలోచించారా? చాలా మంది ఏసీ ఆన్ లో ఉన్నప్పుడు ఫ్యాన్ ఆన్ చేయకూడదు అంటే నిపుణులు మాత్రం ఫ్యాన్ ను ఆన్ చేయాలి అంటున్నారు. కానీ ఈ ఫ్యాన్ ను స్పీడ్ లో మాత్రం పెట్టవద్దట. కేవలం రెండు లేదా మూడు నెంబర్ లో పెట్టి మాత్రమే ఫ్యాన్ ను ఉపయోగించాలట.

ఏసీ వేసుకొని ఫ్యాన్ ను కూడా ఆన్ చేసుకునే వారు కంగారు పడాల్సిన అవసరం లేదన్నమాట. దీని వల్ల నష్టం లేకపోగా లాభమే ఉంది అంటున్నారు నిపుణులు. ఏసీ వేసుకొని ఫ్యాన్ వేయడం వల్ల ఏసీ గాలి రూమ్ మొత్తం త్వరగా వ్యాపిస్తుంది. మీ గది కూడా త్వరగా చల్లగా మారుతుంది. ఏసీ తక్కువ స్పీడ్ లో ఉన్నా కూడా చల్లగా ఉన్న ఫీల్ వస్తుంటుంది. కానీ ఏసీ గాలి బయటకు రాకుండా తలుపులు, కిటికీలు మాత్రం మొత్తం క్లోజ్ చేసుకొని పెట్టుకోండి.

ఇలా అన్ని డోర్లను క్లోజ్ చేయడం వల్ల రూమ్ మరింత త్వరగా చల్లబడుతుంది. దీంతో కరెంబ్ బిల్ కూడా ఆదా చేసిన వారు అవుతారు. కానీ ప్యాన్, కూలర్లను రెండింటిని ఒకేసారి ఆన్ చేయడం వల్ల ఎలాంటి లాభం ఉండదు. అవి వ్యతిరేక దిశల్లో పనిచేస్తాయి. కాబట్టి ఈ రెండు పరికరాలను ఒకేసారి ఉపయోగించవద్దు.

జుట్టు రాలడాన్ని సులభంగా తగ్గించే వంటింటి చిట్కాలివే..?

Mannam Web

Sun, 14 Apr, 2024

Young woman with hair loss problem indoors

ఈ మధ్య కాలంలో చాలామంది హెయిర్ లాస్ సమస్యతో బాధ పడుతున్నారు. కాలుష్యం, ఒత్తిడి, ఆహారపు అలవాట్లు హెయిర్ లాస్ సమస్యకు కారణమవుతున్నాయి. పిల్లల నుంచి పెద్దవాళ్ల వరకు చాలామందిలో ఈ సమస్య కనిపిస్తోంది. అయితే కొన్ని జాగ్రత్తలు తీసుకోవడం ద్వారా జుట్టు రాలే సమస్యకు సులభంగా చెక్ పెట్టవచ్చు. వంటింటి చిట్కాలు పాటించి జుట్టు రాలే సమస్యను పరిష్కరించుకోవచ్చు.

హెయిర్ లాస్ సమస్యతో బాధ పడేవాళ్లకు ఉసిరి అనేక ప్రయోజనాలను చేకూరుస్తుంది. యాంటీ ఆక్సిడెంట్, యాంటీ బ్యాక్టీరియల్ లక్షణాలు ఉసిరిలో పుష్కలంగా ఉంటాయి. ఉసిరిని పొడిగా చేసి తలకు తరచూ పెట్టుకుంటే జుట్టు సంబంధిత సమస్యలకు చెక్ పెట్టవచ్చు. ఉసిరి పొడి, చుండ్రు, నెత్తి మంట లాంటి సమస్యలను కూడా తగ్గిస్తుంది. వేపాకులను కొబ్బరి నూనెలో మరిగించి ఆ ఆయిల్ ను తలకు రాసుకున్నా మంచి ఫలితాలు ఉంటాయి.

బీట్ రూట్ జుట్టు రాలే సమస్యను తగ్గించడంలో ఎంతగానో సహాయపడుతుంది. ప్రతిరోజు ఎవరైతే బీట్ రూట్ జ్యూస్ తీసుకుంటారో వారిలో కుదుళ్లు గట్టిపడి వెంట్రుకలు రాలే సమస్య తగ్గుతుంది. రాత్రంతా మెంతులను నానబెట్టి ఆ మెంతులను పేస్ట్ లా చేసి తలకు పట్టించినా అనేక ఆరోగ్య ప్రయోజనాలు చేకూరుతాయి. ఉల్లిగడ్డలను జ్యూస్ లా చేసుకుని తలకు పట్టించినా ఆరోగ్యకరమైన ప్రయోజనాలు చేకూరుతాయి.

గుడ్లను పగలగొట్టి ఆలివ్ ఆయిల్ మిక్స్ చేసి తలకు రాసుకున్నా గుడ్లలో ఉండే ప్రోటీన్లు జుట్టు రాలే సమస్యను తగ్గిస్తాయి. ప్రతిరోజూ గ్రీన్ టీ తాగినా జుట్టు సంబంధిత సమస్యలు తగ్గుముఖం పడతాయి. జుట్టు రాలే సమస్యను నివారించడంలో మందారం సైతం అద్భుతంగా సహాయపడుతుంది. మందారం రెక్కలను క్రష్ చేసి నూనెలో కలుపుకుని తలకు పట్టిస్తే అద్భుతమైన ప్రయోజనాలు చేకూరుతాయి.

కిడ్నీల్లో రాళ్లు పడకుండా ఉండాలంటే ఈ పండు తింటే చాలు..

Mannam Web

Sun, 14 Apr, 2024

కిడ్నీలో రాళ్లు ఇప్పుడు అందరినీ వేధిస్తున్న సమస్య. ఉరుకులు పరుగుల జీవితంలో సరిగ్గా భోంచేయక, నీళ్లు తాగకపోవడంతో నాలుగు రాళ్లు వెనుకాల పడుతున్నాయి. కిడ్నీలో చేరి ఇబ్బంది పెడుతున్నాయి. ఈ నేపథ్యంలో ఎంత బిజీగా ఉన్నఈ ఒక్క పండుతింటే కిడ్నీ రాళ్ల సమస్యల నుంచి ఉపశమనం పొందవచ్చని తాజాగా పరిశోదనలో తేలింది.

ఎండు ద్రాక్ష కిడ్నీ సమస్యలకు దివ్యౌషధంలా పనిచేస్తుంది. ఆస్టియోపోరోసిస్ వంటి వాటి నుంచి బయటపడొచ్చు. ఎసిడీటీతో బాధపడేవారికి మంచి మందులా పనిచేస్తాయి. వీటిల్లో ఉండే పోటాషియం, మెగ్నీషియం వంటి ఖనిజాలు ఎసిడిటీతోపాటు కిడ్నీల్లో రాళ్లు ఏర్పడకుండా ఉపయోగపడతాయి. అంతేకాకుండా ఇవి ఆరోగ్యకరమైన కంటిచూపుకి కూడా సహాయపడతాయి. అలాగే ఎండుద్రాక్షల్లో లభించే ఓలినోలిక్ యాసిడ్ తో పళ్లు బలంగా… ఆరోగ్యంగా ఉంటాయని ఆరోగ్య నిపుణులు సూచిస్తున్నారు.

ఎండు ద్రాక్షల్లో ఐరన్, బీ కాంప్లెక్స్ విటమిన్లు ఎక్కువగా ఉంటాయి.. అందువల్ల ప్రతిరోజు వీటిని తీసుకోవడం ద్వారా రక్తహీనత దరిచేరకుండా జాగ్రత్త పడొచ్చు. ఇవి శరీరంలో అనవసరపు కొవ్వుని కరిగించడానికి ఉపయోగపడతాయి. ఎండుద్రాక్షల్లో కాల్షియం అధికంగా ఉంటుంది. అందువల్ల వీటిని ఆహారంలో ఒక భాగంగా చేసుకుంటే ఎముకలు బలంగా అవుతాయి..

Mudragada Padmanabham: ముద్రగడ విచిత్ర పరిస్థితి

Mannam Web

Sun, 14 Apr, 2024

xr:d:DAF7VKhaV6Q:1515,j:6237910196473995995,t:24041306

Mudragada Padmanabham: రాజకీయ నాయకుడి కంటే కాపు ఉద్యమ నేతగానే ముద్రగడ పద్మనాభంకు గుర్తింపు ఉంది. తనకు ఈ రాజకీయాలు అవసరం లేదంటూ అస్త్ర సన్యాసం చేసిన ముద్రగడ.. కాపు రిజర్వేషన్ ఉద్యమాన్ని నడిపారు. పతాక స్థాయికి తీసుకెళ్లగలిగారు. ఉద్యమ ఫలాలు దక్కకుండానే పోరాటాన్ని ఆపేశారు. ఇప్పుడు ఎన్నికల ముంగిట కుమారుడి రాజకీయ భవిష్యత్తు కోసం జనసేన వైపు చూశారు. అక్కడ వర్కౌట్ కాకపోవడంతో వైసీపీలోకి వెళ్లారు. కాపులు బలంగా ఉన్న నియోజకవర్గాల్లో వైసిపి స్టార్ క్యాంపైనర్ అవుతారని భావించారు. కానీ ఆయన పవన్ కోసమే వైసీపీకి వెళ్లినట్లు వ్యవహరిస్తున్నారు. నిత్యం పవన్ పై విమర్శనాస్త్రాలు సంధిస్తూ కాలం గడిపేస్తున్నారు.

ప్రస్తుతం కిర్లంపూడి లోని తన ఇంటి గేటును కూడా ముద్రగడ దాటడం లేదు. తనను కలిసేందుకు వైసిపి నేతలు, కాపు నాయకులు వచ్చినప్పుడు మీడియా సమావేశం ఏర్పాటు చేస్తున్నారు. పవన్ కళ్యాణ్ పై అనుచిత వ్యాఖ్యలు చేస్తున్నారు. సినిమాల్లో నువ్వు గొప్ప, రాజకీయాల్లో నేను గొప్ప అంటూ ఏవేవో వ్యాఖ్యలు చేస్తున్నారు. దీంతో ఎంతటి ముద్రగడ.. ఇలా అయ్యారేంటి అని సన్నిహితులు కూడా వ్యాఖ్యానించే స్థితికి చేరుకున్నారు. అటు వైసీపీ నేతలు కూడా ఆయనకు ఏ పని అప్పగించ లేదని తెలుస్తోంది. కేవలం పిఠాపురంలో పవన్ కళ్యాణ్ ను ఓడించడానికే ముద్రగడను వైసీపీలో చేర్చుకున్నట్లు టాక్ నడిచింది. అందుకు తగ్గట్టుగానే ఒకరిద్దరు కాపు నేతలను ముద్రగడ ఆకర్షించగలిగారు. కానీ ఎందుకో తర్వాత పిఠాపురం వదిలేశారు. ఇంటికే పరిమితం అయ్యారు.

తనకు తాను ముద్రగడ స్టార్ క్యాంపైనర్ గా భావిస్తున్నారు. అయితే కుమారుడికి రాజకీయ భవిష్యత్తు ఇవ్వాలని భావించారు. కానీ అది సాధ్యం కాలేదు. ఇప్పుడు వైసీపీ అధికారంలోకి వస్తేనే ముద్రగడకు ఎంతోకొంత గుర్తింపు లభించే అవకాశం ఉంది. లేకుంటే మాత్రం ఆయన ఫేడ్ అవుట్ అయినట్టే. ఆ పరిస్థితి రాకుండా ఉండేందుకు ఆయన రాష్ట్రవ్యాప్తంగా కాపులు అధికంగా ఉండే నియోజకవర్గాల్లో పర్యటించాలి. కానీ ఆయన ఆ పని చేయడం లేదు. కేవలం పవన్ కోసమే జగన్ తనను నియమించినట్లు వ్యవహరిస్తున్నారు. తనకున్న పెద్దమనిషి హోదాను కూడా పోగొట్టుకుంటున్నారు. అయితే ముద్రగడ తీరును చూసి కాపు సామాజిక వర్గంలో కూడా ఒక రకమైన మార్పు కనిపిస్తోంది. సోషల్ మీడియాలో సైతం పెద్ద రచ్చ నడుస్తోంది. ఇటువంటి వ్యక్తా కాపు ఉద్యమ నేత అంటూ.. కాపు యువత విమర్శల జడివాన కురిపిస్తోంది.

Jio Vs Airtel తక్కువ ధరలో రీఛార్జ్ ప్లాన్స్ ఇవే.. ఫ్రీ వాయిస్ కాల్స్‌తో పాటు అన్‌లిమిటెడ్ డేటా బెనిఫిట్స్ కూడా…

Mannam Web

Sun, 14 Apr, 2024

Jio Vs Airtel ప్రస్తుతం స్మార్ట్‌ఫోన్ వాడే వారందరికీ అన్‌లిమిటెడ్ డేటా కోసం, ఫ్రీ వాయిస్ కాల్స్‌తో ఇతర బెనిఫిట్స్ అందిస్తున్నాయి ఎయిర్ టెల్, జియో కంపెనీలు. ఈ రెండు దిగ్గజ కంపెనీలు రూ.250లోపు అపరిమిత వాయిస్ కాల్స్, రోజకు 100 మెసెజెస్, అన్ లిమిటెడ్ డేటాను అందిస్తున్నాయి. అంతేకాదు యూట్యూబ్, ఫేస్‌బుక్ బేస్ కోసం ప్రత్యేక డేటాను అందిస్తున్నాయి. వీటన్నింటికి 28 రోజుల వరకు వ్యాలిడిటీ అందిస్తున్నాయి. ఈ సందర్భంగా ఎయిర్‌టెల్, జియో ఈ రెండింటినీ కంపేర్ చేస్తే, దేంట్లో ఎక్కువ ప్రయోజనాలు కలగనున్నాయనే పూర్తి వివరాలను ఇప్పుడు తెలుసుకుందాం…

ఫస్ట్ రీఛార్జ్ ప్లాన్ రూ.179
జియో కంపెనీ రూ.179 ప్రారంభ రీఛార్జ్ ప్లాన్లో భాగంగా 24 రోజుల వ్యాలిడిటీతో రోజుకు 1GB డేటాను అందిస్తోంది. అంతేకాదు అన్ లిమిటెడ్ వాయిస్ కాలింగ్, రోజుకు 100 మెసెజెస్ కూడా అందిస్తున్నాయి. జియో రెండో ప్రీపెయిడ్ ధర రూ.239. ఇటీవలే ప్రారంభించిన ఈ రీఛార్జ్ ప్లాన్లో భాగంగా రోజుకు 1.5GB డేటా, రోజుకు 100 SMS, అపరిమిత వాయిస్ కాలింగ్ పొందుతారు.

మరో రెండు ప్లాన్లు..
రూ.250లోపు కంటే తక్కువగా మరో రెండు ప్రీపెయిడ్ ప్లాన్లు ఉన్నాయి. అయితే దీనికి 23 రోజుల వ్యాలిడిటీ లభిస్తుంది. అందులో ఒకటి రూ.199 రీఛార్జ్ ప్లాన్. ఇందులో భాగంగా ప్రతిరోజూ 1.5GB డేటా పొందుతారు. మరొకటి రూ.249 ప్లాన్. ఈ ప్రీపెయిడ్ ప్లాన్లో భాగంగా రూ.2GB డేటాను అందిస్తుంది. ఈ రెండు ప్లాన్లలోనూ అన్‌లిమిటెడ్ వాయిస్ కాలింగ్ ఆఫర్లు ఉన్నాయి.

ఎయిర్‌టెల్ ఫస్ట్ ప్లాన్..
జియోకు పోటీగా ఎయిర్‌టెల్ కూడా తన ప్రారంభ రీఛార్జ్ ప్లాన్ రూ.179లో భాగంగా 28 రోజుల వ్యాలిడిటీ అందిస్తోంది. ఈ ప్లాన్‌లో భాగంగా 2GB డేటా లభించనుంది. అంతేకాదు అన్‌లిమిటెడ్ వాయిస్ కాల్స్ సౌకర్యం కూడా అందుబాటులో ఉంది. దీంతో పాటు వైఫైని ఉపయోగించే వారికి ఇదొక గొప్ప ప్రయోజనంగా చేకూరుతుంది. మరో రీఛార్జ్ రూ.239లో భాగంగా రోజు 1GB డేటా, రోజుకు 100 SMS, అపరిమిత వాయిస్ కాలింగుతో 24 రోజుల పాటు వ్యాలిడిటీని పొందొచ్చు.

ఈ రెండింట్లో ఏది బెటరంటే..
డేటా పరంగా జియో కంపెనీ మంచి ఆఫర్లను ఇవ్వడంలో ముందు వరుసలో ఉంది. జియో కంపెనీ రూ.179 ప్లాన్లో భాగంగా మొత్తం 24GB డేటాను అందించనుంది. అయితే ఎయిర్‌టెల్ మాత్రం మొత్తం 2GB వరకు డేటాను అందించనుంది. మళ్లీ రూ.239 ప్లాన్లో భాగంగా ఎయిర్‌టెల్‌లో 24GB డేటా, జియోలో 42GB డేటా లభించనుంది. చూశారు కదా.. రెండింట్లో ఏయే అదనపు ప్రయోజనాలు ఉన్నాయో.. వీటిలో మీకు నచ్చిన రీఛార్జ్ ప్లాన్లను చెక్ చేసి డెసిషన్ తీసుకోండి. ఇవి ఎప్పటికప్పుడు అప్డేట్ అవుతూ ఉంటాయి.

PPF: పీపీఎఫ్, సుకన్య సమృద్ధి పథకాల్లో ఇన్వెస్ట్ చేస్తున్నారా? ఇది కచ్చితంగా ఇవ్వాల్సిందే.. లేకుంటే అకౌంట్ ఫ్రీజ్!

Mannam Web

Sun, 14 Apr, 2024

Post Office Schemes: పెట్టుబడులకు ఎన్నో పథకాలు మనకు అందుబాటులో ఉన్నాయి. ముఖ్యంగా కేంద్ర ప్రభుత్వం చిన్న మొత్తాల పొదుపు పథకాల్ని కూడా తీసుకొచ్చింది. ఇవి బ్యాంకులు, పోస్టాఫీసుల్లో అందుబాటులో ఉంటాయి. పెద్ద మొత్తాల్లో కాకుండా చిన్న మొత్తాల్లో కూడా దీంట్లో ఇన్వెస్ట్ చేయొచ్చు. స్థిర వడ్డీ ప్రకారం రాబడి ఉంటుంది. కేంద్రం మద్దతు ఉంటుంది కాబట్టి గ్యారెంటీ రిటర్న్స్ ఉంటాయి. నిర్దిష్ట కాలానికి వడ్డీ ప్రకారం రాబడి అందుకోవచ్చు. ఈ పథకాల్లో సుకన్య సమృద్ధి యోజన, సీనియర్ సిటిజెన్ సేవింగ్స్ స్కీమ్, నేషనల్ సేవింగ్స్ సర్టిఫికెట్, పబ్లిక్ ప్రావిడెంట్ ఫండ్ (PPF) వంటి వాటికి డిమాండ్ ఎక్కువ ఉంటుంది.

అయితే ఈ పథకాల్లో ఇన్వెస్ట్ చేసే వారు బ్యాంకుల్లో లేదా పోస్టాఫీసుల్లో కచ్చితంగా ఆధార్ కార్డ్ నంబర్ ఇవ్వాల్సిందేనా? కచ్చితంగా ఇవ్వాల్సిందే. కొత్తగా ఈ అకౌంట్లు తెరిచే వారు కచ్చితంగా ఆధార్ కార్డు డీటెయిల్స్ సమర్పించాల్సి ఉంటుందని కేంద్ర ఆర్థిక మంత్రిత్వ శాఖ లేటెస్ట్ నోటిఫికేషన్‌లో వెల్లడించింది. దీనికి సంబంధించి 2023, ఏప్రిల్ 3న నోటిఫికేషన్ వచ్చింది. 2023, ఏప్రిల్‌కు ముందు చాలా మంది ఆధార్ కార్డు, పాన్ కార్డు లేకుండానే ఇలాంటి పథకాల్లో ఇన్వెస్ట్ చేయడం ప్రారంభించింది. వీరికి సదరు కార్డులు సమర్పించాలని గతంలోనే అలర్ట్ చేసింది కేంద్రం. ఇక మీదట ఇన్వెస్ట్ చేసే సమయంలోనే సమర్పించాలని పేర్కొంది.

ఆధార్ కార్డు నంబర్ లేకుంటే.. ఆధార్ స్కీమ్‌ కింద ఎన్‌రోల్‌ చేసుకొని ఆ నమోదు సంఖ్యను సమర్పించాలని అదే నోటిఫికేషన్‌లో కేంద్రం స్పష్టం చేసింది. ఇలా ఎన్‌రోల్‌మెంట్ ప్రూఫ్ సబ్మిట్ చేసి స్కీమ్‌లో అకౌంట్ తెరవొచ్చని పేర్కొంది. ఇంకా అకౌంట్ ఓపెన్ చేసిన 6 నెలల్లోగా మళ్లీ ఆధార్ కార్డు నంబర్‌ సమర్పించాలని వెల్లడించింది. అయితే నిర్దిష్ట సమయంలోగా అకౌంట్ హోల్డర్.. ఆధార్ కార్డు సమర్పించకపోతే అకౌంట్ నిలిచిపోతుందని.. మళ్లీ ఆధార్ నంబర్ సమర్పించినప్పుడు తిరిగి పునరుద్ధరించడం జరుగుతుందని తెలిపింది.

ఇలా అకౌంట్ ఫ్రీజ్ అయిన సమయంలో వడ్డీ ప్రయోజనాలు కోల్పోతారు. సదరు స్కీమ్ అకౌంట్లలో డబ్బులు డిపాజిట్ చేయలేరు. విత్‌డ్రా చేయలేరు. ఇతర బెనిఫిట్స్ అందుకోలేరు. అందుకే సమయానికి సమర్పించడం మంచిది. ఇక పాన్ కార్డు కూడా అకౌంట్ ఓపెన్ చేసినప్పుడు సమర్పించలేని వారు.. రెండు నెలల్లోగా అందించాల్సి ఉంటుంది. చిన్న పొదుపు పథకాలకు కేవైసీగా పాన్ కార్డు ఉపయోగిస్తామని గతంలో కేంద్రం తెలిపింది. లిమిట్ కంటే ఎక్కువ ఇన్వెస్ట్ చేసేందుకు పాన్ కార్డు కచ్చితంగా అందించాల్సిందేనని వివరించింది.

అరటి పండ్లు త్వరగా కుళ్లిపోతున్నాయా.? ఇలా చేయండి..

Mannam Web

Sun, 14 Apr, 2024

అరటి పండును పేదవాడి ఆపిల్‌గా పిలుస్తారు. తక్కువ ధరకు లభించే అరటితో కలిగే లాభాలు అలాంటివి మరి. అందుకే ప్రతీ రోజూ కచ్చితంగా అరటి పండును తీసుకోవాలని నిపుణులు చెబుతుంటారు. అరటి పండ్లలో అనేక రకాల విటమిన్, ఖనిజాలు ఉంటాయి. ఇవి శరీరానికి ఎంతో మేలు చేస్తాయి. అలాగే ఇందులోని ఐరన్‌, ఫైబర్‌, ఆక్సిడెంట్స్‌ కిడ్నీలు, జీర్ణవ్యవస్థ, గుండె వంటి అవయవాలను కాపాడుతాయి.

మరి ఇన్ని లాభాలు ఉండే అరటి పండ్లతో వచ్చే సమస్యల్లో అవి త్వరగా కుళ్లి పోవడం ఒక సమస్యగా చెప్పొచ్చు. అయితే కొన్ని రకాల చిట్కాలు పాటించడం ద్వారా అరటి పండ్లను ఎక్కువ కాలం తాజాగా ఉంటాయి. ఇంతకీ అరటి పండ్లు ఎక్కువ కాలం తాజాగా ఎలా ఉంచుకోవాలో ఇప్పుడు చూద్దాం..

* అరటి పండ్లను వేలాడదీస్తే త్వరగా పాడవవు. ఇందుకోసం ఒక తాడుతో కట్టి గాలి సోకే ప్రాంతంలో వేలాడదీయాలి ఇలా చేయడం వల్ల అరటి పండ్లు ఎక్కువ కాలం తాజాగా ఉంటాయి.

* ఇక అరటి పండ్లను ప్లాస్టిక్‌ ర్యాపింగ్‌లో చుట్టడం వల్ల కూడా ఎక్కువ కాలం తాజాగా ఉంటాయి. గాలి తాకకుండా ఉండేలా కవర్‌తో అరటిపండ్లను కవర్ చేయాలి. ఇలా చేయడం వల్ల అరటి పండ్లు తాజాగా ఉంటాయి.

* అరటి పండ్లు ఎక్కువ కాలం తాజాగా ఉండాలంటే. మార్కెట్‌ నుంచి తెచ్చిన వెంటనే అరటి పండ్లకు వెనిగర్‌ను అప్లై చేయాలి. అనంతరం గాలి తగిలే ప్రదేశంలో ఉంచితే అరటి పండ్లు ఎక్కువ రోజులు తాజాగా ఉంటాయి.

* అరటి పండ్లను ఫ్రిజ్‌లో పెట్టినా తాజాగా ఉంటాయి. అయితే ఫ్రిజ్‌లో పెట్టే ముందు అరటి పండ్లకు గాలి చొరబడకుండా కవర్‌లో ప్యాక్‌ చేయాలి.

* ఇదిలా ఉంటే మీరు కొనుగోలు చేసిన అరటి పండ్లలో ఒక్క పండు కుళ్లిపోయినా దానిని తొలగించాలి. ఇందుకంటే బాగా మక్కిన అరటిపండు నుంచి ఇథిలిన్‌ వాయువు వస్తుంది. ఇది పక్కనున్న అరటిపండ్లను కూడా కుళ్లిపోయేలా చేస్తుంది.

Lifestyle: భోజనం చేయగానే పండ్లు తింటున్నారా.? నిపుణులు ఏమంటున్నారంటే..

Mannam Web

Sun, 14 Apr, 2024

ఆరోగ్యానికి పండ్లు ఎంతో మేలు చేస్తాయని ప్రత్యేకంగా చెప్పాల్సిన పనిలేదు. అందుకే వైద్యులు సైతం పండ్లను ఆహారంలో భాగం చేసుకోవాలని సూచిస్తున్నారు. ముఖ్యంగా సీజన్‌లో లభించే పండ్లను తీసుకుంటే ఎంతో మేలు జరుగుతుందని చెప్తారు. అయితే పండ్లను తీసుకునే సమయంలో కొన్ని నియమాలు పాటించాలని మీకు తెలుసా.? మనలో చాలా భోజనం చేయగానే పండ్లను తీసుకుంటారు. మరి ఇలా తీసుకోవడం వల్ల ఏమైనా నష్టం ఉంటుందా.? అసలు పండ్లను ఎప్పుడు తినాలి లాంటి పూర్తి వివరాలు ఇప్పుడు తెలుసుకుందాం..

పండ్లను భోజనానికి అరగంట ముందు తింటే శరీరానికి పుష్కలంగా పోషకాలు అందుతాయని ఆరోగ్య నిపుణులు అంటున్నారు. అదే భోజనం తర్వాత పండ్లను తింటే, పండ్లలోని అదనపు కేలరీలు ఆహారంతో పాటు శరీరంలోకి వెళ్తాయని, ఇది ఆరోగ్యంపై దుష్ప్రభావం చూపుతుందని చెబుతున్నారు. అలాగే రాత్రి పడుకునే ముందు ఉదయం లేవగానే పండ్లను తీసుకోకూడదని చెబుతున్నారు. మధ్యాహ్నం, సాయంత్రం పండ్లను తీసుకోవడానికి బెస్ట్‌ సమయంగా చెబుతున్నారు.

భోజనం చేయగానే ఎట్టి పరిస్థితుల్లో పండ్లను తీసుకోకూడదు. దీనికి కారణం భోజనం చేయగానే శరీరంలో కేలరీలు ఉంటాయి. తీసుకున్న ఆహారం జీర్ణమయ్యే కంటే ముందే మళ్లీ పండ్లను తీసుకుంటే.. జీర్ణ వ్యవస్థపై రెట్టింపు భారం పడుతుంది. దీంతో జీర్ణ సంబంధిత సమస్యలు వచ్చే అవకాశాలు ఉంటాయి. అజీర్ణం, ఉబ్బరం, మలబద్ధకం వంటి సమస్యలు తలెత్తుతాయని నిపుణులు చెబుతున్నారు. భోజనం చేసిన వెంటనే ఆహారం తీసుకోవడం వల్ల శరీరంలో అనేక రకాల టాక్సిన్స్ పేరుకుపోతాయని చెబుతున్నారు. దీని ప్రభావం పొట్టపైనే కాదు చర్మంపై కూడా కనిపిస్తుంది.

భోజనం చేసే కంటే కనీసం రెండు గంటల ముందు లేదా భోజనం చేసిన 2 గంటల తర్వాత పండ్లను తీసుకోవడం బెస్ట్‌ అని చెబుతున్నారు. ఇక ఉదయం 10 నుంచి 12 గంటల మధ్య పండ్లను తీసుకోవాలని చెబుతున్నారు. సాయంత్రం 4 గంటల నుంచి 7 గంటల మధ్య పండ్లను తీసుకుంటే ఆరోగ్యానికి మేలు జరుగుతుందని చెబుతున్నారు.

సీఎం జగన్‌పై దాడి.. చంద్రబాబు, లోకేష్‌ రియాక్షన్‌.. వైసీపీ కీలక ప్రకటన

Mannam Web

Sun, 14 Apr, 2024

రాయి దాడిలో గాయపడిన వైసీపీ అధినేత, ఆంధ్రప్రదేశ్‌ సీఎం వైఎస్‌ జగన్‌కు అర్ధరాత్రి విజయవాడలో ప్రభుత్వ ఆస్పత్రిలో వైద్యులు చికిత్స చేశారు. గాయానికి రెండు కుట్లు కూడా వేశారు.

ఈ సందర్భంగా కార్యకర్తలను ఉద్దేశించి వైసీపీ కీలక ప్రకటక చేసింది. ఎవరూ ఆందోళన చెందవద్దని, దయచేసి అందరూ సంయమనం పాటించాలని ఎక్స్‌ వేదికగా కోరింది. మరోవైపు సీఎం జగన్‌పై జరిగిన దాడిని చంద్రబాబు నాయుడు నిజంగానే ఖండించారనుకుంటే టీడీపీ ఎక్స్‌ ఖాతా నుండి ఎందుకు నీచంగా పోస్టులు చేయిస్తున్నారంటూ వైసీపీ ఫైర్‌ అయ్యింది.

సీఎం జగన్‌పై దాడిని టీడీపీ చీఫ్‌ చంద్రబాబు తీవ్రంగా ఖండించారు. ఈ ఘటనపై నిష్పక్షపాతంగా దర్యాప్తు చేసి బాధ్యులను శిక్షించాలని ఎన్నికల సంఘాన్ని కోరుతున్నానని చంద్రబాబు ట్వీట్‌ చేశారు. ఇక ‘రాయి రాయి ఎక్కడి నుంచి వచ్చావ్‌? ఇంకెక్కడి నుంచి వస్తా తాడేపల్లి ప్యాలెస్‌ నుంచే వచ్చా!’ అని నారా లోకేస్‌ ట్వీట్‌ ఏచశారు. కొత్తగా ఏదైనా ట్రై చేయి జగన్ అంటూ 2019లో కోడికత్తి, 2024లో రాయి అని వాటి ఫొటోలు పోస్ట్‌ చేశారు.

ఆంధ్రప్రదేశ్ ముఖ్యమంత్రి వైఎస్ జగన్ మోహన్ రెడ్డి ఏప్రిల్ 13, శనివారం విజయవాడలో వైఎస్ఆర్సీపీ ఎన్నికల బస్సు యాత్రలో రాళ్లతో దాడి చేశారని అధికార వైఎస్సార్ కాంగ్రెస్ పార్టీ (వైఎస్ఆర్సీపీ) తెలిపింది. ‘ప్రజలకు అభివాదం చేస్తున్న జగన్‌పై బస్సులో దాడి జరిగింది. రాయి తగలడంతో ఎడమ కనుబొమ్మపై గాయమైంది. అతడిపై దాడి చేసినట్లు అనుమానిస్తున్నారు. ముఖ్యమంత్రి పక్కనే ఉన్న ఎమ్మెల్యే వెల్లంపల్లి ఎడమకంటికి గాయమైంది’ అని వైఎస్సార్‌సీపీ పేర్కొంది. ఆంధ్రప్రదేశ్‌లో త్వరలో జరగనున్న అసెంబ్లీ, లోక్‌సభ ఎన్నికల కోసం జగన్ ప్రచారం చేస్తున్నారు.

మే 13న ఆంధ్రప్రదేశ్ అసెంబ్లీ, లోక్‌సభ ఎన్నికలకు పోలింగ్ జరగనుంది.

దొంగలని.. వెధవలని చేసిన అవ్వ! ఈమె ఐడియాకి దొంగలు పరార్!

Mannam Web

Sun, 14 Apr, 2024

నేటికాలంలో దొంగతనాలు ఎక్కువగా జరుగుతున్నాయి. పోలీసులు ఎప్పటికప్పుడు చోరీలకు పాల్పడుతున్న వారిని అరెస్టు చేస్తున్నారు. అయినా కూడా తరచూ ఏదో ఒక ప్రాంతంలో ఈ దొంగతనాల ఘటనలు చోటుచేసుకుంటున్నాయి. ఇళ్లు, బ్యాంకు, బంగారు షాపులు, ఇతర దుకాణాల్లో చోరీలు చేసి..విలువైన వస్తువులను తీసుకెళ్తున్నారు. ఇక దొంగల దెబ్బకు సామాన్య జనమే కలవర పడుతుంటే.. ఓ వృద్ధురాలు చేసిన పనికి ఆ దొంగలే అవాక్కయ్యారు. ఇక ఆ వృద్ధురాలు చేసిన పనికి స్థానిక ప్రజలు సైతం ఆశ్చర్యం వ్యక్తం చేశారు. ఇక ఆలస్యం ఏందుకు ఆ స్టోరీ ఏమిటో ఇప్పుడు తెలుసుకుందాం..

సాధారణంగా ఇంట్లో ఎవరూ లేని సమయంలో దొంగలు చోరీలకు పాల్పడుతుంటారు. అలానే ఎవరైన ఒంటరిగా ఉన్న సమయంలో కూడా ఇళ్లల్లో చోరీలకు తెగపడుతుంటారు. ఎవరైన ఎదురు తిరిగితే చంపడానికి సైతం వెనుకాడరు. అలా దొంగళను ఎందిరించి ఎందరో ప్రాణాలు కోల్పోయారు. మరికొందరు అయితే ధైర్యం చేసి పోరాడుతారు. ఇక వృద్ధులు అయితే దొంగలను ఎదిరించే సాహసం చేయలేరు. అలానే వారి నుంచి తప్పించుకునే ప్రయత్నం చేయలేరు. కానీ యాదాద్రి భువనగిరి జిల్లాకు చెందిన ఓ వృద్దురాలు చేసిన పనికి దొంగలకే చెమటలు పట్టాయి. యాదాద్రి భువనగిరి జిల్లా ప్రాంతంలో జరుగుతున్న దొంగతనాలు అందరిని భయాందోళనకు గురి చేస్తున్నాయి. అలానే గుండాల మండలం సీతారామపురంలో అనే గ్రామంలో కూడా తరచూ చోరీల ఘటనలు చోటుచేసుకుంటున్నాయి. తరచూ జరుగుతున్న దొంగతనాలతో స్థానికులు కలవరపడుతున్నారు.

ఇదే సమయంలో అదే గ్రామంలో నివాసం ఉండే కప్పరి పిచ్చమ్మ అనే వృద్ధురాలు ఓ అద్భుతమైన ఐడియా వేసింది. తన ఇంట్లో చోరీ జరిగిన విలువైన వస్తువులు పోకుండా మంచి పథకం వేసింది. గతంలో ఆ వృద్ధురాలి ఇంట్లో రెండు సార్లు చోరీ జరిగింది. ఆ సమయంలో నగదుతో పాటు విలువైన వస్తువులు పోయాయి. దీంతో మరోసారి అలాంటి చేదు అనుభవం ఎదుర్కొకూడదని ఆమె భావించింది. ఇంట్లో విలువైన వస్తువులను, డబ్బులను తన వద్దే పెట్టుకుని ఇంటికి తాళం వేసి పక్కింటికి వెళ్లి పడుకుంది.

ఆ వృద్ధురాలి ఇంటికి తాళం వేసి ఉండటంతో ఇదే మంచి ఛాన్స్ అని దొంగలు భావించారు. వెంటనే ఇనుప వస్తువులను కోసే బ్లేడ్ తో ఆ ఇంటి తాళం కోశారు. ఇంట్లోకి వెళ్లి మొత్తం వెతికిన ఓ పది రూపాయల నోటు కూడా దొరలేదు. చివరకు వెనుతిరిగి వెళ్లిపోయారు. మరుసటి రోజు ఉదయం ఇంటికి వెళ్లి..అక్కడి పరిస్థితి చూసి దొంగలు వచ్చినట్లు పిచ్చమ్మ గ్రహించింది. అలానే స్థానికులు ఆమె ఇంట్లో ఏ విలువైనవి చోరీకి గురయ్యాయో అని తెగ బాధపడ్డారు. నగదు తనవద్దే ఉన్నాయని ఆ వృద్దురాలు చెప్పడంతో అందరు ఆశ్చర్యం వ్యక్తం చేశారు. మొత్తంగా కండబలంతో కాకుండా బుద్ధిబలంతో దొంగలకు ఆ వృద్ధురాలు బుద్ది చెప్పింది.

Health Tips : రాత్రి పడుకోనే ముందు ఒక గ్లాసు తాగితే చాలు.. ఆ వ్యాధులకు చెక్ పెట్టొచ్చు..

Mannam Web

Sun, 14 Apr, 2024

ఉదయం తీసుకొనే ఫుడ్ లేదా పానీయాలు శరీరానికి బాగా పడతాయని నిపుణులు అంటున్నారు.. అది నిజమే.. రాత్రి పడుకొనే ముందు చాలా మందికి పాలు తాగే అలవాటు ఉంటుంది.. పాలను మాత్రమే కాదు.. కొన్ని కలుపుకొని తాగితే ఆరోగ్య ప్రయోజనాలు ఎక్కువగా ఉన్నాయి.. ఎటువంటివి కలుపుకొని తాగాలి.. ఎలాంటి ఆరోగ్య ప్రయోజనాలు ఉన్నాయో ఇప్పుడు తెలుసుకుందాం..

మారిన వాతావరణం, ఆహారపు అలవాట్ల కారణంగా అనేక రకాల అనారోగ్య సమస్యలు రావడం మనం చూస్తూనే ఉంటాం.. కొన్ని వ్యాధులకు మందు కూడా లేదని చెప్పాలి.. అందుకే ఆరోగ్యంపై శ్రద్ద పెట్టాలి.. ఎండ తీవ్రత రోజు రోజుకు పెరుగుతూ వస్తుంది.. ముఖ్యంగా ఈ సీజన్ లో ఎన్నో రకాల సమస్యలు వస్తూ ఉంటాయి. జలుబు, దగ్గు, ఆస్తమా,గొంతు ఇన్ ఫెక్షన్ వంటి కొన్ని రకాల ఇన్ఫెక్షన్స్ వస్తూ ఉంటాయి.. ఈ సమస్యలకు చెక్ పెట్టాలంటే ఈ డ్రింక్ ను తప్పనిసరిగా తాగాలి..

రెండు స్పూన్ల నెయ్యి వేయాలి. ఆ తర్వాత 300 గ్రాముల పసుపు., 50 గ్రాముల శొంఠి పొడి, 25 గ్రాముల నల్ల మిరియాల పొడి, 15 గ్రాముల దాల్చిన చెక్క పొడి వేసి రంగు పూర్తిగా మారేవరకు వేడి చెయ్యాలి.. పొడి చల్లారాక టైట్ కంటైనర్ లో స్టోర్ చేయాలి. ఈ పొడి దాదాపుగా నెల రోజులు పాటు నిల్వ ఉంటుంది. రాత్రి పడుకోవటానికి ముందు ఒక గ్లాసు గోరువెచ్చని పాలల్లో అర టీ స్పూన్ పొడిని కలిపి తాగాలి.. ఇలా కొద్ది రోజులు తాగితే ప్రయోజనాలు తెలుస్తాయి.. ఎన్నో సమస్యలకు చెక్ పెట్టొచ్చు..

మీ పళ్లను ఇలా బ్రష్ చేస్తున్నారా? దంత సమస్యలతో డయాబెటిస్, గుండెజబ్బుల ప్రమాదం..!

Mannam Web

Sun, 14 Apr, 2024

Brushing Your Teeth : ప్రతిరోజూ మీ పళ్లను ఎలా తోముతున్నారు? సరిగా బ్రష్ చేయనివారిలో అనేక అనారోగ్య సమస్యలు వేధిస్తుంటాయి. ముఖ్యంగా పేలవమైన దంత పరిశుభ్రత అనేక వ్యాధులతో దారితీస్తుంది. చాలా మంది ప్రధానంగా నోటి దుర్వాసన సమస్యను ఎదుర్కొంటున్నారు. దీన్నే హాలిటోసిస్ అని పిలుస్తారు. వెంటనే శ్రద్ధ చేసుకోవాలి.

లేదంటే.. నోటి అపరిశుభ్రత కారణంగా మధుమేహం, గుండె జబ్బులతో సంబంధం ఉందని అధ్యయనాల్లో తేలింది. నోటి బ్యాక్టీరియాతో వాపు ఏర్పడటమే కాకుండా మధుమేహం, పీరియాంటల్ (గమ్) వ్యాధి మధ్య అనేక రుగ్మతలకు దారితీస్తుందని పరిశోధనలో గుర్తించారు. మధుమేహం ఉన్న వ్యక్తులు చిగుళ్ల వ్యాధికి ఎక్కువగా గురవుతారు.
చిగుళ్ల వ్యాధితో మధుమేహం ముప్పు :
చిగుళ్ల వ్యాధి కారణంగా రక్తంలో చక్కెర స్థాయిలను నియంత్రించడం సాధ్యం కాదు. ఫలితంగా పీరియాడోంటల్ వ్యాధి వాపుకు కారణమవుతుంది. ఇన్సులిన్ నిరోధకత కలుగుతుంది. డయాబెటిక్ రోగులలో గ్లైసెమిక్ నియంత్రణకు దారితీస్తుంది. దాంతో ఇన్సులిన్ రెసిస్టెన్స్ ఏర్పడి కండరాలు, కొవ్వు, కాలేయంలోని కణాలు ఇన్సులిన్ (హార్మోన్)కి స్పందించవు.

రక్తంలోని గ్లూకోజ్‌ను సులభంగా తీసుకోలేదు. ఫలితంగా, మీ ప్యాంక్రియాస్ గ్లూకోజ్ కణాలలోకి ప్రవేశించేందుకు ఎక్కువ మొత్తంలో ఇన్సులిన్‌ను తయారు చేస్తుంది. శరీరంలో ఇన్సులిన్ స్థాయిలలో అసమతుల్యత ఏర్పడుతుంది. క్రమంగా మధుమేహానికి దారితీస్తుంది.

దంత సమస్యలతో గుండెజబ్బులు :
జర్నల్ ఆఫ్ పీరియాడోంటాలజీలో ప్రచురించిన అధ్యయనం ప్రకారం.. మధుమేహం లేని వ్యక్తులతో పోలిస్తే.. మధుమేహం ఉన్నవారు తీవ్రమైన చిగుళ్ల వ్యాధికి గురయ్యే అవకాశం ఉంది. నోటి ఆరోగ్యంలో ముఖ్యంగా చిగుళ్ల వ్యాధి, దీర్ఘకాలిక మంటకు దారితీస్తుంది. హృదయ సంబంధ వ్యాధులకు కారణమవుతుంది. గమ్ వ్యాధి నుంచి నోటి బాక్టీరియా రక్తప్రవాహంలోకి ప్రవేశించి ధమనుల ఫలకాలు ఏర్పడతాయి. దాంతో గుండెపోటు ప్రమాదాన్ని పెంచుతుంది.

ఇతర వ్యాధుల కన్నా పీరియాంటల్ వ్యాధి గుండెజబ్బులతో ముడిపడి ఉందని పరిశోధన కనుగొంది. చికిత్స చేయని చిగుళ్ల వ్యాధి రక్తప్రవాహంలో వ్యాపించే వాపుకు కారణమవుతుంది. ఓరల్ బ్యాక్టీరియా ధమనులలో ఫలకం ఏర్పడటానికి కూడా కారణమవుతుంది. ఇటీవలి పరిశోధనలో గుండె సమస్యల ప్రమాదాన్ని మరింత పెంచుతుందని డాక్టర్ సూరి పేర్కొన్నారు. నోటి పరిశుభ్రతకు అనేక మార్గాలను ఆయన సూచించారు.

రెగ్యులర్ బ్రషింగ్ ఫ్లాసింగ్ : ఫ్లోరైడ్ టూత్‌పేస్ట్‌తో ప్రతిరోజూ రెండుసార్లు బ్రష్ చేయాలి. రోజువారీ ఫ్లాసింగ్ పేరుకుపోవడాన్ని పాసిని తగ్గిస్తుంది. బ్యాక్టీరియా వ్యాప్తిని అడ్డుకుంటుంది. చిగుళ్ల ఆరోగ్యాన్ని కాపాడుతుంది.
రొటీన్ డెంటల్ చెక్-అప్‌లు : దంత నిపుణులతో నోటి సమస్యలను ముందుగానే గుర్తించడం ద్వారా అనేక అనారోగ్య సమస్యలను నివారించవచ్చు.
సమతుల్య ఆహారం : పండ్లు, కూరగాయలు, తృణధాన్యాలు అధికంగా ఉండే ఆహారాన్ని స్వీకరించడం, చక్కెర, ఆమ్ల ఆహారాలను పరిమితం చేయడం, నోటి ఆరోగ్యాన్ని పెంచుతుంది.

నేటి తెలుగు పంచాంగం ఈ రోజు శుభ, అశుభ గడియలు ఇవే.. ! నేటి రాశి ఫలాలు.. 12 రాశుల ఫలితాలు ఇలా…(14/04/24)

Mannam Web

Sun, 14 Apr, 2024

today telugu panchangam today telugu panchangam తెలుగు పంచాంగం ప్రకారం, శ్రీ క్రోధి నామ సంవత్సరంలో ఏప్రిల్(April) 14వ తేదీన యమగండం, విజయ ముహుర్తం, బ్రహ్మా ముహుర్తాలు, అశుభ ఘడియలు ఎప్పుడెప్పుడొచ్చాయనే పూర్తి వివరాలను ఆచార్య కృష్ణ దత్త శర్మ మాటల్లో తెలుసుకుందాం…

మిధునంలో చంద్రుడి సంచారం..
రాష్ట్రీయ మితి ఛైత్ర 25, శాఖ సంవత్సరం 1945, ఛైత్ర మాసం, శుక్ల పక్షం, షష్ఠి తిథి, విక్రమ సంవత్సరం 2080. షవ్వాల్ 04, హిజ్రీ 1445(ముస్లిం), AD ప్రకారం, ఇంగ్లీష్ తేదీ 14 ఏప్రిల్ 2024 సూర్యుడు దక్షిణయానం, రాహుకాలం సాయంత్రం 4:55 గంటల నుంచి సాయంత్రం 6: 28 గంటల వరకు. ఈరోజు షష్టి తిథి ఉదయం 11:44 గంటల వరకు ఉంటుంది. ఆ తర్వాత సప్తమి తిథి ప్రారంభమవుతుంది. ఈరోజు ఆరుద్ర నక్షత్రం రాత్రి 1:34 గంటల వరకు ఉంటుంది. ఆ తర్వాత పునర్వసు నక్షత్రం ప్రారంభమవుతుంది. ఈరోజు చంద్రుడు మిధున రాశిలో సంచారం చేయనున్నాడు.
నేడు శుభ ముహుర్తాలివే..
బ్రహ్మ ముహుర్తం : తెల్లవారుజామున 4:27 గంటల నుంచి ఉదయం 5:15 గంటల వరకు
అభిజిత్ ముహుర్తం : ఉదయం 11:51 గంటల నుంచి మధ్యాహ్నం 12:41 గంటల వరకు
అమృత కాలం : మధ్యాహ్నం 3:15 గంటల నుంచి సాయంత్రం 4:54 గంటల వరకు
సూర్యోదయం సమయం 14 ఏప్రిల్ 2024 : ఉదయం 6:04 గంటలకు
సూర్యాస్తమయం సమయం 14 ఏప్రిల్ 2024: సాయంత్రం 6:28 గంటలకు

నేడు అశుభ ముహుర్తాలివే..
రాహు కాలం : సాయంత్రం 4:55 గంటల నుంచి సాయంత్రం 6: 28 గంటల వరకు
గులిక్ కాలం : మధ్యాహ్నం 3:22 గంటల నుంచి సాయంత్రం 4:55 గంటల వరకు
యమ గండం : మధ్యాహ్నం 12:16 గంటల నుంచి మధ్యాహ్నం 1:49 గంటల వరకు
దుర్ముహుర్తం : సాయంత్రం 4:49 గంటల నుంచి సాయంత్రం 5:38 గంటల వరకు
నేటి పరిహారం : ఈరోజు సూర్య భగవానుడికి అర్ఘ్యం సమర్పించాలి.

Today Horoscope in Telugu: నేటి రాశి ఫలాలు.. 12 రాశుల ఫలితాలు ఇలా…(14/04/24)

మేషం
ప్రయత్నకార్యసిద్ధి ఉంది. శారీరక శ్రమ కాస్త పెరుగుతుంది. చేయని పొరపాటుకు నిందపడాల్సి వస్తుంది. ప్రయాణాల్లో జాగ్రత్త అవసరం. ఇష్టదైవాన్ని పూజిస్తే మంచిది.

వృషభం
ఊహించిన ఫలితాలను రాబట్టడానికి అధికంగా శ్రమించాలి. ఎవరితోనూ వాగ్వాదాలకు దిగకండి. కోపాన్ని తగ్గించుకుంటే మంచిది. వివాదాలకు దూరంగా ఉండాలి. గోసేవ చేస్తే మంచిది.

మిథునం
సుఖప్రదమైన కాలాన్ని గడుపుతారు. కీలక విషయాల్లో సత్ఫలితాలను పొందుతారు. కుటుంబ వాతావరణం అనుకూలంగా ఉంటుంది. శివుణ్ణి ఆరాధిస్తే మంచిది.

కర్కాటకం
మనోబలంతో చేసే పనులు ఫలిస్తాయి. కొన్ని సంఘటనలు మనసుకు ఒత్తిడిని కలిగిస్తాయి. శారీరక శ్రమ పెరుగుతుంది. సమయానికి నిద్రాహారాలు తప్పనిసరి. దుర్గాదేవిని ఆరాధిస్తే సత్ఫలితాలు వస్తాయి.

సింహం
సమాజంలో మీ విలువ పెరుగుతుంది. కుటుంబ సభ్యులతో అవగాహనతో ఉండండి. ఆర్థికంగా మంచి ఫలితాలు వస్తాయి. స్వస్థానప్రాప్తి సూచనలు ఉన్నాయి. శ్రీసుబ్రహ్మణ్య అష్టకం చదవండి.

కన్య
మంచి ఫలితాలు ఉన్నాయి. బంధువుల సహకారం అందుతుంది. అభివృద్ధిని ఇచ్చే అంశాల్లో సహనాన్ని కోల్పోకండి. ఇష్టదేవతారాధన శుభప్రదం.

తుల
శత్రువుల మీద విజయం సాధిస్తారు. కొన్ని పరిస్థితులు బాధతో పాటు మానసిక ఇబ్బంది కలిగిస్తాయి. లింగాష్టకం చదవడం వల్ల మంచి ఫలితాలను పొందగలుగుతారు.

వృశ్చికం
ధైర్యంతో ముందడుగు వేసి అనుకున్న పనిని పూర్తిచేయగలుగుతారు. సమాజంలో మీ కీర్తి పెరుగుతుంది. సంతోషంగా గడుపుతారు. భోజసౌఖ్యం కలదు. చేయని తప్పునకు నింద పడాల్సి వస్తుంది. కలహ సూచన. అనవసర ఖర్చులు పెరుగుతాయి. మానసిక ప్రశాంతత లోపిస్తుంది. శ్రీలక్ష్మీ ఆరాధన శుభప్రదం.

ధనుస్సు
పట్టుదలతో పనిచేయండి. గొప్ప లాభాలు ఉన్నాయి. మీకు అప్పగించిన బాధ్యతలను సమర్థంగా పూర్తిచేస్తారు. సమయానుకూలంగా ముందుకు సాగండి. పెద్దల ఆశీర్వచనాలు మిమ్మల్ని రక్షిస్తూ ఉంటాయి. గణపతి ధ్యానం శుభప్రదం.

మకరం
పెద్దల సహాయంతో ఒక పని పూర్తి చేస్తారు. వ్యాపారంలో క్రమంగా ఎదుగుతారు. కొందరు మీ ఉత్సాహానికి ఆటంకం కలిగించాలని చూస్తారు. ఆరోగ్యాన్ని నిర్లక్ష్యం చేయకండి. ప్రయాణాల్లో జాగ్రత్త అవసరం. శివారాధన శుభప్రదం.

కుంభం
అనుకున్న పని నెరవేరుతుంది. తోటివారితో సంతోషాన్ని పంచుకుంటారు. మీ తెలివితేటలతో అందరినీ ఆకర్షిస్తారు. విద్యావంతులతో పరిచయాలు ఏర్పడతాయి. శ్రీసుబ్రహ్మణ్య ధ్యానశ్లోకం చదివితే మంచి జరుగుతుంది.

మీనం
ఆర్థికంగా విజయాలు సాధిస్తారు. శ్రమకు తగ్గ ఫలితం లభిస్తుంది. బంధు,మిత్రులతో సంతోషంగా గడుపుతారు. భోజన సౌఖ్యం కలదు. శివాష్టకం చదివితే మంచి జరుగుతుంది.

MF: రూ.లక్షను రూ.1.53 కోట్లుగా మార్చిన మ్యూచువల్ ఫండ్..

Mannam Web

Sat, 13 Apr, 2024

ఈక్విటీలో కపౌండ్ మ్యాజిక్ తెలిస్తే.. పెట్టుబడి పెట్టకుండా ఉండలేరు. మ్యూచువల్ ఫండ్ లో 25 ఏళ్ల క్రితం రూ.లక్ష పెట్టుబడి పెడితే ఇప్పుడు దాని విలు రూ.1.53 కోట్లకు చేరుకుంది. ఆగస్ట్ 1998లో మ్యూచువల్ ఫండ్ స్కీమ్ ప్రారంభించిన సమయంలో దానిలో రూ.1 లక్ష పెట్టుబడి పెడితే అది 25 ఏళ్లలో ₹1.53 కోట్లకు చేరుకుంది. దీర్ఘకాలం పాటు పెట్టుబడి పెట్టడం వల్ల ఊహించిన దానికంటే ఎక్కువ డివిడెండ్‌లు లభిస్తాయి.
మ్యూచువల్ ఫండ్ పథకాలు, డిఫాల్ట్‌గా, ప్రారంభ సంవత్సరాల్లో సంపాదించిన ఆదాయాలను మళ్లీ పెట్టుబడి పెట్టడం వలన, ప్రారంభ సంవత్సరాల్లో సంపాదించిన వాటి కంటే తరువాతి సంవత్సరాల్లో రాబడి సహజంగానే ఎక్కువగా ఉంటుంది. వారెన్ బఫెట్ వంటి పెట్టుబడిదారుల ద్వారా భారీ సంపద ఉత్పత్తికి కపౌండ్ ఇంట్రెస్ట్ ఒక ముఖ్య కారణం. ఆదిత్య బిర్లా సన్ లైఫ్ ఫ్లెక్సీ క్యాప్ ఫండ్ 25 ఏళ్ల క్రితం రూ.లక్ష పెట్టుబడి పెడితే దాని విలువ ఇప్పుడు రూ.1.53 కోట్లుగా ఉండేది.
రూ.1 లక్ష పెట్టుబడి ఒక సంవత్సరంలో రూ.1.40 లక్షలకు పెరిగి ఉండేది. అదే డబ్బును మూడేళ్ల కాలానికి ఇన్వెస్ట్ చేస్తే అది రూ.1.61 లక్షలకు పెరిగింది. అలాగే ఒక ఇన్వెస్టర్ ఐదు సంవత్సరాల కాలానికి రూ.1 లక్ష ఇన్వెస్ట్ చేసి ఉంటే పెట్టుబడి మొత్తం రూ.2.11 లక్షల వరకు పెరిగి ఉండేది. ఒక పెట్టుబడిదారుడు ఒక దశాబ్దం క్రితం రూ.1 లక్ష పెట్టుబడి పెట్టి ఉంటే ఇప్పుడు పెట్టుబడి మొత్తం రూ.4.71 లక్షలకు పెరిగి ఉండేది. ఈ మ్యూచువల్ ఫండ్ పథకం గత 25 సంవత్సరాల ఏడు నెలల్లో అనూహ్యంగా 21.73 శాతం రాబడి అందించినందున రూ. 1 లక్ష పెట్టుబడి రూ.1.53 కోట్లకు పెరిగి ఉండేది. ఆదిత్య బిర్లా సన్ లైఫ్ ఫ్లెక్సీ క్యాప్ ఫండ్ ఆగస్ట్ 27, 1998న ప్రారంభించారు. దీనిని ధవల్ జోషి, హరీష్ కృష్ణన్ నిర్వహిస్తున్నారు. ఈ ఫండ్ ఐసీఐసీఐ బ్యాంక్, హెచ్ డీఎఫ్ సీ బ్యాంక్, ఇన్ఫోసిస్, సన్ ఫార్మా, హెచ్ సీఎల్ టెక్నాలజీస్, రిలయన్స్, భారతీ ఎయిర్‌టెల్, ఎల్అండ్ టీ, అపోలో హాస్పిటల్స్ లో ప్రముఖంగా పెట్టుబడి పెట్టింది.
కీలకమైన విభాగాలు ఫైనాన్షియల్స్ (27 శాతం), టెక్నాలజీ (11.74 శాతం), హెల్త్‌కేర్ (11.3 శాతం), కన్స్యూమర్ స్టేపుల్స్ (8.7 శాతం) మరియు ఆటోమొబైల్ (5.19 శాతం) వెయిటేజీ ఇచ్చింది. దీని మొత్తం వ్యయ నిష్పత్తి(ఎక్స్ పెన్సివ్ రేషియో) 1.68 శాతంగా ఉంది.ఒక పథకం గతంలో అధిక రాబడిని ఇచ్చినందున అది భవిష్యత్తులో అదే వేగంతో పెరుగుతుందని అర్థం కాదని గుర్తుంచుకోవాలి.

AP Politics: మేనత్త వైఎస్ విమలపై షర్మిల సంచలన వ్యాఖ్యలు

Mannam Web

Sat, 13 Apr, 2024

కడప జిల్లా: మేనత్త వైఎస్ విమలారెడ్డిపై ఏపీ కాంగ్రెస్ చీఫ్ వైఎస్ షర్మిల (YS Sharmila) తీవ్రస్థాయిలో విరుచుకుపడ్డారు. ‘మేనత్తకు వయసు మీద పడింది. అందుకే సీఎం జగన్ వైపు మాట్లాడుతుంది. అసలే ఎండకాలం కదా అందుకే జగన్‌కు అనుకూలంగా మాట్లాడి ఉండొచ్చు. మరో ముఖ్య విషయం ఏమిటంటే.. విమలమ్మ కొడుకుకు సీఎం జగన్ పనులు ఇచ్చారు. ఆ పనులు చేయడంతో విమలమ్మ కుటుంబం ఆర్థికంగా ఎదిగింది. ఇప్పుడు మేనత్త స్థాయి వేరే. అందుకే జగన్ వైపు మాట్లాడుతున్నారు. చనిపోయింది తన సొంత అన్న అనే విషయం మరచిపోయారు అని’ షర్మిల (YS Sharmila) మండిపడ్డారు.

‘తన మేనత్త విమలమ్మకు వివేకానంద ఎంత చేశారో మరిచి పోయినట్టున్నారు. అవి గుర్తుకొస్తే ఇలా మాట్లాడారు. వివేకా హత్య కేసుకు సంబంధించి తాము ఆధారాలతో మాట్లాడుతున్నాం. దర్యాప్తు సంస్థ సీబీఐ చూపించిన ఆధారాలతో నమ్మాం. అంతే తప్ప హత్య కేసుకు సంబంధించి ఆరోపణలు చేయడం లేదు. ఆధారాలు లభించిన తర్వాత వివేకా హత్యలో అవినాష్ ప్రమేయం ఉందని విశ్వసించాం. ఇకనైనా హత్య రాజకీయాలు ఆపాలని కోరుతున్నాం. హత్య చేసిన నర హంతకులు చట్టసభల్లోకి వెళ్లకుండా పోరాడుతున్నాం అని’ వైఎస్ షర్మిల స్పష్టం చేశారు.

మైలేజ్‌లో సూపర్‌.. సేఫ్టీలో బంపర్‌.. రూ.6 లక్షల్లో అద్భుతమైన కారు!

Mannam Web

Sat, 13 Apr, 2024

Tata Tiago: కరోనా తర్వాత సొంత వాహనాల కొనుగోళ్లు పెరిగాయి. ఒకప్పుడు సంపన్నులకే పరిమితమైన కారు.. ఇప్పుడు మధ్య తరగతి ప్రజల ఇళ్ల ముందు కూడా దర్శనమిస్తోంది.
లోప్‌ లేదా అప్పు చేసి కారు కొనుగోలు చేస్తున్నారు. ఇక మధ్య తరగతి కుటుంబాలు కారు కొనేటప్పుడు మైలేజీ, పనితీరుతోపాటు భద్రత కూడా చూసుకుంటున్నారు. ఈ నేపథ్యంలో భారతీయ ప్రముఖ ఆటోమొబైల్‌ సంస్థ టాటా తెచ్చిన టాటా టియాగో కారు సేఫ్టీ విషయంలో 4 స్టార్‌ సేఫ్టీ రేటింగ్‌తోపాటు మంచి మైలేజీతో కేవలం రూ.6 లక్షల్లోనే కారును తీసుకొచ్చింది. కారు గురించి తెలుసుకుందాం.

ప్రత్యేకతలు ఇవీ..
టాటా టియాగో కారు మార్కెట్‌లో రూ.5.65 లక్షల(ఎక్స్‌ షోరూం) నుంచి రూ.8.90 లక్షల వరకు ఉంది. ఈ హ్యాచ్‌బ్యాక్‌ కారు మారుతి ఆల్టో, ఎస్‌-ప్రెస్సో, సెలెరియో, వ్యాగన్‌ ఆర్‌ వంటి కార్లతో పోటీపడుతుంది. టాటా టియాగోలో ఉన్న ప్రత్యేకత ఏమిటంటే, ఇది భద్రత పరంగా చాలా బాగుంది. అత్యంత సురక్షితమైన హ్యాచ్‌బ్యాక్‌ కారు. ఇది GNCAP క్రాష్‌ టెస్ట్‌లో 4-స్టార్‌లను పొందింది.
ఇంజిన్, మైలేజ్‌..
టాటా టియాగో కారు ఇంజిన్‌ 1.2-లీటర్‌ పెట్రోల్‌ ఇంజిన్‌ కలిగి ఉంది. ఇది 86 Bhp శక్తిని, 113 Nm టార్క్‌ను ఉత్పత్తి చేస్తుంది. అంతేకాకుండా, ఈ కారు CNG ఎంపికలో కూడా వస్తుంది. ఈ ఇంజిన్ తో 5-స్పీడ్‌ మాన్యువల్, 5-స్పీడ్‌ AMT గేర్‌బాక్స్‌ ఎంపిక అందుబాటులో ఉంది. ఈ కారు భద్రతతో పాటు మంచి మైలేజీని అందిస్తుంది. కంపెనీ ప్రకారం, పెట్రోల్‌లో దాని మైలేజ్‌ 19.01kmpl. అదే సమయంలో, ఒక కిలో సీఎన్ జీతో 26.49 కి.మీల వరకు నడపవచ్చు.

తిరుమల శ్రీవారి భక్తులకు శుభవార్త.. జులై నెల షెడ్యూల్ విడుదల..

Mannam Web

Sat, 13 Apr, 2024

ఆంధ్రప్రదేశ్‌లో పర్యాటకులు సందర్శించేందుకు ఆధ్యాత్మిక ప్రదేశాలు అనేకం ఉన్నాయి. అందులో ముఖ్యంగా తిరుమల తిరుపతి దేవస్థానం ఒకటి. నిత్యం తిరుమలకు భక్తుల రద్దీ ఎక్కువగా ఉంటుంది.
అయితే, శ్రీవారి భక్తులకు తిరుమల తిరుపతి దేవస్థానం ఓ శుభవార్త తీసుకొచ్చింది. జులై నెలకు సంబంధించిన దర్శనం, ఆర్జితసేవా టికెట్లు, శ్రీవారి సేవ కోటా ఆన్‌లైన్‌లో విడుదల చేయనున్నట్లు టీటీడి అధికారులు తెలిపారు. ఈనెల18వ తేది ఉదయం 10 గంటల నుంచి 20వ తేదీ ఉదయం 10 గంటల వరకు శ్రీవారి ఆర్జిత సేవా టికెట్ల లక్కీడిప్ కోసం నమోదు చేసుకోవచ్చని అన్నారు.

ఈనెల 22వ తేదీ మధ్యాహ్నం 12 గంటలలోపు సొమ్ము చెల్లించి టికెట్లు ఖరారు చేసుకోవాల్సి ఉంటుందని తెలిపారు. ఏప్రిల్ 22వ తేదీ ఉదయం 10 గంటలకు శ్రీవారి ఆర్జితసేవలైన కల్యాణోత్సవం, ఊంజల్‌సేవ, ఆర్జిత బ్రహ్మోత్సవం, సహస్రదీపాలంకార సేవా టికెట్ల కోటాను విడుదల చేస్తారు.అదే రోజు మధ్యాహ్నం 3 గంటలకు శ్రీవారి వర్చువల్ సేవలైన కల్యాణోత్సవం, ఊంజల్‌సేవ, ఆర్జిత బ్రహ్మోత్సవం, సహస్రదీపాలంకార సేవా టికెట్లు, దర్శన టికెట్ల కోటాను కూడా విడుదల చేయనున్నట్లు తిరుమల తిరుపతి దేవస్థానం అధికారులు వివరించారు.
ప్రత్యేక దర్శన టికెట్లు విడుదల..

ఇక, ఈ నెల 23న ఉదయం పది గంటలకు అంగప్రదక్షిణం టోకెన్లు కూడా భక్తులకు అందుబాటులో ఉండనున్నట్లు టీటీడీ పేర్కొంది. అదే రోజు ఉదయం పదకొండు గంటలకు శ్రీవాణి ట్రస్టు దాతల దర్శనం, గదుల కోటాను విడుదల చేయనున్నారు. అదే రోజు మధ్యాహ్నం 3 గంటల సమయంలో వృద్ధులు, దివ్యాంగుల దర్శన టికెట్ల కోటాను విడుదల చేయనున్నట్లు టీటీడీ తెలిపింది. వీటితో పాటు ప్రత్యేక దర్శన టిక్కెట్లను ఈ నెల 24న ఉదయం 10 గంటలకు 300 రూపాయలతో భక్తులకు అందుబాటులో ఉంచనున్నారు. అదే రోజు మధ్యాహ్నం మూడు గంటలకు తిరుమల, తిరుపతిలోని గదుల కోటాను విడుదల చేయనున్నట్లు అధికారులు తెలిపారు.

కోదండరామస్వామి వార్షిక బ్రహ్మోత్సవాలు..

రామస్వామి ఆలయంలో వార్షిక బ్రహ్మోత్సవాలు ఎంతో వైభవంగా జరిగాయి. తిరుపతి శ్రీ కోదండరామస్వామి వార్షిక బ్రహ్మోత్సవాల్లో ఏడో రోజు గురువారం (ఏప్రిల్ 11) రాత్రి 7 గంటలకు స్వామివారు చంద్రప్రభ వాహనంపై భక్తులకు దర్శనమిచ్చారు. ఆలయ నాలుగు మాడ వీధుల్లో వాహనసేవ ఎంతో వైభవంగా జరిగింది. భక్తులు అడుగడుగునా కర్పూరహారతులు సమర్పించి స్వామివారిని దర్శించుకోవడం జరిగింది. ఇక, ఈ వాహనసేవ కార్యక్రమంలో తిరుమల శ్రీశ్రీశ్రీ పెద్దజీయర్‌స్వామి, శ్రీశ్రీశ్రీ చిన్నజీయర్‌స్వామి, ఆలయ డిప్యూటీ ఈవో శ్రీమతి నాగరత్న, ఏఈవో పార్థసారధి, సూపరింటెండెంట్‌ సోమశేఖర్‌, కంకణభట్టర్ సీతారామాచార్యులు, తదితరులు పాల్గొన్నారు.

శ్రీవారి సేవ కోటా విడుదల..

ఇక, ఈనెల 27వ తేది ఉదయం పదకొండు గంటలకు తిరుమల, తిరుపతిలోని శ్రీవారి సేవ కోటాను విడుదల చేయనున్నారు. ఏప్రిల్ 27 వ తేది మధ్యాహ్నం 12 గంటలకు నవనీత సేవ కోటాను, మధ్యాహ్నం 1 గంటలకు పరకామణి సేవ కోటాను ఆన్‌లైన్‌లో అందుబాటులో ఉంచనున్నారని అధికారులు పేర్కొన్నారు. అంతేకాదు, తిరుమల శ్రీవారి భక్తులు శ్రీవారి ఆర్జితసేవలు, దర్శన టికెట్లు బుక్ చేసుకునేందుకు ఆలయ వెబ్‌సైట్‌ను https://ttdevasthanams.ap.gov.in సందర్శించొచ్చని తిరుమల తిరుపతి దేవస్థానం పేర్కొంది.

Oversleeping Side Effects: ఎక్కువ సేపు నిద్రపోతున్నారా..? ఈ జబ్బులు ఖాయం..!

Mannam Web

Sat, 13 Apr, 2024

మీరు ఆరోగ్యంగా ఉండాలంటే ఏడు నుంచి ఎనిమిది గంటల నిద్ర చాలా ముఖ్యం. కానీ కొందరు మాత్రం 10-12 గంటలు నిద్రపోతారు. అధిక నిద్ర కూడా ఆరోగ్యానికి మంచిది కాదని మీకు తెలుసా..?
అవును అతిగా నిద్రపోవటం వల్ల ఆరోగ్యానికి హానికరం అంటున్నారు నిపుణులు. ప్రతి ఒక్కరూ 8-9 గంటల నిద్ర అవసరం అని వైద్యులు తరచుగా చెబుతారు. కానీ మీరు అంతకంటే ఎక్కువ నిద్రపోతే అది తీవ్రమైన అనారోగ్యానికి సంకేతంగా ఉంటుందని హెచ్చరిస్తున్నారు. అది ఎలాగో ఇక్కడ తెలుసుకుందాం..

మీకు ఆరోగ్యకరమైన జీవితం కావాలంటే, మీరు 7-8 గంటలు నిద్రపోవడం చాలా ముఖ్యం. ఇది మిమ్మల్ని శారీరకంగా, మానసికంగా దృఢంగా ఉంచుతుంది. సరైన నిద్ర అనంతరం మేల్కొన్నప్పుడు, మీరు చాలా రిలాక్స్‌గా ఉంటారు. రోజంతా హాయిగా గడిచిపోతుంది. మీరు మీ పనిని ఎంతో ఉత్సహంగా, సరికొత్త మార్గంలో ప్రారంభించి పూర్తి చేస్తారు. సంపూర్ణ నిద్రతో మర్నాడు అలసట లేకుండా ఉంటారు. నీరసం అస్సలు మీ దరిచేరాదు. కానీ, చాలా తక్కువ సమయం లేదంటే, ఎక్కువ టైమ్‌ నిద్రపోవడం చాలా హానికరం.
8 గంటల కన్నా ఎక్కువ సమయం నిద్రపోయే వారిలో బ్రెయిన్‌ స్ట్రోక్‌ వచ్చే ముప్పు అధికంగా ఉంటుందని పలు అధ్యయనాలు చెబుతున్నాయి. అతిగా నిద్రపోవటం వల్ల బరువు పెరుగుతారు. తలనొప్పి, వెన్ను నొప్పి వంటి సమస్యలు వస్తాయి. గుండె జబ్బులు, డయాబెటిస్ వచ్చేందుకు అవకాశం ఉంటుంది. శరీరం కొవ్వును ఎక్కువగా నిల్వ చేసుకుంటుంది. ఫలితంగా గుండె సమస్యలు ఎదుర్కోవాల్సి వస్తుందని హెచ్చరిస్తున్నారు. అతిగా నిద్ర పోయే వారిలో డిప్రెషన్‌, తీవ్రమైన తలనొప్పి వంటి సమస్యలు వస్తాయంటున్నారు. అతిగా నిద్రపోయే వారిలో వృద్ధాప్య లక్షణాలు త్వరగా కనిపిస్తాయి. అంతేకాదు.. అతిగా నిద్రపోయేవారు విపరీతమైన అలసటను అనుభవిస్తారు. ఏ పనీ చేయబుద్ది కాదు. చిన్న పని చేసినా అలసిపోతుంటారని నిపుణులు చెబుతున్నారు.
మీరు 9 గంటల కంటే ఎక్కువ నిద్రపోతే ఇది సాధారణమైనది కాదని ఆరోగ్య నిపుణులు అంటున్నారు. ఇది ఆందోళన కలిగించే విషయంగా చెబుతున్నారు.. ఇది నిద్ర రుగ్మత లేదా ఏదైనా ఇతర అనారోగ్య సమస్య కావొచ్చునని అంటున్నారు. డిప్రెషన్, మానసిక సమస్యలు, గుండె అసాధారణ రీతిలో కొట్టుకోవడం తదితర లక్షణాలు కనిపిస్తాయి. ఆలస్యంగా నిద్రపోవడం వల్ల ఊబకాయం, మధుమేహం, రెస్ట్‌లెస్ లెగ్ సిండ్రోమ్, క్రానిక్ పెయిన్, స్లీప్ అప్నియా, నిద్రలేమి, హైపోథైరాయిడిజం, డిప్రెషన్ లేదా యాంగ్జయిటీ, కార్డియోవాస్క్యులార్ డిసీజ్ వంటి నిద్ర రుగ్మతలు వచ్చే ప్రమాదం ఉంది.

అమెరికాలో ప్రశ్నార్థకంగా ఎంఎస్ చేస్తున్న విద్యార్థుల పరిస్థితి.. బిక్కుబిక్కుమంటున్న తెలుగు విద్యార్థులు

Mannam Web

Sat, 13 Apr, 2024

అమెరికాలో ఎంఎస్ చేసేందుకు వెళ్లిన వేలాది మంది భారతీయ విద్యార్థుల పరిస్థితి ప్రశ్నార్థకంగా మారింది. ఎందుకంటే చాలా మంది విద్యార్థుల హెచ్‌-1బీ దరఖాస్తులు తిరస్కరణకు గురికావడమే.
దీంతో చాలా మంది తెలుగు విద్యార్థులు బిక్కుబిక్కుమంటూ గడపాల్సిన పరిస్థితి నెలకొంది. వివరాలు.. యునైటెడ్ స్టేట్స్ సిటిజన్‌షిప్ అండ్ ఇమ్మిగ్రేషన్ సర్వీసెస్ (యూఎస్‌సీఐఎస్‌) 2025 ఆర్థిక సంవత్సరం కోసం లాటరీ విధానంలో తమ దరఖాస్తులను దాఖలు చేసిన హెచ్-1బీ దరఖాస్తుదారులకు ఈ మెయిల్ నోటిఫికేషన్‌లను పంపింది. యూఎస్‌సీఐఎస్ లాటరీ విధానంలో యాదృచ్చిక ఎంపికలు జరిపిన తర్వాత.. దరఖాస్తు ఆమోదాలను, తిరస్కరణలను పంపింది.

యూఎస్‌సీఐఎస్‌ తగిన సంఖ్యలో దరఖాస్తులను అందుకుంది.. అయితే ఈ పరిమితి 65,000 H-1B వీసా రెగ్యులర్ క్యాప్ కాగా, మాస్టర్స్ విద్యార్థులకు 20,000 మాత్రంగా ఉంది. అయితే వేలాది మంది ఎంఎస్ విద్యార్థులు వారి దరఖాస్తుల తిరస్కరణల గురించి తెలియజేయబడింది. దీంతో సోషల్ మీడియా ద్వారా వారు నిరాశ, విచారం వ్యక్తం చేస్తున్నారు. చాలా మంది ఇప్పటికే తమ కళాశాలల కోసం భారీ మొత్తంలో డబ్బు ఖర్చు చేసినందున.. తదుపరి ఏమి చేయాలనే దానిపై ఎలాంటి ఆలోచన లేకుండా ఉండిపోయారు.

అయితే అలాంటి విద్యార్థులు తమ చదువులను పొడిగించుకోవడానికి భారతదేశంలోని తల్లిదండ్రుల నుంచి ఎక్కువ డబ్బు తీసుకురావాల్సి ఉంటుంది. అంతేకాకుండా హెచ్ -బీ సీజన్ తెరవడానికి వచ్చే ఏడాది వరకు వేచి ఉండాలి. అయితే వచ్చే ఏడాది వారి దరఖాస్తు ఎంపిక చేయబడుతుందనే గ్యారంటీ కూడా లేదు. మరోవైపు వచ్చే ఏడాది ప్రస్తుతం తిరస్కరణకు గురైన వారితో పాటు కొత్తవారితో కలిపి.. ఈ దరఖాస్తుల సంఖ్య మరింతగా పెరిగే అవకాశం ఉటుంది.

ఈ పరిణామాల నేపథ్యంలో.. అమెరికాలో ఎంఎస్ చేస్తున్న మెజారిటీ భారతీయ విద్యార్థుల పరిస్థితి ప్రశ్నార్థకంగా మారింది. కోవిడ్ అనంతరం ఉన్నత చదువులకోసం తమ దేశం రావాలని అనుకుంటున్న దాదాపు ప్రతి విద్యార్థికి అమెరికా వీసాలు జారీ చేసింది. అయితే అలా వెళ్లిన చాలా మంది విద్యార్థులు ఇప్పుడు అక్కడ కఠినమైన వాస్తవాన్ని ఎదుర్కొంటున్నారు. మరోవైపు దరఖాస్తులు ఎంపిక చేయబడిన విద్యార్థులు కూడా త్వరలో ఉద్యోగంలో చేరాల్సి రావడంతో సంతోషించలేకపోతున్నారు. ఎందుకంటే..వారు నిరంతర పేరోల్‌ను చూపించాలి, లేకపోతే వారు రెన్యూవల్స్ కోసం వెళ్లినప్పుడు భవిష్యత్తులో తిరస్కరణలను ఎదుర్కొంటారు. అయితే అందరూ కాకపోయిన.. ఉన్నత చదువుల కోసం అమెరికాకు వెళ్లినవారిలో పలువురు విద్యార్థులు ఇలాంటి సమస్యలనే ఎదుర్కొంటున్నారు.

లింక్డిన్‌లో శ్రేయా మిశ్రా అకౌంట్ నుంచి ఇలాటి పరిస్థితే నివేదించబడింది. ”నేను యూఎస్‌లో STEM డిగ్రీ కోసం దాదాపు $100k వెచ్చించాను. ఇప్పుడు హెచ్‌ 1బీ కోసం ఒక్క అవకాశం మాత్రమే మిగిలి ఉంది. ఇది నన్ను ఎక్కడకు తీసుకెళ్తుందో తెలియడం లేదు. నా రెండవ అవకాశంలో కూడా నేను హెచ్ 1బీ లాటరీలో ఎంపిక కాలేదని తెలుసుకుని రెండు రోజులు అయ్యింది. దీని అర్థం వచ్చే ఏడాది నా చివరి అవకాశంలో నేను హెచ్‌ 1బీ పొందకపోతే.. నేను అమెరికా వదిలి వెళ్ళవలసి ఉంటుంది” అని శ్రేయా మిశ్రా పేర్కొన్నారు.

బోర్న్‌విటా కి షాక్… అది హెల్త్ డ్రింక్ కాదు.. షుగర్ లెవల్స్ ఎక్కువ.. కేంద్రం సంచలన ఆదేశాలు

Mannam Web

Sat, 13 Apr, 2024

Bournvita: బోర్న్‌విటాని హెల్త్ డ్రింక్స్ కేటగిరి నుంచి తీసేయాలని కేంద్రం కీలక ఆదేశాలు జారీచేసింది. ఈమేరకు అన్ని ఈ-కామర్స్ సంస్థలకు తమ ప్లాట్‌ఫారమ్స్ నుంచి తొలగించాలని సూచించింది.
వాణిజ్య మరియు పరిశ్రమ మంత్రిత్వ శాఖ ఆదేశాలు జారీ చేసింది. బోర్న్‌విటాతో పాటు అన్ని రకాల పానీయాలను ఈ కేటగిరి నుంచి తొలగించాలని ఆర్డర్స్ ఇష్యూ చేసింది. నేషనల్ కమీషన్ ఫర్ ప్రొటెక్షన్ ఆఫ్ చైల్డ్ రైట్స్, కమీషన్ ఫర్ ప్రొటెక్షన్ ఆఫ్ చైల్డ్ రైట్స్ (CPCR) యాక్ట్, 2005 సెక్షన్ (3) కింద ఏర్పాటైన ఒక చట్టబద్ధమైన సంస్థ, CPCR చట్టం, 2005లోని సెక్షన్ 14 కింద విచారణ జరిపిన తర్వాత ”ఎఫ్ఎస్ఎస్ఏఐ మరియు మోండెలెజ్ ఇండియా ఫుడ్ ప్రైవేట్ లిమిటెడ్ సమర్పించిన నియమాలు మరియు నిబంధనలు ప్రకారం హెల్త్ డ్రింక్స్ నిర్విచించబడలేదు” అని మంత్రిత్వ శాఖ ఒక నోటిఫికేషన్‌లో పేర్కొంది.
హెల్త్ డ్రింక్ లేదా ఎనర్జీ డ్రింక్స్ కేటగిరి కింద ఈ-కామర్స్ వెబ్‌సైట్లలో విక్రయించబడుతున్న డైరీ బెస్డ్ బెవరేజ్ మిక్స్, సెరియల్ బేస్డ్ బెవరేజ్ మిక్స్, మాల్ట్ బేస్డ్ బెవరేజ్‌లు సమీప కేటగిరితో ‘ప్రొప్రైటరీ ఫుడ్’ కింద లైసెన్స్ పొందిన ఆహార ఉత్పత్తులని గుర్తించిన తర్వాత FSSAI నుంచి ఈ ప్రతిస్పందన వచ్చింది. దీంతో FSSAI అన్ని ఇ-కామర్స్ కంపెనీలకు వారి వెబ్‌సైట్‌లలోని ‘హెల్త్ డ్రింక్స్/ఎనర్జీ డ్రింక్స్’ కేటగిరి నుంచి అటువంటి పానీయాలను తీసేయాలని లేదా తొలగించడం ద్వారా ఈ తప్పుడు వర్గీకరణను వెంటనే సరిదిద్దాలని సూచించింది.

మరోవైపు, బోర్న్‌విటాలో షుగర్ లెవల్స్ ఉన్నాయని, ఇది ఆమోదయోగ్యమైన పరిమితుల కంటే చాలా ఎక్కువగా ఉందని ఎన్‌సిపిసిఆర్ చేసిన పరిశోధన నేపథ్యంలో ఈ ఆర్డర్స్ వచ్చాయి. భద్రతా ప్రమాణాలు మరియు మార్గదర్శకాలను పాటించడంలో విఫలమైన మరియు పవర్ సప్లిమెంట్లను ‘హెల్త్ డ్రింక్స్’గా అంచనా వేస్తున్న కంపెనీలపై చర్య తీసుకోవాలని NCPCR భారత ఆహార భద్రత మరియు ప్రమాణాల అథారిటీ (FSSAI)ని కోరింది.

ఉమ్మెత్త.. ఇదేదో పిచ్చి మొక్క అనుకుంటే పొరపడినట్టే..! ఆరోగ్యానికి ఎంత మంచిదో తెలుసా?

Mannam Web

Sat, 13 Apr, 2024

ఉమ్మెత్త ఆకులు అద్భుతమైన నొప్పి నివారిణిగా పనిచేస్తాయి కాళ్ల నొప్పులు, కీళ్ల నొప్పులు ఇలా ఏ ప్రదేశం లో నైనా నొప్పిగా ఉంటే వెంటనే.. ఒక ఉమ్మెత్త ఆకు తీసుకొని దానికి నువ్వుల నూనె రాసి కొద్దిగా వేడి చేసి..
నొప్పి ఉన్న చోట రాసి కట్టుకడితే ఆ నొప్పులన్నీ పరారవుతాయి చెబుతారు.

తలనొప్పి, మైగ్రేన్ తలనొప్పికి కూడా ఈ చిట్కా అద్భుతంగా పనిచేస్తుంది. తక్షణ ఉపశమనాన్ని అందిస్తుంది. అంతేకాదు.. అధిక బరువుతో ఇబ్బంది పడుతున్నవారికి కూడా ఉమ్మెత్త మంచి ఉపయోగకరంగా పనిచేస్తుంది. శరీరంలో కొవ్వు విపరీతంగా ఉన్న వారు కొవ్వు పేరుకుపోయిన చోట ఈ చిట్కా ప్రయత్నిస్తే ఒంట్లోని కొవ్వు కొవ్వొత్తిలా కరిగిపోతుంది.

ఉమ్మెత్త ఆకులతో వైద్యం అధిక బరువును తగ్గిస్తుంది. వేడి కురుపులు, సెగ గడ్డలు, స్త్రీలలో స్తనాల వాపు వంటి సమ్యలకు కూడా చక్కటి పరిష్కారంగా పనిచేస్తుంది. ఈ ఆకులకు నువ్వుల నూనె రాసి వేడిచేసి కట్టుకడితే త్వరగా ఆ సమస్యల నుంచి ఉపశమనం లభిస్తుంది.

సాధారణంగా కోతి, పిచ్చికుక్క కరిచిన వారికి కూడా ఉమ్మెత్త ఆకులతో వైద్యం చేస్తారు. ఇందుకోసం ఉమ్మెత్త ఆకులను ముద్దగా నూరి ఆ మిశ్రమాన్ని కోతి కరిచిన చోట, పిచ్చి కుక్క కరిచిన చోట రసం రాసి మర్దనా చేస్తే వాటి విషం శరీరానికి పాకదని నిపుణులు చెబుతున్నారు.

ఉమ్మెత్త ఆకుల రసాన్ని గజ్జి, తామర, దురద, పుండ్లు ఉన్నచోట రాస్తే అవి త్వరగా తగ్గిపోతాయి. తలలో పేలు, కురుపులు ఉన్నవారు.. ఈ ఆకుల రసాన్ని ఆముదం కలిపి రాస్తే పెలు పోయి, కురుపులు మానిపోతాయి. అరికాళ్ళు మంటలు తిమ్మిర్లు ఉంటే ఈ ఆకుల రసాన్ని రాస్తూ ఉంటే ఆ సమస్య త్వరగా తగ్గిపోతుంది. ఈ చెట్టు ఆకుల రసాన్ని తలకు పట్టిస్తే పేనుకొరుకుడు పోయి జుట్టు ఒత్తుగా పెరుగుతుంది.

Whooping Cough Outbreak: అలర్ట్, చైనాలో విజృంభిస్తోన్న వింత దగ్గు సమస్య – ఈ లక్షణాలు కనిపిస్తే జాగ్రత్త, కరోనా కంటే ప్రమాదకరమా?

Mannam Web

Sat, 13 Apr, 2024

Whooping Cough Outbreak: ప్రపంచంలోని అనేక దేశాల్లో కోరింత దగ్గు వేగంగా విస్తరిస్తోంది. చైనా, ఫిలిప్పీన్స్, చెక్ రిపబ్లిక్, నెదర్లాండ్స్లో అనేక మరణాలు సంభవించాయి.
అమెరికా, బ్రిటన్ వంటి దేశాల్లో కూడా దీని వ్యాప్తి కనిపించింది. 2024 మొదటి రెండు నెలల్లో చైనాలో ఈ వ్యాధి కారణంగా 13 మరణాలు సంభవించాయి. 32,380 కేసులు పెరిగాయి. ఇవి అంతకుముందు సంవత్సరం కంటే 20 రెట్లు ఎక్కువ. అదేవిధంగా, ఫిలిప్పీన్స్లో ఇన్ఫెక్షన్ గణాంకాలు గతేడాది కంటే 34 రెట్లు ఎక్కువగా నమోదయ్యాయి. అటువంటి పరిస్థితిలో, ఈ వ్యాధి ప్రాబల్యాన్ని అర్థం చేసుకోవడం చాలా ముఖ్యం. లేకపోతే.. కరోనా తరహాలోనే ఇది కూడా ప్రాణాపాయంగా మారే ప్రమాదం ఉంది. ఇంతకీ చైనాలో వ్యాపిస్తున్న ఆ వింత దగ్గు లక్షణాలు ఏమిటి? దానిని ఎలా నివారించవచ్చో తెలుసుకోవడం కూడా ముఖ్యం.

కోరింత దగ్గు అంటే ఏమిటి?

నేషనల్ డిసీజ్ కంట్రోల్ అండ్ ప్రివెన్షన్ అడ్మినిస్ట్రేషన్ ప్రకారం, కోరింత దగ్గు అనేది శ్వాసకోశ వ్యాధి. దీని వైరస్లు గాలి ద్వారా ఒకరి నుంచి మరొకరికి చేరుతాయి. అందుకే ఇది అత్యంత ప్రమాదకరమైనదిగా పరిగణిస్తారు. ఈ దగ్గును కోరింత దగ్గు అని కూడా అంటారు. దీని బారిన పడిన రోగి తరచుగా దగ్గుతున్నప్పుడు ఊపిరి పీల్చుకుంటాడు. ఈ దగ్గుకు ‘బోర్డెటెల్లా పెర్టుసిస్’ అనే బ్యాక్టీరియా కారణమని వైద్యులు చెబుతున్నారు.

కోరింత దగ్గు లక్షణాలు:

కోరింత దగ్గు సోకిన రోగులు మొదట్లో ముక్కు కారటం, తక్కువ-గ్రేడ్ జ్వరం (100.4 డిగ్రీల ఫారెన్హీట్ కంటే తక్కువ), తేలికపాటి లేదా అప్పుడప్పుడు శ్వాస ఆగిపోవడం వంటి లక్షణాలు కనిపిస్తాయి. రెండవ దశలో, దీర్ఘంగా బిగ్గరగా దగ్గు, వాంతులు, అలసట శ్వాస తీసుకోవడంలో ఇబ్బందులు ఏర్పడతాయి. మూడవ దశలో ఈ లక్షణాలన్నీ బలహీనపడటం ప్రారంభిస్తాయి. దగ్గు పూర్తిగా తగ్గడానికి 1 నుంచి 2 నెలలు పట్టవచ్చు. ఆ తర్వాత పూర్తిగా నయమయ్యే ఛాన్స్ ఉంటుంది. అయితే, రెండవ దశలో వెంటనే చికిత్స పొందకపోతే ప్రాణాలు పోయే ప్రమాదం ఉంది.
చికిత్స సాధ్యమేనా?

నిపుణుల అభిప్రాయం ప్రకారం, కోరింత దగ్గు ఫ్లూ లాగా వ్యాపిస్తుంది. రోగి దగ్గినప్పుడు లేదా తుమ్మినప్పుడు, వ్యాధి సోకిన కణాలు బయటకు వచ్చి గాలిని చేరుకుంటాయి. మరొక వ్యక్తి వాటిని పీల్చిన వెంటనే, అతను కూడా దాని బాధితుడు అవుతాడు. కోరింత దగ్గు లక్షణాలను విస్మరించకూడదు. వీలైనంత త్వరగా డాక్టర్ నుంచి సహాయం తీసుకోవాలి. వైద్యుడు సాధారణంగా యాంటీబయాటిక్స్ వాడమంటూ సలహా ఇస్తారు. ఈ యాంటీబయాటిక్స్ తో రోగికి ఉపశమనం లభిస్తుంది.

చైనా కోరింత దగ్గుకు ఉచిత వ్యాక్సిన్లను అందిస్తుంది. ఈ వ్యాక్సిన్ శిశువులను డిఫ్తీరియా, టెటానస్ నుంచి కూడా రక్షిస్తుంది. పిల్లలు కౌమారదశకు చేరుకునే కొద్దీ టీకా ప్రేరిత రోగనిరోధక శక్తి తగ్గిపోతుందని నిపుణులు అంటున్నారు. చైనీస్ ఆరోగ్య అధికారులు రోగనిరోధక శక్తిని పెంచడంలో సహాయపడటానికి బూస్టర్ షాట్లను తప్పనిసరి చేయరు లేదా అందించరు.
చైనీస్ CDC ప్రకారం, 2014 నుంచి చైనాలో హూపింగ్ దగ్గు ఇన్ఫెక్షన్లు పెరుగుతున్నాయి. 2019లో 30,000 కంటే ఎక్కువ. కోవిడ్ ఐసోలేషన్ రోజులలో కొంత విరామం తర్వాత, వారు 2022, 2023లో సంవత్సరానికి దాదాపు 40,000కి చేరుకున్నారని ఏజెన్సీ నివేదించింది. మహమ్మారి సమయంలో ప్రపంచవ్యాప్తంగా టీకా రేట్లు దెబ్బతిన్నాయి. ప్రపంచ ఆరోగ్య సంస్థ, ఐక్యరాజ్యసమితి చిల్డ్రన్స్ ఫండ్ ప్రకారం, డిఫ్తీరియా, టెటానస్, పెర్టుసిస్ షాట్ మూడు డోస్లను పొందుతున్న పిల్లల శాతం 2021లో 81 శాతానికి పడిపోయింది. ఇది 2008 నుంచి కనిష్ట స్థాయికి తగ్గింది.

SBI Salary Account: మీకు శాలరీ అకౌంట్ ఉందా? దానితో ఎన్ని ప్రయోజనాలున్నాయో తెలిస్తే.. ఆశ్చర్యపోతారు..

Mannam Web

Sat, 13 Apr, 2024

సాధారణంగా అందరికీ వివిధ బ్యాంకులలో ఖాతాలు ఉంటాయి. వాటి నుంచి లావాదేవీలు నిర్వహిస్తుంటారు. ప్రస్తుతం ఆన్ లైన్ లావాదేవీలు పెరిగిన నేపథ్యంలో ప్రతి ఒక్కరూ బ్యాంకు ఖాతాలు తీసుకుంటున్నారు. వివిధ ప్రభుత్వం పథకాల సొమ్ములు కూడా నేరుగా బ్యాంకు ఖాతాలకే జమవుతున్నాయి. బ్యాంకుల నిబంధనల ప్రకారం ఖాతాలో కనీస బ్యాలెన్స్ ఉంచాలి. అలాగే ఏటీఎమ్ తదితర వాటికి నిర్వహణ చార్జీలు చెల్లించాల్సి ఉంటుంది.

శాలరీ ప్యాకేజీ ఖాతాలు..
బ్యాంకు ఖాతాలలో శాలరీ ప్యాకేజీ ఖాతాలు వేరుగా ఉంటాయి. ప్రతినెలా జీతం వచ్చే ఉద్యోగులకు వీటిని ప్రారంభిస్తారు. మూమూలు ఖాతాదారులతో పోల్చితే వీరికి కొన్ని అదనపు ప్రయోజనాలు కల్పిస్తారు. దేశంలోని ప్రముఖ ప్రభుత్వ రంగ బ్యాంకు అయిన స్టేట్ బ్యాంక్ ఆఫ్ ఇండియా (ఎస్ బీఐ) కూడా ఈ ఖాతాలను అందజేస్తుంది. దానిలో ప్రయోజనాలు ఏంటి తెలుసుకుందాం..

ఉద్యోగస్తుల కోసం..
ఉద్యోగస్తుల బ్యాంకింగ్ అవసరాలను తీర్చడం కోసం శాలరీ ప్యాకేజీ ఖాతాలను రూపొందించారు. వీటి ద్వారా ఆర్థిక నిర్వహణను క్రమబద్ధీకరించడంతో పాటు వివిధ ప్రయోజనాలను అందజేస్తారు. మీరు ఎస్ బీఐలో శాలరీ ఖాతా ప్రారంభించాలనుకుంటే ముందుగా ఎస్ బీఐ అధికారిక వెబ్ సైట్ ను సందర్శించాలి. లేదా నేరుగా బ్యాంక్‌కు అధికారులను కలవొచ్చు. వీడియో కస్టమర్ గుర్తింపు ప్రక్రియ ద్వారా యోనో అప్లికేషన్‌లో జీతం ప్యాకేజీ ఖాతాను తెరవవచ్చు.

ప్రయోజనాలు ఇవే..
స్టేట్ బ్యాంక్ ఆఫ్ ఇండియా శాలరీ ప్యాకేజీ ఖాతాలను అందజేస్తుంది. వాటి వల్ల ఖాతాదారులకు ఈ కింద తెలిపిన ప్రయోజనాలు కలుగుతాయి.

ఇది జీరో బ్యాలెన్స్ ఖాతా
నెలవారీ బ్యాలెన్స్ చార్జీలు ఉండవు
ఆటో స్వీప్ సౌకర్యం (ఐచ్ఛికం)
ప్రత్యేకప్రయోజనాలతో ఉచిత డెబిట్ కార్డ్
దేశంలోని ఎస్ బీఐతో పాటు ఇతర బ్యాంకుల ఏటీఎంలలో అపరిమిత లావాదేవీలు
డిమాండ్ డ్రాఫ్ట్‌పై జారీ ఛార్జీల మినహాయింపు
నెలకు 25 వరకు మల్టీ సిటీ చెక్‌ల జారీ ఛార్జీల మినహాయింపు
ఆన్‌లైన్ ఆర్టీజీఎస్ /ఎన్ఈఎఫ్టీ చార్జీల మినహాయింపు
కాంప్లిమెంటరీ పర్సనల్/ ఎయిర్ యాక్సిడెంటల్ బీమా
వ్యక్తిగత, కారు రుణాల మంజూరు
అర్హత ప్రకారం ఓవర్‌డ్రాఫ్ట్ సౌకర్యం
వార్షిక లాకర్ అద్దె ఛార్జీలపై రాయితీ
ఎస్ బీఐ అందించే శాలరీ ప్యాకేజీలు..
కేంద్ర ప్రభుత్వ జీతాల ప్యాకేజీ (సీజీఎస్పీ)
రాష్ట్ర ప్రభుత్వ వేతన ప్యాకేజీ (ఎస్జీఎస్పీ)
రైల్వే జీతం ప్యాకేజీ (ఆర్ఎస్పీ)
డిఫెన్స్ జీతం ప్యాకేజీ (డీఎస్పీ)
సెంట్రల్ ఆర్మ్‌డ్ పోలీస్ శాలరీ ప్యాకేజీ (సీఏపీఎస్ఫీ)
పోలీసు జీతాల ప్యాకేజీ (పీఎస్పీ)
ఇండియన్ కోస్ట్ గార్డ్ జీతం ప్యాకేజీ (ఐసీజీఎస్పీ)
కార్పొరేట్ జీతం ప్యాకేజీ (సీఎస్పీ)
ప్రారంభ జీతం ప్యాకేజీ ఖాతా (ఎస్ యూఎస్పీ)
ఖాతా తెరవడానికి అవసరమైన పత్రాలు..
పాస్ పోర్ట్ సైజు ఫొటో
పాన్ కార్డ్
చిరునామా రుజువు
ఉపాధి / సేవా ధృవీకరణ పత్రం
తాజా జీతం స్లిప్
ఉమ్మడి ఖాతా కోసం ఇద్దరికీ గుర్తింపు రుజువు, చిరునామా రుజువు అవసరం.
పొదుపు ఖాతాలను మార్చుకునే అవకాశం..
ఎస్ బీఐలో ఇప్పటికే ఉన్న పొదుపు ఖాతాలను శాలరీ ఖాతాలుగా మార్చుకునే అవకాశం ఉంది. అందుకు ఉపాధి రుజువు, జీతం స్లిప్/సర్వీస్ సర్టిఫికెట్ ను బ్యాంకు లో అందజేయాలి. శాలరీ ఖాతాకు వరుసగా మూడు నెలల పాటు జీతం జమ కాకుంటే దానిని సాధారణ పొదుపు ఖాతా కింద పరిగణిస్తారు. వాటికి అనుగుణంగా అన్ని చార్జీలు విధిస్తారు.

YS Vijayamma : విదేశాలకు విజయమ్మ.. ఇద్దరి ఒత్తిడి తట్టుకోలేకనేనా ?

Mannam Web

Sat, 13 Apr, 2024

YS Vijayamma America Tour : ఏపీ ఎన్నికలు ముంగిట్లో ఉన్న వేళ.. వైఎస్ విజయమ్మ విదేశాలకు వెళ్లారు. ఇప్పుడిదే ఏపీలో హాట్ న్యూస్. ఎందుకంటే.. సీఎం జగన్ ఒకవైపు.. షర్మిల మరోవైపు చేరి.. ఎన్నికల్లో పోటీకి సై అంటే సై అంటున్నారు. షర్మిలపై జగన్ ప్రత్యక్షంగా విమర్శలు చేయకపోయినా.. ఆ పార్టీనేతలు షర్మిల వ్యాఖ్యలపై నిప్పులు చెరుగుతున్నారు. ఇక షర్మిల, సునీత కలిసి జగన్ పై ఏ స్థాయిలో విమర్శలు చేస్తున్నారో ప్రత్యేకంగా చెప్పనక్కర్లేదు.

వైఎస్ వివేకానంద హత్యకు కారకులను ఇంతవరకూ అరెస్ట్ చేయని సీఎం.. ఇక ప్రజలకు ఏం న్యాయం చేస్తాడని విమర్శలు గుప్పిస్తున్నారు. అధికారపార్టీ హంతకులకు కొమ్ముకాస్తోందని ఆరోపణలు చేస్తున్నారు. కూతురు వెనక్కి తగ్గదు. కొడుకుకు సపోర్ట్ చేయలేక.. ఇద్దరి మధ్యన నలిగిపోయిన విజయమ్మ అమెరికా వెళ్లినట్లు సమాచారం. సరిగ్గా ఎన్నికలకు ముందు ఆమె అమెరికాకు వెళ్లడంపై ఏపీ రాజకీయవర్గాల్లో చర్చకు దారితీసింది. తిరిగి ఆమె ఎన్నికలు ముగిశాకే వస్తారని సమాచారం.

సీఎం జగన్, పీసీసీ అధ్యక్షురాలు షర్మిలకు మధ్య పొలిటికల్ వార్ తారాస్థాయిలో జరుగుతోంది. ఇద్దరి మధ్య పచ్చగడ్డి వేస్తే భగ్గుమనేంతలా ఉంది. ఇదే విజయమ్మకు తలనొప్పిగా మారినట్లు తెలుస్తోంది. గత నెల 27న జగన్ మేమంతా సిద్ధం బస్సుయాత్ర ప్రారంభానికి ముందు ఇడుపులపాయలో వైఎస్ ఘాట్ వద్ద జరిగిన ప్రత్యేక ప్రార్థనల్లో విజయమ్మ పాల్గొన్నారు. ఆ తర్వాత షర్మిల బస్సుయాత్ర సందర్భంగా కూడా ఇడుపులపాయలో ప్రత్యేక ప్రార్థనలు చేశారామె. ప్రార్థనలైతే చేశారు గానీ.. ఇద్దరిలో ఎవరి తరపున ప్రచారం చేసినా.. అది మరొకరికి నష్టం చేస్తుందని భావించినట్లున్నారు.

కడప జిల్లాలో పర్యటిస్తున్న షర్మిలకు వైఎస్ బిడ్డగా.. ఎనలేని ఆదరణ లభించింది. దానికి తోడు వివేకా హత్యోదంతంపై చేసిన ఆరోపణలు, సునీత మద్దతు కూడా షర్మిలకే ఉండటం ప్లస్ అయింది. కరవమంటే కప్పకు కోపం.. విడవమంటే పాముకు కోపమన్నట్లుగా కొడుకు – కూతురు ఉండటంతో.. ఎవరికీ మద్దతివ్వలేక అమెరికాలో ఉన్న మనవడు రాజారెడ్డి వద్దకు వెళ్లినట్లు వార్తలొస్తున్నాయి. మళ్లీ ఎన్నికలు పూర్తయ్యాకే ఆమె తిరిగి వస్తారని అంటున్నారు.

కాగా.. 2019 ఎన్నికల్లో జగన్ ను సీఎం చేసేందుకు తల్లీకూతుర్లిద్దరూ కష్టపడిన విషయం తెలిసిందే. సీఎంగా పగ్గాలు చేపట్టాక.. తల్లిని, చెల్లిని జగన్ పక్కనపెట్టారన్న విమర్శలు వచ్చాయి. సీఎంగా జగన్ ప్రమాణ స్వీకారం చేసినపుడు కనిపించిన విజయమ్మ.. ఆ తర్వాత అప్పుడప్పుడు మాత్రమే ఆయన్ను కలిశారు. ఇటీవల జరిగిన షర్మిల కుమారుడి నిశ్చితార్థంలోనూ అన్న-చెల్లెలు ఎడముఖం పెడముఖంగానే కనిపించారు. రాజారెడ్డి – ప్రియ వివాహానికి కూడా జగన్, ఆయన కుటుంబ సభ్యులెవరూ హాజరు కాకపోవడం ఇద్దరి మధ్య ఉన్న విభేదాలను బయటపెట్టింది. ఎవరికీ చెప్పలేక, ఎటూ నిలబడలేక, ప్రచారంలో పాల్గొనలేక విజయమ్మ విదేశాలకు వెళ్లిపోయినట్లు టాక్.

Manchu Manoj – Mounika : పండంటి పాపకు జన్మనిచ్చిన మంచు మనోజ్ దంపతులు.. మంచు లక్ష్మి స్పెషల్ పోస్ట్..

Mannam Web

Sat, 13 Apr, 2024

Manchu Manoj – Mounika : మంచు మనోజ్ కొన్నాళ్ల క్రితం మౌనికతో రెండో వివాహం చేసుకున్నారు. అప్పటికే మౌనికకు ధైరవ్ అనే బాబు ఉన్నాడు. వీరి పెళ్లి తర్వాత ఇప్పటికే మనోజ్ – మౌనిక దంపతులు పలుమార్లు వైరల్ అయ్యారు.

ఇద్దరూ కలిసి ఓ కొత్త బిజినెస్ కూడా మొదలుపెట్టారు. తమ ఫ్యామిలీ ఫొటోలు కూడా మనోజ్, మౌనిక అప్పుడప్పుడు పోస్ట్ చేస్తున్నారు. గత డిసెంబర్ లో మౌనిక ప్రగ్నెంట్ అని తెలిపాడు మనోజ్.

తాజాగా నేడు మౌనిక పండంటి పాపాయికి జన్మనిచ్చిందని మంచు లక్ష్మి(Manchu Lakshmi) తెలిపింది. మనోజ్ – మౌనిక మరోసారి తల్లితండ్రులయ్యారు. మా ఇంట్లో దేవత వచ్చింది. మనోజ్ – మౌనిక దంపతులు పాపకి జన్మనిచ్చారు. అన్నగా ధైరవ్ సంతోషిస్తున్నాడు. అప్పుడే తనకి MM పులి అనే నిక్ నేమ్ కూడా పెట్టాము. శివుడి ఆశీస్సులు ఈ ఫ్యామిలీపై ఉండాలని కోరుకుంటున్నాను అని మంచు లక్ష్మి ట్విట్టర్లో పోస్ట్ చేసింది.

దీంతో మంచు లక్ష్మి పోస్ట్ వైరల్ గా మారగా మనోజ్ – మౌనిక దంపతులకు అభిమానులు, నెటిజన్లు శుభాకాంక్షలు తెలుపుతున్నారు. ఇక మంచు లక్ష్మి చేసిన ట్వీట్ ని మంచు మనోజ్ రీ ట్వీట్ చేశాడు.

https://x.com/LakshmiManchu/status/1779033351669899289

Nirmala : బాల్య వివాహాన్ని ఎదురించిన అమ్మాయి.. ఏపీ ఇంట‌ర్ ఫ‌స్ట్ ఇయ‌ర్‌లో టాప‌ర్‌..

Mannam Web

Sat, 13 Apr, 2024

AP Inter Results 2024: ఒక‌ప్పుడు ఆడ‌పిల్ల‌లు అంటే స‌మాజంలో చిన్న‌చూపు ఉండేది. క్ర‌మంగా ఈ ప‌రిస్థితుల్లో మార్పులు వ‌స్తున్నాయి. అబ్బాయిల‌తో స‌మానంగా అమ్మాయిలు అన్ని రంగాల్లోనూ రాణిస్తున్నారు. అయితే.. ఆర్థిక ప‌రిస్థితులు స‌హ‌క‌రించ‌క‌పోవ‌డంతో ఆడ‌పిల్ల‌ల చ‌దువు మాన్పించి పెళ్లిళ్లు చేస్తే త‌మ బాధ్య‌త తీరిపోతుంద‌ని భావించే త‌ల్లిదండ్రులు ఉన్నారు. కాగా.. నాడు బాల్య వివాహాన్ని ఎదురించిన బాలిక నేడు ఇంట‌ర్ ఫస్ట్ ఇయ‌ర్ ఫ‌లితాల్లో ప్ర‌థ‌మ స్థానంలో నిలిచింది. 440 మార్కుల‌కు గానూ 421 మార్కులు సాధించింది.

ఆంధ్ర‌ప్ర‌దేశ్ రాష్ట్రంలోని క‌ర్నూలు జిల్లా ఆదోని మండ‌లం పెద్ద‌హ‌రివాణం గ్రామానికి చెందిన నిర్మ‌ల అనే బాలిక త‌న ల‌క్ష్యం దిశ‌గా అడుగులు వేస్తోంది. ప‌దోత‌ర‌గ‌తిలో 537 మార్కులు సాధించిన‌ప్ప‌టికీ.. త‌ల్లిదండ్రులు ఆమెకు బాల్య వివాహం చేయాల‌ని నిర్ణ‌యించారు. పెళ్లి ఇష్టం లేద‌ని చెప్పిన బాలిక ఐపీఎస్ కావ‌డ‌మే త‌న ధ్యేయ‌మ‌ని తెలిపింది. ఈ క్ర‌మంలో ఇటీవ‌ల విడుద‌ల చేసిన ఇంట‌ర్ మొద‌టి సంవ‌త్స‌రం ప‌రీక్షా ఫ‌లితాల్లో ప్ర‌థ‌మ స్థానంలో నిలిచింది.

శ్రీనివాసులు, హనుమంతమ్మ దంపతులకు నలుగురు కూతుర్లు సంతానం. వీరి చిన్న కూతురే నిర్మల‌. మిగిలిన ముగ్గురు ఆడ పిల్ల‌ల‌కు పెళ్లిళ్లు చేసి పంపించారు. చ‌దువులో మెరుగ్గా రాణిస్తున్న‌ప్ప‌టికీ ఆర్థిక ప‌రిస్థితి కార‌ణంగా త‌ల్లిదండ్రులు పై చ‌దివించేందుకు ఒప్పుకోలేదు. అయితే.. నిర్మ‌ల‌కు మాత్రం చ‌దువుకోవాల‌న్న ఆశ ఎక్కువ‌గా ఉండేది. ఈ క్ర‌మంలో గడపగడపకు కార్యక్రమంలో ఆదోని ఎమ్మెల్యే సాయిప్రసాద్‌రెడ్డి, అధికారులు ఆ బాలిక ఇంటికి వెళ్లారు.

వారితో నిర్మ‌ల త‌న మ‌న‌సులో ఉన్న కోరిక‌ను చెప్పింది. ప‌దో త‌ర‌గ‌తిలో మంచి మార్కులు తెచ్చుకున్నాన‌ని, పై చ‌దువు చ‌దివించే ఆర్థిక స్థోమ‌త త‌న త‌ల్లిదండ్రుల‌కు లేద‌ని వివ‌రించింది. త‌న‌కు సాయం చేయాల‌ని, త‌ల్లిదండ్రుల‌ను ఒప్పించాల‌ని కోరింది. వెంట‌నే స్పందించిన ఎమ్మెల్యే సాయిప్ర‌సాద్ రెడ్డి బాలిక త‌ల్లిదండ్రుల‌తో మాట్లాడారు. అనంత‌రం అధికారుల‌తో మాట్లాడి బాలిక చ‌దువుకునేలా ఏర్పాట్లు చేయాల‌ని సూచించారు.

కర్నూలు కలెక్టర్‌ డాక్టర్‌ సృజన స్పందించి ఆస్పరి కేజీబీవీలో బైపీసీ గ్రూప్‌లో బాలిక‌ను చేర్పించాలని అధికారుల‌ను ఆదేశించారు. బాల్య వివాహాన్ని త‌ప్పించుకున్న బాలిక నేడు ఇంట‌ర్ ఫ‌స్ట్ ఇయ‌ర్ ఫ‌లితాల్లో ప్ర‌థ‌మ స్థానంలో నిలిచింది. త‌న చ‌దువుకు స‌హ‌క‌రించిన అంద‌రికీ కృజ్ఞ‌త‌లు తెలిపింది.

Congratulations to Ms. G. Nirmala from Kasturba Gandhi Balika Vidyalaya (KGBV), Kurnool, a residential girls’ school run by the Ministry of Education for the disadvantaged sections in India, for securing the top spot in the 1st Year Intermediate exam of Andhra Pradesh… pic.twitter.com/OVqEX0frQL

— Ministry of Education (@EduMinOfIndia) April 13, 2024

Heart Attack : ఇలాంటి గుండెనొప్పిని అస్సలు నమ్మకండి.. చాలా డేంజర్..!

Mannam Web

Sat, 13 Apr, 2024

Heart Attack : ఈ రోజుల్లో గుండెపోటు మరణాలు.. హార్ట్ ఎటాక్ లాంటివి తరచూ వినిపిస్తున్నాయి. ఒకప్పుడు హార్ట్ ఎటాక్ మరణాలు చాలా రేర్ గా వినిపించేవి.

కానీ ఇప్పుడు మాత్రం చాలా ఎక్కువగా తరచూ వినిపిస్తూనే ఉన్నాయి. ఒకప్పుడు పెద్ద వయసు వారిలో మాత్రమే కనిపించేవి. కానీ ఇప్పుడు మాత్రం చిన్న వయసు వారిలో కూడా కనిపిస్తున్నాయి. దాంతో ప్రజలు నిత్యం ఆందోళనలకు గురవుతున్నారు. ఎప్పుడు ఎవరికి ఏమవుతుందో తెలియక నానా అవస్థలు పడుతున్నారు. అయితే గుండె నొప్పిలో చాలా రకాలు ఉంటాయి. హార్ట్ ఎటాక్ వచ్చే ముందు కొన్ని లక్షణాలు కనిపిస్తాయి.వాటిని నిర్లక్ష్యం చేస్తే అంతే సంగతి అని డాక్టర్లు చెబుతున్నారు. చాలా మందికి గుండెపోటు ముందు వచ్చే నొప్పికి సాధారణ నొప్పికి తేడాలు తెలియవు. దాంతో కొందరు నొప్పి వచ్చినా సరే లైట్ తీసుకుంటారు ఏదో ఒక ట్యాబ్లెట్ వేసుకుని ఇంట్లోనే ఉండిపోతారు. అలాంటి వారికి గుండెపోటు వచ్చి సడెన్ గా ప్రాణాలు కోల్పోయే ప్రమాదమే ఎక్కువగా ఉంటుంది.

Heart Attack : నిర్లక్ష్యం చేయొద్దు..

తీవ్రంగా నొప్పి వస్తుంటే మాత్రం కచ్చితంగా నిర్లక్ష్యం చేయొద్దని డాక్టర్లు సూచిస్తున్నారు. కానీ కొందరు మాత్రం తేడాలు తెలియక.. అది సాధారణనొప్పి అనుకుంటారు. ఇలాంటి వారి కోసం ఇప్పుడు కొన్ని టిప్స్ తెలుసుకుందాం.భరించ లేనంత చాతినొప్పి చిన్నదే కావచ్చు. కానీ ఛాతినొప్పి వచ్చే సమయంలో నొప్పి మెడ, దవడకు, తరువాత వెనుకకు లేదా కిందకి, ఒకటి లేదా రెండు చేతులకు వ్యాపిస్తుంది. అప్పుడు అస్సలు విస్మరించకూడదు అని డాక్టర్లు హెచ్చరిస్తున్నారు. ఎందుకంటే ఈ నొప్పి గుండె సంబంధిత సమస్యలకు కారణం అవుతుంది. ఛాతినొప్పిలో కూడా వివిధ రకాలు ఉంటాయి.

Heart Attack : ఇలాంటి గుండెనొప్పిని అస్సలు నమ్మకండి.. చాలా డేంజర్..!

ఛాతినొప్పి వచ్చే సమయంలో వికారం వాంతులు కూడా అవుతాయి. అప్పుడు అస్సలు లైట్ తీసుకోవద్దు.

చాతినొప్పి వచ్చిన సమయంలోనే చల్లని చెమటలు వస్తుంటాయి. వాటిని అస్సలు లైట్ తీసుకోవద్దు.

శ్వాస తీసుకోవడంలో ఇబ్బంది వచ్చినప్పుడు కూడా వెంటనే డాక్టర్ వద్దకు వెళ్లాలి.

గుండె వేగంగా కొట్టుకుంటే కూడా అది తీవ్రమైన గుండె నొప్పికి దారి తీస్తుంది.

మైకము లేదా బలహీనతగా ఉన్నా కూడా వెంటనే చికిత్స తీసుకోవాలి.

Also Read

Education

Health

సినిమా

POPULAR POSTS

POPULAR CATEGORY