వేసవి ఉష్ణోగ్రతలు పెరుగుతున్న నేపథ్యంలో విద్యార్థుల ఆరోగ్యానికి ప్రాధాన్యతనిస్తూ తెలంగాణ రాష్ట్ర ప్రభుత్వం కీలక ఆదేశాలు జారీ చేసింది.
మార్చి 15 నుండి అన్ని ప్రభుత్వ మరియు ప్రైవేట్ పాఠశాలలు హాఫ్ డే సెషన్లు నిర్వహించాలని ఆదేశించింది.
ఈ షెడ్యూల్‌ను అమలు చేయాలని పాఠశాల యాజమాన్యాలు మరియు ప్రధానోపాధ్యాయులకు అధికారిక ఉత్తర్వులు పంపబడ్డాయి.
ఈ ఆదేశాల ప్రకారం, రాష్ట్రవ్యాప్తంగా స్కూల్స్ ఉదయం 8:00 గంటల నుండి మధ్యాహ్నం 12:30 గంటల వరకు పనిచేస్తాయి.
అదనంగా, ప్రభుత్వం ఏప్రిల్ 20 నుండి వేసవి సెలవులను ప్రకటించడమైనది. 10వ తరగతి బోర్డు పరీక్షలకు పరీక్షా కేంద్రాలుగా పనిచేస్తున్న పాఠశాలలు అవసరమైన విధంగా మధ్యాహ్నం సెషన్లు నిర్వహించాలని ఆదేశించబడింది.
తదనుగుణంగా అవసరమైన ఏర్పాట్లు చేయాలని ప్రభుత్వం ప్రభుత్వ మరియు ప్రైవేట్ పాఠశాల నిర్వాహకులను ఆదేశించింది.
