YS Sunitha: 15న వైఎస్ సునీత సంచలన ప్రకటన.. అదేంటంటే?

YS Sunitha: వైఎస్ సునీత రాజకీయ ప్రకటన చేయనున్నారు.వచ్చే ఎన్నికల్లో పోటీపై తన నిర్ణయం ప్రకటించనున్నారు. ముఖ్యంగా కడప రాజకీయాల్లో ఇదో ఆసక్తికరమైన పరిణామం.
ఈనెల 15న వైఎస్ వివేకానంద రెడ్డి వర్ధంతి సందర్భంగా తన నిర్ణయాన్ని వెల్లడించనున్నారు. వివేకానంద రెడ్డి వర్ధంతికి సంబంధించి పులివెందులలో అన్ని ఏర్పాట్లు చేశారు. అయితే వైసిపి నాయకులు అడ్డుకోవడంతో వేదికను కడపకు మార్చారు. కొద్దిరోజుల కిందట ఢిల్లీలో మీడియా సమావేశం ఏర్పాటు చేసి ప్రజాక్షేత్రంలోకి అడుగుపెడుతున్నట్లు సంకేతాలు ఇచ్చారు. తనకు ఏపీ ప్రజలు మద్దతు తెలపాలని కోరారు. దీంతో ఆమె పొలిటికల్ ఎంట్రీ పక్కా అని ప్రచారం జరుగుతోంది.

వైయస్ వివేకానంద రెడ్డి కడప పార్లమెంట్ స్థానంతో పాటు పులివెందుల అసెంబ్లీ సీటుకు కూడా ప్రాతినిధ్యం వహించారు. అందుకే ఆ జిల్లా నుంచి పోటీ చేయబోతున్నట్లు సునీత ప్రకటించే అవకాశం ఉంది. అయితే ఆమె పులివెందుల నుంచి బరిలో దిగుతారా? కడప లోక్సభ స్థానం నుంచి పోటీ చేస్తారా? అన్నది ఈనెల 15న క్లారిటీ రానుంది. అయితే సునీత నేరుగా బరిలోకి దిగుతారా? లేకుంటే ఆమె తల్లి సౌభాగ్యవతమ్మను పోటీలో పెడతారా? అన్నది కూడా తెలియాల్సి ఉంది. అయితే ఆ కుటుంబం ప్రత్యక్ష ఎన్నికల్లో పోటీ చేయడం ఖాయమని మాత్రం అనుచరులు చెబుతున్నారు.

ఒకవేళ సునీత ఆసక్తి చూపితే తెలుగుదేశం పార్టీ వారి అభ్యర్థిత్వాన్ని పరిశీలించే అవకాశం ఉంది. అయితే ఇప్పటికే వారి వెనుక చంద్రబాబు ఉన్నట్లు ప్రచారం జరుగుతోంది. టిడిపి వైపు మొగ్గుచూపితే ఆ ప్రచారానికి బలం ఇచ్చినట్టు అవుతుంది. మరోవైపుషర్మిల రూపంలో కాంగ్రెస్ పార్టీలో ఛాన్స్ ఉంది.అయితే ఆ పార్టీ నుంచి పోటీ చేస్తే గెలుపు ఎంత అన్నది అనుమానం. అందుకే ఇండిపెండెంట్ గా పోటీ చేస్తే అన్ని పార్టీల మద్దతు పొందే అవకాశం ఉంది . అందుకే ఏ పార్టీలో చేరకుండా ఇండిపెండెంట్ గా పోటీ చేస్తామని ప్రకటించే ఛాన్స్ కనిపిస్తోంది. వారి నుంచి అటువంటి ప్రకటన వచ్చినా వైసీపీకి కలవరపాటు తప్పదు. ఒకవేళ సునీత కుటుంబం ప్రత్యక్ష ఎన్నికల్లో దిగితే మాత్రం కడప రాజకీయ సమీకరణలో మార్పులు శరవేగంగా వచ్చే అవకాశాలు స్పష్టంగా కనిపిస్తున్నాయి. మరి ఏం జరుగుతుందో చూడాలి.

Related News

Related News

Leave a Reply

Your email address will not be published. Required fields are marked *